1 KORIN 4:15 - Lai (Hakha) Common Language Bible 2006

¹⁵ Zeicahtiah Khrih chung i nan nunning ah hin zohkhenhtu cu thong hra hmanh ngei hna u law pa cu pakhat lawnglawng nan ngei. Thawngṭha nan sin i ka ratpi thawngin Khrih Jesuh chung i nan nunnak ah hin keimah hi nan pa cu ka si ko.

Laibaibal Thiang (BSI)

¹⁵ Zeitintiah Krih ah cawnpiaktu thonghra hmanh ngei ulaw, pa tu cu tampi nan ngei lo. Krih Jesuh ah thawngṭha bia in fa ah kan hrin hna.

1 KORIN 4:15 Referans Kwoze

GALATI 4:19

Ka dawtmi ka fale hna, naunganfah nan caah ka ing ṭhan hoi; nan chung i Khrih sining a um hlan paoh cu ka ing zungzal ko lai.

1 KORIN 3:10

Pathian nih pahrang a ka pekmi kha ka hman i inn sak a thiam ngaingaimi bantukin inn saknak ding a hram kha ka bunh, cun a dang pakhat nih a cungah khan a run sak. Sihmanhsehlaw zeitindah kan sak ti kha ahohmanh kan i ralrin awk cio a si,

1 KORIN 9:23

Hi vialte hi tiin ka tuah cu thawngṭha ruangah khan a si, cu thawngṭha cu mi vialte ka hrawm khawh hna nakhnga ka duh caah a si.

1 KORIN 9:14

Cu bantuk ṭhiamṭhiam in thawngṭha a chimtu hna nih thawngṭha chim in an paw an i cawm awk a si ti cu Bawipa cawnpiakning a si.

1 PETER 1:23

Pathian bia, a nungmi le zungzal in a hmunmi thawngin, hrintharmi nan si cang, thih a thiammi nu le pa fa si loin thih a thiam lomi pa fa nan si cang.

JEIM 1:18

Amah nih amah duh tein a kan ser i a kan sernak ah cun biatak kha a hman, cucaah kannih cu a sermi thil vialte lakah cungnung bik kan si.

FILEMON 1:19

Ka kut hrimhrim in Keimah Paul nih kan cham lai, tiin ka ṭial hih. (Na nunnak hrimhrim na ka bat kha cu, kan chimh ṭhan awk a herh lem lo.)

2TIMOTE 4:3

Cawnpiaknak a hmaanmi kha mi nih an ngaih duh lo i anmah duhnak tu kha an zulh i anmah theih duhmi chimtu dingah cawnpiaktu an lak hna lai caan kha a phan lai.

1 KORIN 9:18

A si ahcun ṭuan man zeidah ka hmuh? Ka hmuhmi cu, thawngṭha ka chimnak ka rian ah hin, cucu ka hmuh awk, khakha ka hmuh awk ti loin, alak tein ka chim i cu ka chimnak thawngin lungriamhnak ka hmuhmi hi a si.

1 KORIN 9:12

Midang nih nan sinin cu bantuk hmuh awk kha an i ruahchan ahcun, kannih nih cun kan i ruahchan chinchin awk a si hnga lo maw? Sihmanhsehlaw kannih nih cun, cuticun kan in ti duh hna lo. Khrih kong thawngṭha hi, zeilo nih maw dawn sual lai tiin zeizong vialte kha a in tu in kan in.

1 KORIN 3:6

Kei nih a ci ka tuh, Apollo nih a kung kha ti a toih, sihmanhsehlaw a ṭhantertu cu Pathian a si.

ROM 15:20

Ka saduhthah cu Khrih an theih bal lonak hmun i Thawngṭha chim kha a si zungzal, zeicahtiah midang i a hram an rak thawk cianak hmun i va sak cu ka duh lo;

NAMBAR 11:12

Hi mi vialte hi ka rak pawi hna maw? ‘Nau cawnghramtu nih nau hnuktlai lio a cawi bangin na ṭang ah cawi hna law, an pupa hna sinah pek awkin chiat ka sermi ram ah kalpi hna,’ na ti cu keimah nih maw ka hrin hna?

1 KORIN 1:30

Sihmanhsehlaw Pathian nih cun kannih cu Khrih Jesuh he a kan pehtlaihter cang i Pathian nih Khrih cu kannih fimnak caah a ser cang; amah thawng cun kannih cu Pathian he kan i rem i Pathian mithiang ah kan cang i a luatmi kan si.

1 KORIN 3:8

A tuhtu le a toihtu kha cu zeihmanh an i dannak a um lo; an ṭuanning cio khan Pathian nih laksawng a pek ko hna lai.

1 KORIN 9:16

Thawngṭha ka chim ruang menmen ah hin kaa porhlawt awk a si lo. A ngaite ti ahcun, va chim, tiah fial pei ka si cu. Thawngṭha cu chim loin rak um ning law zeitluk in dik ka caah a poi hnga!

1 KORIN 15:1

Atu cu ka u le ka nau hna, nannih kan chimhmi hna Thawngṭha kha hngalhter ṭhan kan duh hna; cucu nannih nih nan rak cohlan cangmi Thawngṭha, nan zumhnak nan bunhnak Thawngṭha kha a si i cu nih cun khamhnak kha an pek hna.

2 KORIN 4:5

Kanmah kong kha kan chimmi a si lo, kan chimmi cu Jesuh Khrih kha Bawipa a si i kannih hi Jesuh ruangah nan sal kan si, ti hi a si.

GALATI 3:24

Cucaah Khrih a rat hlan cu Nawlbia nih khan a kan uk, Khrih a rat cu zumhnak thawngin Pathian he remnak kan hmuhnak hnga caah a si.

GALATI 3:25

Atu cu zumhnak caan kha hika hi a phak cang caah Nawlbia nih a kan uk ti lo.