1 KORIN 3:18 - Lai (Hakha) Common Language Bible 2006

¹⁸ Hi kong ah hin palh sual hrimhrim hlah u: nan lakah ka fim ti aa ruatmi nan um ahcun, — ka chim duhmi cu hi vawlei cung fimning in ka fim ti aa ruatmi nan um ahcun ka ti duhnak a si — mifim ngaingai a si khawh nakhnga mihrut ah i cang seh.

Laibaibal Thiang (BSI)

¹⁸ Ahohmanh mah i hleng hlah seh, nan lakah aho pauh kha vawlei thil i mifim ah â ruah ahcun, a fim khawh nâkhnga hrut hmasa seh.

1 KORIN 3:18 Referans Kwoze

PHUNGTHLÛKBIA 3:5

Bawipa kha na lung chung dihlak in i bochan law Nangmah fimnak kha i rinh hlah.

ISAIAH 5:21

Nan lo cang! Kan fim nan ti, a fim ngaingai ah nan i ruat.

GALATI 6:3

Ahohmanh nih, zeihmanh si set ṭung loin, pa ka si ve tiin aa ruah ahcun amah le amah aa hlen a si.

JEIM 1:22

A bia kan theih paoh ahcun a za, tiah nanmah le nanmah kha i hleng len hlah u. A bia cu a tuah tu in tuah deuh u.

LUKA 18:17

Hihi philh hlah u: Pathian Pennak hi ngakchia nih a rak i cohlan bantukin a cohlang lomi cu, cu Pennak chungah cun an lut bal lai lo,” tiah a ti.

MATTHAI 18:4

Vancung Pennak chung i a ngan bik cu mi toiah aa dor i hi ngakchia bantuk ah aa cangmi cu a si.

MARKA 10:15

Mah hi philh hlah u. Pathian Pennak kha ngakchia nih an cohlan bantukin a cohlang lomi cu, ahohmanh Pathian Pennak chungah cun an lut lai lo,” tiah a ti.

JEIM 1:26

Mi pakhatkhat nih, kei cu biaknak leiah aa zuammi ka si, tiah aa ruat ko lai, sihmanhsehlaw a lei kha a uk khawh lo ahcun a biaknak cu pakpalawng a si i amah le amah aa hlengmi a si.

TITAS 3:3

Zeitintiah kanmah hrimhrim zong kha kan rak hrut, nawl ngai loin khua kan rak sa i kan rak palh. Pumsa duhnak le nuamhnak sal kan rak si. Mi kha kan rak nahchuah hna i ziar kan rak ngeih hna; mi nih an rak kan huat i kannih zong nih kan rak huat hna.

EFESA 5:6

Ahohmanh pakpalawng bia in i hlenter hna hlah u; hi thil ruangah hin Pathian thinhunnak cu a nawl a ngai lomi hna cungah khan a tlung lai.

1 KORIN 6:9

Miṭha lomi nih cun Pathian Pennak cu an co lai lo ti kha fiang tein nan hngalh ko. Nanmah le nanmah kha i hleng len hlah u; misual mi le siasal a biami le vacung pa duhmi le nu nih nu he sualnak, pa nih pa he sualnak a tuahmi le,

1 KORIN 4:10

Kannih cu Khrih ruangah mihrut kan si; nannih tu cu Khrih chungah mifim nan si! Kannih cu kan der, nannih cu nan ṭhawng, kannih cu nautatnak kan hmu, nannih cu upatnak nan hmu.

JEREMIAH 8:8

Zeitindah, ‘Kannih cu kan fim i Bawipa phungbia kha kan ngei’ nan ti khawh? Cazi hna nih pei an hlennak cafung in lih ah an ser cang hi.

PHUNGTHLÛKBIA 26:12

Amah aa hmuhnak ah ka fim aa timi nakcun, mihrut caah ruahchannak a um deuh.

PHUNGTHLÛKBIA 3:7

Mah mithmuh i a fimmi va si hlah; Bawipa kha ṭih law ṭhat lonak kha mertak ko.

1JOHAN 1:8

Kannih nih, sualnak kan ngei lo, kan ti ahcun kanmah le kanmah kan i hlen a si i kan chungah biatak a um lo.

2TIMOTE 3:13

sihmanhsehlaw miṭhalo le chungthu lengnal pawl cu a ṭhalo chin lengmang khan an um lai i midang kha an hlen lengmang hna lai i anmah le anmah zong kha an i hleng lengmang lai.

GALATI 6:7

Nanmah le nanmah i hleng hlah u; ahohmanh nih Pathian cu an deh kho lo. Mi nih a tuhmi cu a zun ko lai.

1 KORIN 15:33

Ahohmanh i hlenter hna hlah u. “Hawi ṭhalo nih ziaza ṭha a hrawh,” ti pei a si kha.

ROM 12:16

Pakhat le pakhat nan zawn i ruat dih u. Lungpuam in um hlah u, rian hme tete ṭuan duhnak lungthin kha ngei u. Ka fim tiah vaa ruat hlah u.

ISAIAH 44:20

Cu ti a tuah cu vutcam ei sullam bantuk men a si. Ruahnak hrut a rak ngeihmi nih khan a pingah a hruai tuk cang caah bawmh khawh hmanh a si ti lo. Ka kut i kaa putmi siasal hi pathian a si hrimhrim lo ti kha a hngal lo.

ROM 11:25

Ka u le ka nau hna, biathli pakhat nan hngalh awk i ka duhmi a um. Cu nih cun ka fim tiah i ruat loin an umter hna lai. Cu biathli cu hihi a si: Israel mi lung khohkhal i an um hi zungzal ca in a si lo, Jentail mi an dihlak in Pathian sin i an rat caan tiang ca lawng a si lai.

LUKA 21:8

Jesuh nih a thawh hna i, “I ralring u; ahohmanh i hlenter hna hlah u. Zeicahtiah mi tampi keimah min put in an ra lai i, ‘Keimah hi amah cu ka si,’ an ti lai i ‘A caan cu a phan cang,’ an ti lai. Sihmanhsehlaw zul hna hlah u.

PHUNGTHLÛKBIA 5:7

Atu cu, ka fapa, ka bia kha ngai law ka kaa chung chuak bia hi zeirel lo in um hna hlah.

JEREMIAH 37:9

Hi bangin Bawipa nih a ti, “Khaldi mi nih cun an kan kaltak hrimhrim lai,” tiin nangmah le nangmah cu i hleng hlah, zeicahtiah an in kaltak hna lai lo.

MATTHAI 13:22

Hling lak i a tlami thlaici cu Vancung Pennak kong kha a theih cu a thei i sihmanhsehlaw hi vawlei cung khuasak tintuknak kong i lungretheihnak le chaw le va duhnak nih cu bia cu a thah i thei a tlai lomi hna kha an si.

1 KORIN 3:17

Cucaah ahohmanh nih Pathian biakinn cu a hrawh ahcun, amah cu Pathian nih a hrawh ve lai. Zeicahtiah Pathian biakinn cu a thiangmi a si i nanmah hrimhrim cu biakinn cu nan si.