1 KORIN 11:3 - Lai (Hakha) Common Language Bible 2006

³ Sihmanhsehlaw hngalhter kan duhmi hna cu Pathian cu Khrih lu a si bantukin pa cu nu lu a si i Khrih cu mi vialte lu a si.

Laibaibal Thiang (BSI)

³ Hngalhter kan duhmi hna cu pa vialte lu cu Krih a si, nu lu cu pa a si i Krih lu cu Pathian a si.

1 KORIN 11:3 Referans Kwoze

GENESIS 3:16

Cun minu cu a thawh i, “Fa na pawinak i harnak na inmi kha ka karhter lai, fa na hrinnak i fahnak na inmi kha ka karhter lai; asinain na va cu na duh ṭhiamṭhiam ko lai i amah cu na cung bawi a si lai,” a ti.

KOLOSE 3:18

Nupi hna, nan vale nawl kha ngai hna u, cucu Khrihfa nan si bantukin nan tuah awk a si.

KOLOSE 1:18

Khrih cu a pum a simi Khrihfabu lu kha a si; Khrih cu fater, thihnak in thawhter hmasa bikmi kha a si, thihnak in thawhter a si cu zeizong vialte ah hin pakhatnak a si zungzal nakhnga caah a si.

1 KORIN 3:23

nannih cu Khrih ta nan si i Khrih cu Pathian ta a si.

EFESA 4:15

kannih cu dawtnak lungthin in biatak kha kan chim deuh awk a si i kan lu a simi Khrih leiah khan a lam kip in kan ṭhan awk a si.

1 PETER 3:1

Cu bantuk ṭhiamṭhiam in nu nih nan vale kha an nawl nan ngaih hna awk a si. Cu ti nan tuah ahcun, nan vale lak i Pathian bia a zum lomi hna nih khan, nan ziaza a ṭhami thawng cun Pathian bia cu an zumh lai. Nan caah bia kaa khat chim zong a herh lai lo,

KOLOSE 2:19

lu a simi Khrih i tlaih kha an ngol. Lu a simi Khrih sin khan pum nih cun cawmnak a hmuh i pum cu a hliahcang le a thahri hna nih khan an fun an ṭem i Pathian nih ṭhang seh ti a duhning khan a ṭhang.

KOLOSE 2:10

amah he nan i pehtlaihnak thawngin nannih cu nunnak tlamtling kha pek nan si. Khrih cu thlarau uktu vialte le nawlngeitu vialte hna cung bawi a si.

JOHAN 14:28

‘Kan kaltak hna lai, sihmanhsehlaw nan sinah ka ra ṭhan lai,’ ka ti pei nan theih ko kha. Nan ka dawt ahcun ka Pa sin i ka kal lai hi nan i lawm lai, zeicahtiah amah cu keimah nakin a ngan deuh.

MATTHAI 28:18

Jesuh nih cun a hun naih hna i, “Vancung le vawlei cung i a ummi nawl ngeihnak vialte cu pek ka si cang.

ISAIAH 55:4

Amah cu miphun tampi hruaitu le uktu ah ka ser i amah thawngin ka lianhngannak kha ka langhter.

ISAIAH 52:13

Bawipa nih aa thawh i, “Ka sal cu a rianṭuanmi ah khan khuaawng a tong lai; a lian a ngan lai i upatnak a hmu lai.