1 PETER 2:11 - Lai (Hakha) Common Language Bible 2006

¹¹ Ka dawtmi ka hawile hna, hi vawlei cungah khual le ralzam nan si bantukin thlarau he aa do zungzalmi pumsa duhnak kha i teiter hna hlah u, tiah kan nawl hna.

Laibaibal Thiang (BSI)

¹¹ Dawtmi hna khual le khualtlawng men nan si caah, thlarau ralchanhtu thisa duhnâk kha ngol dingin kan nawl hna.

1 PETER 2:11 Referans Kwoze

GALATI 5:24

Cun Khrih Jesuh ta a simi nih cun a minung sinak kha tuah a duh tawnmi thil le a pumsa duhnak he khan a thah.

1 PETER 4:2

Cucaah atu thawk in, hi vawlei cung i nan nun chung cu, minung duhnak kha si ti loin Pathian duhnak tu kha i ukter cang u.

HEBRU 11:13

Hi mi vialte hna hi zumhnak ngei in an thi. Pathian nih a kamhmi hna cu an hmu lo, sihmanhsehlaw lamhlatpi in an rak hmuh i an rak i lawm i vawlei cungah hin khual le a vakvai menmi kan si, an rak ti.

ROM 8:13

Nan mihring sining in nan nun ahcun nan thi ko lai; sihmanhsehlaw sualnak nan tuahmi kha Thlarau in nan thah ahcun nan nung lai.

1 CHANRELNAK 29:15

Zeitintiah kannih cu, kan pupa vialte hna mipem an rak si bantuk khan, na hmaiah khual kan si; vawleicung i kan nunchung ni hna hi thladem bantuk men an si i ruahchannak zeihmanh a um lo.

JEIM 4:1

Nan i siknak le nan i velhnak vialte hi khuazei in dah an rat? Nuamhnak nan duhnak in an ra i cu nan duhnak cu nan pum chungah khan anmah le anmah aa do lengmangmi an si.

2TIMOTE 2:22

Tlanval lio pumsa duhnak kha zamtak i zuam hna law, kan bawm ko tiah Bawipa sinah thla a cam lengmangmi hna he dinnak le zumhnak le dawtnak le daihnak kha kawl i zuam u.

2 KORIN 7:1

Ka dawtmi ka hawile hna, hi biakamnak vialte hi kanmah pei pek kan si cu. Cucaah pum siseh, thlarau siseh, a thurhnawmhtertu paohpaoh kha i thianh u sih law Pathian ṭih bu tein um u sih.

ROM 12:1

Cucaah ka u le ka nau hna, Pathian nih a kan zaangfahnak a nganmi ruangah hin, Pathian sinah a nung in pekchanhmi raithawinak bantukin i pe tuah u; a rian ah aa pumpemi le cohlan awk tlakmi si tuah u; cucu biaknak taktak Pathian nan pek awk biaknak cu a si.

EFESA 4:1

Cucaah Bawipa rian ṭuan ruang i thong i a tlami keimah nih, Pathian nih an auhnak hna he aa tlakmi nunning khan nung u tiah kan forh hna.

ROM 7:23

sihmanhsehlaw ka chung i phung dang a rak um ve kha ka hngalh — cu phung cu ka lung nih a ṭha a timi phung a rak dohtu kha a si. Cu phung nih cun, ka pum chung i rian a ṭuanmi sualnak phung sal ah khan a ka ser.

LAMKALTU 15:29

siasal pekchanhmi rawl kha ei i sum u, thi ei kha i sum u, hngawngdih sa ei i sum u, cun nu le pa sualnak kha i sum u. Hi thil hna tuah hi nan i sum ahcun nan caah a ṭha lai. Dam tein,” tiah an ti.

LUKA 21:34

“I ralring tuah u. Zudin sa-einak le khuasak tintuk harnak lawng kha ruat hlah u, cu ti nan si ahcun cu Ni nih cun ruah lopi ah rap bantukin an foih sual hna lai.

SALM 119:19

Vawlei cungah hin caan tlawmte lawng ka um lai, cucaah na nawlbia kha ka thuhkanh hna hlah.

