1 KORIN 4:5 - Lai (Hakha) Common Language Bible 2006

⁵ Cu a si caah a caan a phak hlanah ahohmanh na sual, na thiam va ti hna hlah u. Donghnak biaceihnak cu Bawipa a rat tik lawnglawng ah a si te lai, zeicahtiah mi nih an lungthli tein an rak i tinhmi le a muihnak ah an thuhmi an biathliruk vialte kha amah nih cun a phuan dih hna lai i cu tikah cun mi vialte nih hmuh awk an i tlakmi thangṭhatnak kha Pathian sinin an hmuh cio te lai.

Laibaibal Thiang (BSI)

⁵ Cucaah Bawipa a rat hlan i a cân a phâk hlanah hin zeihmanh hniksak hlah u. Amah nih khuamui i thuhmi hna kha khuaceu ah a langhter te lai. Lungchung i timhmi zong kha a langhter dih lai. Cucân ah kan co tawk cio thangṭhatnâk zong Pathian sinin kan hmuh cio lai.

1 KORIN 4:5 Referans Kwoze

JEIM 5:7

Cucaah cun ka u le ka nau hna, Bawipa a rat hlantiang lungsau in um ko u. Lothlopa nih a lo in a sunglawimi rawl a chuah lai kha lungsau in a hngah tawn. Fur tlak lai le faruahthawh rat lai kha lungsau in a ngan.

2 KORIN 5:10

Kannih cu kan dihlak in Khrih hmaiah kan chuak lai i amah nih bia a kan ceih lai. Kan pum in kan nun chung i a ṭha siseh, a chia siseh kan tuahning cio ah kannih nih kan hmuh lai.

1 KORIN 3:13

Cun an sakmi cio cu zeidah an lawh taktak ti kha Khrih Ni nih a langhter te hna lai. Zeicahtiah cu Ni mei nih cun an rianṭuanmi kha a hneksak cio hna lai i zeidah an lawh taktak ti cu mei nih cun a langhter lai.

HEBRU 4:13

Pathian sinin thuh khawhmi thil zeihmanh a um lo. Sermi thil vialte hi an dihlak in a hmaika ah an lang dih hirhiar i amah sinah cun kan kong cu kan i chim cio lai.

2 KORIN 10:18

Zeicahtiah mi cu amah le amah kha ka ṭha tiin aa ruah tikah hin Pathian nih a cohlan a si lo i Bawipa nih a ṭha ti in a ruah lawngah hin a cohlan a si.

ROM 2:16

Cucaah Pathian nih Jesuh Khrih thawngin minung lungthli ruahnak kha bia a ceih Ni ah cun hi bantuk hin a si te lai ti hi ka chimmi Thawngṭha nih a chimning cu a si.

ROM 2:1

Cucaah aho na si hmanh ah silhnalh khawhnak lam zeihmanh na ngei lo, zeicahtiah midang kha sual na phawt hna tikah, an tuahmi kha na tuah ve ko ṭung caah, nangmah lila sual naa phawt a si ko.

BIAPHUAN 20:12

Cun mithi mi kha, a ngan he a hme he, bawiṭhutdan hmai i an ṭhut kha ka hmuh. Cauk kha an kau hna, cun cauk a dang pakhat, nunnak cauk zong kha an kau ve. Mithi cu an rak tuahmi cauk chung i aa ṭialning khan an bia an ceih hna.

PHUNGCHIMTU 12:14

Pathian nih kan tuahmi thil paohpaoh hi, a thli tein kan tuahmi si hna seh, a ṭha kan tuahmi si hna seh, a chia kan tuahmi si hna seh, bia a ceih dih hna lai.

1 PETER 1:7

Hneksaknak nan inmi cu nan zumhnak kha a tak maw tak lo ti hngalhnak caah a si lai. Hrawh khawh a simi thil cu, sui hmanh hi hneksak a hau, cucaah sui nakin let tam piin a sung deuhmi nan zumhnak cu, hneksaknak kha chuak lakin a in khawh nakhnga, hneksak a hau ve. Cun Jesuh Khrih a langh Ni ah cun thangṭhatnak le upatnak le sunparnak kha nan hmuh lai.

ROM 2:29

chunglei in Judah mi a si i a lung chungin cuarpar aa tanmi kha Judah mi taktak cu a si. Cucu ṭialmi Nawlbia rian ṭuannak kha si loin Pathian Thlarau rianṭuannak kha a si. Cu bantuk mipa cu minung sinin si loin Pathian sinin thangṭhatnak kha a hmu.

