1 KORIN 2:8 - Lai (Hakha) Common Language Bible 2006

⁸ Hi vawlei a uktu hna nih hin, cu fimnak cu an rak hngal lo. Rak hngal hna seh law cu, sunparnak Bawi kha vailam ah an rak khenh hnga lo.

Laibaibal Thiang (BSI)

⁸ cucu hi vawlei biaceihtu hna nih an rak hngal lo; rak hngal hna sehlaw, sunparnâk Bawi kha an khenhchih hnga lo.

1 KORIN 2:8 Referans Kwoze

JEIM 2:1

Ka u le ka nau hna, sunparnak Bawi, Bawipa Jesuh Khrih a zummi nan si bantukin mi thleidannak lungthin zeihmanh ngei hlah u.

LAMKALTU 13:27

Zeicahtiah Jerusalem i a ummi hna le an hruaitu hna nih khan amah cu Khamhtu a si kha an hngal lo i cuhleiah Sabbath fate an rel lengmangmi profet bia hna zong kha a sullam an hngal hna lo. Sihmanhsehlaw Jesuh an thahnak thawng khan profet bia kha an tlinter hna.

LAMKALTU 7:2

Steven nih cun a leh i, “U le nau le pale hna, ka bia hi ngai tuah u! Kan pu Abraham cu Haran khua i va um awkah a rak i thawh hlan, Mesopotamia ram i a rak um lioah khan sunparnak Pathian cu a sinah a rak lang i,

1 KORIN 2:6

Asinain nutling patling a si cangmi hna sinah cun fimnak bia kha ka chim ko. Sihmanhsehlaw cu ka chimmi fimnak bia cu, hi a liam lio lengmangmi chan fimnak hi a si lo, hi a liam lio lengmangmi chan a uktu hna ṭhawnnak fimnak zong a si lo;

1TIMOTE 1:13

Hlanah cun ka rak thangchiat i ka rak hrem i ka rak serhsat, asinain Pathian cu ka cungah zaangfahnak a ngei; cu bantukin ka rak tuah cu amah kha ka rak zumh lo i ka tuahmi cu zeidah a si ti awk ka rak hngalh lo caah a si.

2 KORIN 3:14

An lungthin cu a rak i khar hrimhrim ko i nihin ni tiang zong hin biakam hlun cauk an rel caan paoh ah an lungthin kha, cu puan nih cun a huh ṭhiamṭhiam ko hna. Cu puan cu mi nih Khrih he an i pehtlaih tik lawngah aa hawk.

JOHAN 16:3

Ka Pa zong, keimah zong an kan hngalh lo caah hi bantukin nan cungah an tuah lai.

JOHAN 8:19

“Na Pa cu khuazei ah dah a um?” tiah an ti. Jesuh nih cun, “Keimah zong nan ka hngal lo, ka Pa zong nan hngal fawn lo. Keimah kha ka hngal u law cu ka Pa zong cu nan hngalh ko hnga,” tiah a leh hna.

JOHAN 7:48

Kan upa si hna seh, Farasi mi si hna seh, a zummi pakhat tal nan hngalhmi hna an um maw?

MATTHAI 11:25

Khi caan ah khan Jesuh nih aa thawh i, “Maw ka Pa, van le vawlei a uktu. A fimmi le cathiammi hna sinin na thuhmi kha cathiam lomi hna sinah na langhter caah na cungah ka lawm.

LUKA 23:34

Jesuh nih aa thawh i, “Ka Pa, ngaithiam hna. An tuahmi hi zei a si ti awk an hngal lo,” tiah a ti. Camcawhfung zuh in a hnipuan kha an i phaw.

MATTHAI 13:22

Hling lak i a tlami thlaici cu Vancung Pennak kong kha a theih cu a thei i sihmanhsehlaw hi vawlei cung khuasak tintuknak kong i lungretheihnak le chaw le va duhnak nih cu bia cu a thah i thei a tlai lomi hna kha an si.

1 KORIN 1:20

Cucaah cu nih cun nan mifim hna cu khuazei ah dah a chiah hna? Nan cathiam hna zong cu tah? Vawlei fimnak in bia al a thiammi hna kha tah? Vawlei fimnak hi cu hruhnak a si ti kha Pathian nih a langhter.

EFESA 1:17

Kan Bawipa Jesuh Khrih i a Pathian, a liannganmi kan Pa cu, nanmah kha Thlarau pek awkah ka hal lengmang, thlarau nih cun an fimter hna lai i Pathian kha nan sinah a phuan lai i Pathian cu nan hngalh lai.

EFESA 4:18

An lungthin kha a mui. Annih cu zeihmanh an hngalh lo ca le an lung a ṭhawn caah Pathian pekmi nunnak chungah khan an i tel kho lo.