1 KORIN 13:13 - Lai (Hakha) Common Language Bible 2006

¹³ A hmun zungzalmi thil pathum an um, cu hna cu zumhnak le ruahchannak le dawtnak an si, cu hna lak i a ngan bik cu dawtnak a si.

Laibaibal Thiang (BSI)

¹³ Cun zumhnâk, ruahchannâk, dawtnâk, hi pathum hna hi a hmun lai; asinain hi hna lakah a nganbik cu dawtnâk a si.

1 KORIN 13:13 Referans Kwoze

1 KORIN 16:14

Nan tuahmi thil paohpaoh kha dawtnak in va tuah u.

KOLOSE 3:14

Cun hi thil vialte cungah hin dawtnak kha chap u law dawtnak cu zeizong vialte, i rem ṭhipṭhep tein a funtomtu cu a si.

GALATI 5:6

Khrih Jesuh he kan i pehtlaih ahcun cuarpartan cu kan caah sullam zeihmanh a ngei lo, tan lo zong zeihmanh a ngei hlei lo; biapi a simi cu, dawtnak in rian a ṭuanmi zumhnak kha a si.

FILIPI 1:9

Nan ca i thla ka cam tawnmi cu, nan dawtnak ngeihmi cu hngalhnak ahmaanmi le a chia a ṭha thleidan khawhnak fimnak he ṭhang seh law,

1TIMOTE 1:5

Hi bantukin bia kan cah tikah kaa tinhmi cu, a thiangmi lungthin le a thiangmi chiaṭha thleidannak le zumhnak taktak a simi chungin a chuakmi dawtnak kha a si.

1JOHAN 2:10

Ahohmanh a unau a dawmi cu ceunak chungah a um i cucaah midang a sualtertu ding zeihmanh a chungah a um lo.

1THESALON 5:8

Sihmanhsehlaw kannih cu chun mi kan si caah lung fim tein kan um awk a si. Zumhnak le dawtnak cu kan phaw ah kan i hruk awk a si i khamh kan i ruahchannak cu luchin ah kan i chinh awk a si.

2 KORIN 5:10

Kannih cu kan dihlak in Khrih hmaiah kan chuak lai i amah nih bia a kan ceih lai. Kan pum in kan nun chung i a ṭha siseh, a chia siseh kan tuahning cio ah kannih nih kan hmuh lai.

1 KORIN 8:3

Sihmanhsehlaw Pathian a dawmipa kha Pathian nih a hngalh.

KOLOSE 1:27

Pathian nih aa tinhmi cu, mi vialte caah si seh tiah a rak ruahmi biathli, a sunglawi i a lianngan ngaingaimi biathli, a mi hna sin i a phuanmi cu a si. Cu biathli cu, Khrih cu nan chungah a um i cucaah nannih cu Pathian sunparnak kha nan i hrawm lai, timi hi a si.

1 PETER 1:21

Amah thawngin Pathian cu nan zumh i Pathian nih cun thihnak in a thawhter i sunparnak a pek; cucaah nan zumhnak le ruahchannak cu Pathian cungah aa bunhmi an si.

1JOHAN 3:9

Pathian fa a simi paoh nih cun sualnak an tuah peng lo, zeicahtiah Pathian thlaici kha an chungah a um; cun Pathian cu an Pa a si caah an sual kho peng lo.

1JOHAN 3:3

Khrih zohchih in, cu ruahchannak a ngeimi paoh cu, Khrih kha a thianhlim bantukin thianghlim tein a um ve.

1JOHAN 2:14

Ka dawtle hna, Pa kha nan hngalh caah hi ca hi kan kuat hna. Pale hna, a hramthawk tein a ummi kha nan hngalh caah kan kuat hna. Tlangval hna, nan ṭhawn caah kan kuat hna; Pathian bia cu nan chungah a um i Miṭhalopa kha nan tei cang.

HEBRU 6:19

Hi ruahchannak hi kan nunnak caah a fekmi le a ṭhawngmi thir cangai bantuk a si. Vancung biakinn puanzar kha lonh in chungchin hmunthiang ah khan kan ruahchannak cu a lut.

