1 KORIN 9:23 - Lai (Hakha) Common Language Bible 2006

²³ Hi vialte hi tiin ka tuah cu thawngṭha ruangah khan a si, cu thawngṭha cu mi vialte ka hrawm khawh hna nakhnga ka duh caah a si.

Laibaibal Thiang (BSI)

²³ Nanmah he covo kangeih khawh nâkhnga hihi thawngṭha ruangah ka tuahmi a si.

1 KORIN 9:23 Referans Kwoze

2TIMOTE 2:10

Cun hi vialte ka innak hi Pathian nih a thimmi hna zawn ka ruah caah a si i Khrih Jesuh thawngin hmuhmi a sunglawimi le zungzal in a hmunmi khamhnak kha hmu hna seh ti ka duh caah a si.

MARKA 8:35

Zeicaahtiah a nunnak khamh a duhmi cu a nunnak kha a sung lai i keimah ruang le thawngṭha bia ruang i a nunnak a sungmi nih a nunnak kha a khamh lai.

1JOHAN 1:3

Kannih nih kan hmuhmi le kan theihmi cu nannih zong kha kan in chimh hna, zeicahtiah Pa le a Fapa Jesuh Khrih he hawikomhnak kan ngeihmi chungah khan nan i tel khawh ve nakhnga kan duh.

HEBRU 3:14

Zeicahtiah a hramthawk tein ralṭha ngaiin kan rak zumhmi kha fek tein a dongh tiang kan i tlaih ahcun, kan dihlak in Khrih hawi kan si dih zungzal lai.

GALATI 2:5

Asinain thawngṭha kha nan ca i him tein chiah ka duh caah minit pakhat hmanh kan i teiter hna lo.

HEBRU 3:1

Pathian nih a kawh vemi Khrihfa u le nau hna, kan i lakmi phung ca i Tlangbawi Ngan si awkah Pathian nih a thlahmi Jesuh kong kha ruat hmanh u.

2TIMOTE 2:6

Rian a hran a thattu lothlopa nih khan, rawl cu ṭuan a cut tikah, a hmuh awk a simi cu a hmuh hmasa bik awk a si.

2 KORIN 2:4

Ca kan kuat hna ah khan lungthin fak ngai le awlokchong ngai le mitthli tla bu in ka ṭial, cu ka ṭialmi cu nanmah ngaihchiatter dingah khan si loin, zeitluk in dah kan dawt hna, ti kha nan hngalh khawhnak hnga ka duh caah a si.

1 KORIN 9:12

Midang nih nan sinin cu bantuk hmuh awk kha an i ruahchan ahcun, kannih nih cun kan i ruahchan chinchin awk a si hnga lo maw? Sihmanhsehlaw kannih nih cun, cuticun kan in ti duh hna lo. Khrih kong thawngṭha hi, zeilo nih maw dawn sual lai tiin zeizong vialte kha a in tu in kan in.

1 PETER 5:1

Khrihfa upa hna, kei zong Khrihfa upa ka si ve bantukin kan nawl hna. Khrih nih temhnak a inmi tehte pakhat ka si ve i a lang laimi sunparnak zongah kaa tel ve lai.

ROM 11:17

Cinmi oliv kung a nge cheukhat cu tan an si i ramlak oliv kung a nge kha cinmi kung ah cun peh a si. Cu bantuk cu nannih Jentail mi hi nan si; atu cu oliv kung a hrampi kha nan i hrawm ve cang.

1 KORIN 9:22

Zumhnak lei i a dermi hna sinah, anmah cu ka lak khawh hna nakhnga anmah bantuk i a dermi ah kaa cang. Cucaah zeimaw ti tal in ka khamh kho hna hnga maw tiin mi kip sinah an sining paoh in ka um ve.

1 KORIN 9:24

Tlik zuamnak ah an dihlak in tlik cu an i zuam nain laksawng a hmumi cu pakhat lawng a si ti kha nan hngalh. Cucaah laksawng hmu ding tein tli u.