1 PETER 4:15 - Lai (Hakha) Common Language Bible 2006

¹⁵ Lainawng si ruang le mifir si ruang le miṭhalo si ruang le midang rian i vaa sawhkalh ruang bel ah ahohmanh temhnak ing hlah u.

Laibaibal Thiang (BSI)

¹⁵ Asinain nan tuar chan cu lainawn ruang le, thilfir ruang le, Ṭhatlonâk tuah ruang le, a herh lo i midang kongah nan i thlak ruangah sihlah seh.

1 PETER 4:15 Referans Kwoze

2 THESALON 3:11

Hiti kan rak in chimh hna cu, nanmah lakah a tha a thumi, zeidang zeihmanh ṭuan zuam loin midang hnahnawh lurit a pe men in a ummi an um ti kan theih caah khan a si.

1THESALON 4:11

Hmasa ah kan in chimh hna bantuk khan, dai tein khuasak kha i tinh u law nanmah nan riante kha ṭuan u law nanmah tein nan paw i cawm u.

1TIMOTE 5:13

Inn khat hnu inn khat an vak lengmang i an caan kha pakpalawng men ah an hman. Cun cu nak hmanh in a ṭhalo chinmi cu, mi congoih kha an thiam i a kenkip ah khan an vaa sawh i chim awk a si lomi zong kha an chim lengmang.

1 PETER 3:17

Chiatnak tuah ruang i innak hmuh nakin ṭhatnak tuah ruang i innak huah cu a ṭha deuh, cucu Pathian duhnak a si,

2TIMOTE 2:9

Thawngṭha ka chim ruangah temhinnak ka huah i misual bantukin thir cikcin in an ka khih. Sihmanhsehlaw Pathian bia cu thir cikcin in hren khawh a si lo.

MATTHAI 5:11

“Nannih cu ka zultu nan si ruangah mi nih an in nihsawh hna i an in hrem hna i lih a phunphun an in puh hna tikah, nan caah lunglawmh awk a va si dah!

EXODUS 22:2

A liam hrimhrim awk a si lai. Zeihmanh ngeihmi a ngeih lo ahcun, a firmi chamnak ah khan amah cu zuar a si lai. A firmi saṭil kha, cawtum siseh, laa siseh, tuu siseh, a kut chungah a rak nun ko rih ahcun, a let in a liam lai. “Mifir pakhat nih inn a bauh i a bauhnak ah an thah ahcun a thattu cu lainawng a si lo. Asinain ni chuah hnuah a si ahcun lainawng a si ṭhiamṭhiam.

1 PETER 3:14

Cun a dingmi thil tuah ruangah temhnak nan in ahcun, nan caah lunglawmh awk a va si thiam dah! Minung kha ṭih hna hlah u, hmailei thil ruah ah nan khuaruah zong har fawn hlah u.