1 KORIN 9:19 - Lai (Hakha) Common Language Bible 2006

¹⁹ Kei cu miluat ka si, aho sal hmanh ka si lo, asinain mi tam deuh ka lak khawh hna nakhnga ti in mi kip sal ah kaa ser.

Laibaibal Thiang (BSI)

¹⁹ Zeitintiah mi vialte sinin zalonâk ka ngei nain, mi tampi ka tei khawh nâkhnga mi vialte sinum ah kâ tuah,

1 KORIN 9:19 Referans Kwoze

GALATI 5:13

Ka u le ka nau hna, nannih cu luat dingin kawhmi nan si. Asinain cu luatnak cu nan pumsa duhnak ca i caan ṭha men ah khan hmang hlah u. Pakhat le pakhat kha dawtnak in nan rian tu i bawm u.

MATTHAI 18:15

“Na unau pakhatkhat nih na cungah sualnak a tuah ahcun, amah sinah cun va kal law a sualnak cu va chim. Sihmanhsehlaw, a thli tein nanmah pahnih lawng theih in na va tuah lai. Na bia a ngaih ahcun, na unau ah na lak khawh ṭhan a si.

1 KORIN 10:33

Ka tuahningte khan tuah ve u; ka tuahmi thil paohpaoh ah hin midang lawmhtertu si kha kaa zuam tawn; keimah ca ṭhatnak ding kha ruat loin mi vialte ṭhatnak ding tu kha ka ruat deuh; cu ti ka ruah cu khamhnak an hmuh khawh nakhnga caah a si.

1TIMOTE 4:16

Nangmah kha ṭha tein i ralring law na cawnpiaknak zong kha i ralring fawn. Cun nangmah naa khamh hleiah na bia a theimi kha na khamh khawh hna nakhnga hi thil hi ngol loin tuah lengmang ko hna.

2TIMOTE 2:10

Cun hi vialte ka innak hi Pathian nih a thimmi hna zawn ka ruah caah a si i Khrih Jesuh thawngin hmuhmi a sunglawimi le zungzal in a hmunmi khamhnak kha hmu hna seh ti ka duh caah a si.

2 KORIN 4:5

Kanmah kong kha kan chimmi a si lo, kan chimmi cu Jesuh Khrih kha Bawipa a si i kannih hi Jesuh ruangah nan sal kan si, ti hi a si.

ROM 15:2

Kan unau hna cu an ṭhatnak ding kha kan tuah awk a si, zumhnak ah an ṭhan khawh nakhnga kan ruah awk a si.

1 PETER 3:1

Cu bantuk ṭhiamṭhiam in nu nih nan vale kha an nawl nan ngaih hna awk a si. Cu ti nan tuah ahcun, nan vale lak i Pathian bia a zum lomi hna nih khan, nan ziaza a ṭhami thawng cun Pathian bia cu an zumh lai. Nan caah bia kaa khat chim zong a herh lai lo,

1 KORIN 9:1

Kei cu ka luat lo dahra? Lamkaltu ka si lo dahra? Kan Bawipa Jesuh cu ka hmu lo dahra?

ROM 1:14

Miphun vialte hna sinah leiba ka ngei, a fimmi si hna seh, a hrutmi si hna seh, cathiammi si hna seh, cathiam lomi si hna seh, an dihlak cungah leiba ka ngei.

PHUNGTHLÛKBIA 11:30

Dinnak theitlai cu nunnak thingkung a si, sihmanhsehlaw zaang-ennak cu nunnak thah kha a si.

GALATI 5:1

A luatmi kan si cang. Khrih nih a kan luatter cang. Cucaah fek tein dir u law sal ah khan i ser ṭhan ti hlah u.

1 KORIN 7:16

Khrihfa nu, ka va cu ka khamh kho hrimhrim lai lo tiah zeitindah na ti khawh lai? Khrihfa pa, ka nupi cu ka khamh kho hrimhrim lai lo, tiah zeitindah na ti khawh lai?

ROM 11:14

Ka phun hawimi kha an nahchuahter kaa zuam i cuticun tlawmpal tal ka khamh kho phum hna hnga maw ka ti.

1 KORIN 10:29

Cu chiaṭha thleidannak ka timi cu, nangmah lungthin kha si loin an kotupa lungthin kha ka ti duhnak a si. Mi a cheu nih nan i thawh i, “Zeicahdah midang chiaṭha thleidannak nih cun ka luatnak cu a ka dawnhkhanh lai?

2 KORIN 4:15

Hi vialte hi nanmah caah a si dih; Pathian vel nih mi tam chin lengmang a phak hna bantukin mi tam chin lengmang nih Pathian sunparnak cu an lawmh lai i an thangṭhat lai.

2 KORIN 12:14

Atu hi nanmah tlawn kan timh hna a voi thumnak a si — zeihmanh kan hal hna lai lo. Ka duhmi cu nanmah nan si, nan tangka a si lo. A ngaingai ti ahcun, fale nih pale cu an cawm hna awk a si ṭung lo, pale nih pei fale cu an cawm hna awk a si deuh cu.