2 KORIN 4:2

Ningzak a simi thil, a thli tein tuahmi thil vialte kha kan hlawt hna i ahohmanh hleng lo tein kan um, Pathian bia zong kha hlennak ah kan hmang bal lo. Biatak kha hlangfang tein kan chim i cuticun Pathian hmaika ah kan minung hawi cu nanmah nih nan chiaṭha thleidannak ningin kan chiat le kan ṭhat cu ruat ko u, kan ti hna.

ROM 14:4

Midang sal biaceihtu dingah nangmah cu ahodah na si? A tuah khawh le khawh lo cu a Bawipa nih pei a khiah ko lai cu. Cun a tuah zong a tuah khawh ko lai, zeicahtiah Bawipa nih cun tlamtling lakin a tuahter khawh ko.

JOHAN 5:44

Nannih cu pakhat nih pakhat sinin thangṭhatnak hmuh nan duh, asinain Pathian sinin thangṭhatnak hmuh cu nan i zuam lo; cucaah cun zeitindah zumhnak cu nan ngeih khawh bal hnga.

JEIM 4:11

Ka u le ka nau hna, pakhat le pakhat i soi hlah u. Ahohmanh a u a nau kha a soi i sual a phaw lengmangmi cu Nawlbia kha a soi i sual a phawmi a si. Nawlbia cu sual na phawt a si ahcun nang cu nawlbia a zulmi kha na si ti lo, Nawlbia sual a phawtu kha na si lehlam.

LUKA 6:37

“Midang kha va soi hna hlah u law nannih zong Pathian nih an soi ve hna lai lo; midang kha sual va phaw hna hlah u law nannih zong Pathian nih sual an phaw ve hna lai lo; midang kha an sualnak va ngaithiam hna u law nannih zong Pathian nih nan sualnak an ngaihthiam ve hna lai.

MATTHAI 24:46

A bawipa nih a tlun tikah, a rian a rak ṭuan liote ah a run tanhmi sal caah cun lunglawmh awk a va si dah!

BIAPHUAN 1:7

Zohhmanh u, khuadawm sin khin a ra lio! Mi kip nih an hmuh lai, a rak chuntu hna zong nih khan an hmuh lai. Cun vawlei cung mi vialte cu a cung i an rak tuahmi kha i ngaichih in an ṭap lai. Cu ti hrimhrim cun a si lai! Amen.

1 PETER 5:4

Cucaah Tuukhal Bawi Bik kha a rat tikah a ziam kho lomi sunparnak bawi luchin cu nan hmuh lai.

1THESALON 5:2

Zeicahtiah zan ah mifir an rat bantuk khin Bawipa Ni cu a ra lai ti kha nanmah hrimhrim nih nan hngalh ko.

JOHAN 21:22

Jesuh nih cun, “Ka rat ṭhan tiang a nun kha ka duh a si ah, cucu nang caah zeidah a poinak a um? A zulh tu ka zul ko,” tiah a leh.

2 PETER 3:4

“ ‘Ka ra ṭhan lai,’ tiah bia aa kam a si lo mei? Atu khuazei ah dah a um kun? Kan pupa hna cu an thi diam cang, sihmanhsehlaw thil cu vawlei ser ri in a si bantukin pei a si peng ko hi,” an ti lai.

MATTHAI 25:23

A bawipa nih cun, ‘Salṭha, sal zumhawktlak, tangka tlawmte lehthalnak ah zumhawktlak na si, cucaah tangka tampi tawngthamtu ah kan chiah lai. Ra lut law ka lunglawmhnak hi i hrawm ve,’ tiah a ti.

MALAKHI 3:18

Miṭha kha miṭhalo sinin nan thleidan khawh ṭhan hna lai i Pathian rian a ṭuanmi kha a ṭuan lomi sinin nan thleidan khawh ṭhan hna lai.

JUDAS 1:14

Cun Adam thawk in vun rel i paruknak a simi Enok nih khan hi hna kong cu hlanpi ah hitin a rak chim,

2 PETER 3:12

Pathian Ni nan hngah lioah hin cu bantuk cu nan si awk a si i cu Ni cu tuan deuh ah a phak khawh nakhnga fak piin nan i zuam awk a si. Cu Ni ah cun van vialte cu an kang dih lai i nika thlapa le arfi vialte hna cu, cu Ni linhnak thawng cun an ti dih lai.

