1 SAMUEL 27:3 - Lai (Hakha) Common Language Bible 2006

³ Cun David cu amah le a mi hna he, mi kip nih an innchungkhar cio he, cun David zong cu a nupi pahnih, Jezreel khuami Ahinoam le Karmel i a rak ummi Nabal nupi ro Abigail hna he khan, Akhish sinah, Gath ah khan an um.

1 SAMUEL 27:3 Referans Kwoze

1 SAMUEL 30:5

David nupi pahnih, Jezreel mi Ahinoam le Karmel mi Nabal nupi ro Abigail zong kha an rak tlaih hna.

1 SAMUEL 30:3

Cun David le a mi hna cu khua kha an ra phak tikah, mei in khangh dih a rak si i an nupile le an fapale le an fanule hna cu an rak tlaih dih hna kha an hmuh.

1 SAMUEL 25:3

Cu pa a min cu Nabal a si i a nupi min cu Abigal a si. Minu cu a fimmi le aa dawhmi a si, sihmanhsehlaw mipa cu mikhepkha le ziaza ṭhalo a si; amah cu Kaleb mi a si.

1 SAMUEL 27:4

Cun Saul kha, David cu Gath ah a zam cang, tiah an chimh tikah, amah cu a kawl ti lo.

2 SAMUEL 2:3

Cun David nih a sin i a ummi a mi vialte hna kha, an innchungkhar cio he a hun i kalpi hna i Hebron khua hna ah cun an um.