2TIMOTE 1:7

Pathian nih a kan pekmi Thlarau nih cun mi ralchia ah a kan ser lo, ṭhawnnak le dawtnak le mah le mah i uk khawhnak tu khan a kan khahter.

HEBRU 6:11

Nan i ruahchanmi cu a tlin nakhnga, bawmh duhnak lungthin nan ngeih tawnmi kha a dongh tiangin ngei cio ko u, ti kan in duh hna.

2 KORIN 5:15

Mi vialte caah a thihnak chan cu minung nih hin an nun chungah anmah ca lawngah nung ti loin, anmah ruang i thihnak a ing i a tho ṭhanmipa ca i an nun nakhnga caah a si.

1 KORIN 14:1

Cucaah dawtnak hi biapi bik ah chia u. Thlarau laksawng hmuh awk kha i zuam hna u law cu hna lakah cun Pathian bia chimnak laksawng kha hmuh i zuam khun u.

1 KORIN 3:14

Inn saknak hram cungah pakhatpa nih inn a sak i cu a sakmi cu mei nih khan a hrawh khawh lo ahcun, cu pa nih cun laksawng a hmuh lai.

1JOHAN 2:24

Cucaah a hramthawk tein nan theihmi bia kha nan lung chungah i cinken u. A hramthawk tein nan theihmi bia kha nan lung chungah nan i cinken ahcun, Fapa le Pa he i pehtlai in nan nung zungzal lai.

LUKA 22:32

Sihmanhsehlaw Simon, na zumhnak a pur nakhnga lo nangmah caah thla ka cam. Cun keimah lei ah na hon i mer ṭhan tikah na unaule kha thazang na pek ve hna lai,” tiah a ti.

LUKA 10:27

Mipa nih cun a leh i, “ ‘Bawipa na Pathian cu na lungthin dihlak le na nunnak dihlak le na thazang dihlak le na ruahnak dihlak in na dawt lai i na innpa zong kha nangmah naa dawt tlukin na dawt lai,’ a ti,” tiah a ti.

HEBRU 10:39

Kannih cu aa let i a tlaumi kha kan si lo. Zumhnak a ngei i khamhnak a hmumi tu kha kan si.

1 KORIN 8:1

Bawlnak sa kong ah hitihin ka ruah: “Kan hngalh cio ko,” an ti bang khan hngalhnak kan ngei cio taktak ko. Sihmanhsehlaw cu bantuk hngalhnak nih cun mi kha an lung a puamter tawn hna; dawtnak bel nih a sersiam hna.

ROM 15:13

Thiang Thlarau ṭhawnnak thawngin nan i ruahchannak cu a ṭhan lengmang nakhnga, ruahchannak hram Pathian nih cun, amah nan zumhnak thawngin lunglawmhnak le daihnak he in khahter ko hna seh.

HEBRU 10:35

Cucaah nan ralṭhatnak kha thlau sual hlah u, nan ralṭhatnak nih cun laksawng nganpi an phorh hna lai.

KOLOSE 1:5

Biahmaan taktak, Thawngṭha Bia kha, nan sin a phak terte ah khan, ruahchannak zeidah an pek hna ti cu nanmah nih nan hngalh. Cuticun nan zumhnak le dawtnak nan ngeihmi cu vancung i nan ca i chiahmi ruahchannak cungah an hram cu a dir.

SALM 42:11

Zeicahdah ka ngaih a chiat? Zeicahdah ka lungre a theih? Pathian cu kaa bochan ṭhan lai i ka Khamhtu le ka Pathian cu ka thangṭhat ṭhan lai.

SALM 146:5

Jakob Pathian kha bawmtu ah aa serhmi cu mi lunglawm an si, Bawipa a Pathian kha aa hngatchanmi cu mi lunglawm an si;

SALM 43:5

Zeicahdah ka ngaih a chiat? Zeicahdah ka lungre a theih? Pathian cu kaa bochan ṭhan lai i ka Khamhtu le ka Pathian cu ka thangṭhat ṭhan lai.

1THESALON 1:3

Nan zumhnak cu rianṭuannak ah nan langhterning le dawtnak nan ngeihmi nih fak piin rian an ṭuanter hna ning le kan Bawipa Jesuh Khrih chung i ruahchannak nan ngeihmi a fehning kha Pathian kan Pa hmaiah kan philh lo.