1 KORIN 15:23

Asinain a ningcang tein a si lai: a hmasa bik ah Khrih, cun a rat caan ah Khrih ta a simi.

1 KORIN 11:26

Cucaah hi chang nan ei i hi hrai nan din fate, Bawipa a rat hlantiang a thihnak kong kha nan chim a si.

1 KORIN 1:7

thluachuahnak nan hmuh lomi pakhatte hmanh a um lo.

ROM 2:7

Micheu nih thil ṭha kha an tuah lengmang i sunparnak le upatnak le zungzal nunnak kha an kawl; cu hna cu Pathian nih zungzal nunnak kha a pek ko hna lai.

MATTHAI 24:30

Cun Mi Fapa hmelchunhnak kha van ah a lang lai; khi tikah vawlei cung miphun vialte kha an ṭap lai i Mi Fapa cu lianhngannak le sunparnak he vancung in a rat kha an hmuh lai.

PHUNGCHIMTU 11:9

Maw tlangval hna, nan tlanvalnak kha lawmhnak in hmang ko u, nan tlanval lioah hin nan lung nih lawmhnak hmu ko seh. Nan duhmi kha tuah ko u, nan lung a duh mi kha hmu ko u. (Sihmanhsehlaw nan tuahmi thil paoh ah khan Pathian nih bia a kan ceih lai, ti kha hngal ko u.)

1 KORIN 3:8

A tuhtu le a toihtu kha cu zeihmanh an i dannak a um lo; an ṭuanning cio khan Pathian nih laksawng a pek ko hna lai.

MATTHAI 25:21

A bawipa nih cun, ‘Sal ṭha, zumhawktlak sal, na tuahmi cu a ṭha ngaingai. Tangka tlawmte na lehthalnak ah zumhawktlak na si, cucaah tangka tampi tawngthamtu ah kan chiah lai. Ra lut law ka lunglawmhnak hi i hrawm ve,’ tiah a ti.

JOB 12:22

Muihnak chungin thilthuk kha a hun langhter i A thukmi muihnak chungah khan ceunak a ratpi.

JEREMIAH 16:17

Zeicahtiah ka mit nih an lam cu a hmuh dih ko hna i ka sin in an i thup lo, an ṭhat lonak zong hmu loin ka um lo.

JEREMIAH 23:25

Ka min in lih a chimmi profet hna nih, ‘Mang ka manh cang, mang ka manh cang,’ an ti cu ka theih.

HOSEA 8:13

Annih nih raithawinak tuah le sa ei kha an duh ngaingai, Sihmanhsehlaw Bawipa keimah cu an cungah ka lung a tling lo. An sualnak kha ka philh lai lo i dan ka tat hna lai; Izipt ram ah ka kalter ṭhan hna lai, asilole, Assiria ram ah rawl thianglo kha an ei lai.

MATTHAI 10:26

“Cucaah mi cu va ṭih hna hlah u. Khuhmi thil paoh kha hun dih an si ko lai i biathli vialte kha hngalh dih an si ko lai.

JOHAN 21:23

Cu bia cu Jesuh zultu pawl sinah khan a thang i kha zultu kha a thi lai lo a ti duhnak a si, tiin a sullam an i lak. Sihmanhsehlaw Jesuh nih khan, a thi lai lo, tiah a chim lo; a chimmi cu, “Ka rat tiang a nun ka duh a si ah, cucu nang caah zeidah a poinak a um,” ti tu hi a si.

1 KORIN 3:14

Inn saknak hram cungah pakhatpa nih inn a sak i cu a sakmi cu mei nih khan a hrawh khawh lo ahcun, cu pa nih cun laksawng a hmuh lai.

1 KORIN 11:16

Asinain hi kong ah al a ka duhmi nan um ahcun, chim ka duhmi cu hihi a si ko: kanmah nih siseh, Pathian khrihfabu dang nih si hna seh, phung dang hlei kan ngei lo.

JEIM 5:9

Harnak nan ton tikah pakhat le pakhat i mawhchiat hlah u. Cu ti nan um ahcun Pathian nih bia an ceih sual hna lai. Biaceihtu cu lamnai te ah a um ko i a rung lut zau ko lai.

PHUNGTHLÛKBIA 12:8

Na fim ahcun thangṭhatnak na hmuh lai, na hruh ahcun mi nih an in zohchuk lai.

2 KORIN 10:9

Ca in an hro hna bantuk lawh cu ka duh lo.