SALM 39:12

Bawipa, ka thlacamnak cu ka theihpiak tuah, kan nawlnak cu ka ngaihpiak ko; nangmah kan auh tikah dai tein ka umtak hlah. Ka pupa vialte hna bantukin, kei cu caan tawite chung lawng na khualpa cu ka si ko.

LEVITIKAS 25:23

Ram cu zungzal ca cun nan zuar lai lo, zeitintiah ram cu keimah ta a si; zeitintiah nannih cu keimah sin i mipem le khual nan si.

1 PETER 1:17

Pathian sin i thla nan cam tikah, amah cu kan Pa tiah nan kawh; amah nih cun mi vialte kha an tuahning cio ah duhdanh zeihmanh um loin bia a ceih hna. Cu Pathian cu a sin i thla nan cam tikah, kan Pa, tiin nan kawh ṭung ahcun, hi vawleicung nan nun lioah hin amah upat bu tein nan um awk a si.

2 KORIN 6:1

Hi rian ah hin Pathian he a ṭuan ṭimi kan si caah hitihin kan in nawl hna: Pathian vel cu nan hmuh cang i cu vel cu pakpalawng ah canter hram hlah u.

2 KORIN 5:20

Cucaah Khrih lamkaltu bantukin kannih cu kan ra. Kannih nih kan in nawl hna hi Pathian nih an nawl hna bantuk a si: Pathian he i rem ko u, tiah Khrih min in kan in nawl hna.

LAMKALTU 15:20

Cu nakin kan tuah awk deuh a si tiah ka ruahmi cu, ca kan kuat hna lai i siasal sinah pekchanh ciami sa cu thurhnawmh cangmi sa a si caah ei nan i sum lai, nu le pa sualnak khan an i sum lai, hngawngdih sa ei nan i sum lai, zei thi hmanh ei nan i sum lai, tiah kan ti hna lai.

GENESIS 47:9

Jakob nih cun, “Ka vahvaih chung hi kum za le sawm thum a si cang. Hi kum hna hi a harmi kum an si. Ka pupa hna an vahvaih kum he tuak chun ahcun tlawmte a si ko,” tiah a leh.

1 PETER 1:1

Jesuh Khrih lamkaltu a simi Peter nih, Pontas, Galatia, Kappadosia, Asia le Bithinia peng i ralzam bangin aa ṭhekmi, Pathian thimmi hna, nan sinah ca kan kuat hna.

SALM 119:54

Ka inn in lamhlatpi i ka umnak hmun ah na nawlbia kha hla in ka hlawi hna.

GENESIS 23:4

“Kei cu hika ah hin ramdangmi le a lang i a ra um tami ka si. Cucaah nan vawlei tlawmpal cu kan i vuinak ding caah ka zuarh u law ka duh, ka nupi cu cuka ah cun ka vui khawh nakhnga,” a ti.

EFESA 2:19

Cucaah nannih Jentail mi hna, ramdang mi le khual nan si ti lo; Pathian mi hna he cun laikhat nan si cang i Pathian innchungkhar chung mi nan si cang.

HEBRU 6:9

Kan dawtmi kan hawile hna, hi bantukin bia chim hmanh u sih law, nannih kong tu ah cun kan hna a ngam ko. Nannih cu, thluachuahnak a ṭha deuhmi, khamhnak a ngeimi nan si ti kha kan hngalh.

1 PETER 4:12

Ka dawtmi ka hawile hna, a fakmi temhinnak nan in caah hin, nan khuaruahhar hlah u, kan cungah a um bal theng lomi thil a tlung tiin ruat hlah u.

2 PETER 3:1

Ka dawtmi ka hawile hna, atu i ca kan kuatmi hna hi a pahnihnak a si. Ka ca chungah, an pahnih tein, tuah kaa zuammi cu, nan lung chung i ruahnak thiang ṭhanghter kha a si i cucaah cun hi thil hi kan chimh ṭhan lengmang hna.

GENESIS 21:34

Filistin mi hna ram ah cun Abraham cu saupi a um.

LEVITIKAS 15:18

Pa nih nu he a ih i a ci a chuah ahcun an pahnih in ti in an i kholh lai i zanlei tiang thianglo an si lai.