1 KORIN 16:6 - Lai (Hakha) Common Language Bible 2006

⁶ Sau nawn nan sinah ka cam kho hmanh maw, khuasik chung cu ka cam men lai, cu hnuah cun ka tlawnnak cu khuazei lei a si hmanh ah, ka tlawnnak ah cun nan ka bawmh te lai.

Laibaibal Thiang (BSI)

⁶ Cun nan sinah sau deuh ka câm kho lai, khua sik cân chung dihlak zong a si kho ko. Khuazei lei a si hmanh ah nannih nih nanka thlah khawh ko lai.

1 KORIN 16:6 Referans Kwoze

LAMKALTU 15:3

Khrihfabu nih khan an hei thlah hna i Foinisia le Samaria an hei tanpah ah khan zeitluk in dah Jentail mi hna nih Pathian leiah an i mer tinak kong kha an chimh hna; cu thawng nih cun unau vialte kha a lawmhter ngaingai hna.

ROM 15:24

atu cu kan tlawng kho cang rua hna lai tiah ruahchannak ka ngei. Spain ram i ka kalpah ah hin in hmu hna ning law ti cu ka duh i nan sinah tlawmpal ka cam hnuah cuka kal cu ka bawm te u law ka ti.

TITAS 3:12

Na sinah Artemas maw asiloah Atikhikas maw ka ratter hna tikah, ka sinah Nikapolis ah ra te law ka duh, zeicahtiah khika ah khuasik chung um kaa tim.

2 KORIN 1:16

Ka rak i timhning cu, Masidonia lei ka kalpah ah nannih kha tlawn i ka kir leiah hun tlawnpah ṭhan kha a si. Cuticun Judea lei ka hung kal tikah nannih nih nan ka bawmh khawh hnga tiah ka ruah.

1 KORIN 16:11

Ahohmanh nih rak zohchuk hlah u. Kan hawile hna he amah cu kan rak hngah ko caah lunglawm tein ka sinah run thlah u.

LAMKALTU 28:11

Thla thum hnuah Alekzandria khua in a rami tilawng a min “Pathian Faphir” timi, cuka tikulh i khuasik chung a rak ummi khan kan kal.

LAMKALTU 27:12

Cuka lawngdinhnak cu khuasik chung umnak ah a ṭha lo i cucaah tam deuh nih kal i a si khawh ahcun Finiks phak kha an duh. Cu hmun cu Krit tikulh i lawng dinhnak nitlak-thlanglei le nitlak-chaklei a hoihmi kha a si i cuka ah cun khuasik chung kan um lai tiah an ruah.

LAMKALTU 21:5

Sihmanhsehlaw anmah sin kan camnak caan cu a dongh tikah kan i thawh i kan kal ṭhan. An dihlak in, an nupile le an fale hna he khua leng tiang an kan thlah. Rilikam ah cun kan dihlak in kan khuk kan i bil i thla kan cam.

LAMKALTU 20:38

Nan ka hmu ṭhan ti lai lo, tiah a ti hna caah khan an ngaih a chiat khunnak cu a si. Cun lawng tiang khan an hei thlah.

LAMKALTU 17:15

Paul a kalpitu hna kha a sinah cun Athens khua tiangin an va kal. Cun Berea khua ah cun an kir ṭhan i Paul nih khan Silas le Timote cu a ran khawh chungin ka sinah ra hna seh, tiah bia a cah hna.