1 KORIN 11:2 - Lai (Hakha) Common Language Bible 2006

² Keimah kha philh lo tein nan ka um i kan pek chinmi hna cawnpiaknak kha nan zulh caah kan thangṭhat hna.

Laibaibal Thiang (BSI)

² Cubangin thil vialte ah nanka hngalh peng caah le nuncan kan chimhmi hna zong nan i cinken caah nan cungah kâ lawm.

1 KORIN 11:2 Referans Kwoze

2 THESALON 2:15

Cucaah cun u le nau hna, kan phungchimnak ah siseh, kan cakuatmi in siseh, kan in cawnpiakmi hna biatak chungah khan fek tein dir u law fek tein biatak cu i tlaih ko u.

1 KORIN 4:17

Hi ruangah hin nan sin i Timote ka rak thlah hi a si. Amah cu Bawipa chungah ka dawtmi le ka zumhmi ka fapa a si. Amah nih cun, Khrih Jesuh chung i nunnak thar in nunning ah zeitindah ka umtu a si ti kha le khuazakip ah khrihfabu kha zeitindah ka cawnpiak hna ti kha an chimh hna lai.

2 THESALON 3:6

U le nau hna, Bawi Jesuh Khrih min in, mi thathu le kan in cawnpiakmi hna a zul duh lomi cu kom hna hlah u, tiah kan in fial hna.

1 KORIN 15:2

Thawngṭha cu kan chimh hna ning khan fek tein nan i tlaih ko lo maw? Nan i tlaih lo ahcun nan lungthlennak cu pakpalawng a si ko hnga.

1 KORIN 11:22

Einak ding le dinnak ding caah mahle inn nan ngei cio lo maw? Asiloah, cuti nan um cu Pathian khrihfabu kha nautat nan duh ca le a herh a baumi nan unau pawl kha ningzahter nan duh hna caah a si maw? Hi kong ah hin zeitindah bia a chim lai tiah nan ka ruah? Hi kongah hin kan thangṭhat kho hna hnga maw? Thangṭhat kho hlah.

1 KORIN 11:17

Hi ti kan chimhmi hna lakah hin kan thangṭhat khawh hna lonak pakhat a um: nan i pumhnak nih hin ṭhatnak nakin chiatnak a chuahter deuh.

LUKA 1:6

An pahnih in Pathian hmaiah nuncan ṭha in a nung i Bawipa nawlbia vialte le phunglam vialte tlamtling tein a zulmi an si.

1THESALON 3:6

Sihmanhsehlaw Timote cu naite ah khan nan sinin a ra phan i nan zumhnak kong le dawtnak nan ngeihmi kong thawngṭha kha a rak phorh. Kanmah kha ṭha lei in nan kan ruah zungzalnak le hmuh kan in duh tluk hna in nannih zong nih hmuh nan kan duh venak kha a kan chimh.

1 KORIN 7:17

Ahohmanh Pathian nih laksawng an pek hna ning le Pathian nih an auh hna i nan sining cio khan um ko u. Hihi khrihfabu kip ah ka cawnpiakmi hna a si.

1THESALON 1:6

Kanmah le Bawipa kha kan nawl nan kan cawn i temhinnak tampi nan huah nain Thiang Thlarau sinin a rami bia kha lawm tein nan cohlan.