1 KORIN 10:7 - Lai (Hakha) Common Language Bible 2006

⁷ an lak i a cheu nih siasal an rak biak bangin biak ve lo awkah ralrin a kan petu ding an si. Cathiang nih a ti bantukin, “Cu mi hna cu ei awk le din awkah an ṭhu i laam awkah an tho.”

Laibaibal Thiang (BSI)

⁷ Anlakah cheukhat milem an biak bangin bia ve hlah u sih. “Mizapi hna cu ei le ding dingin an ṭhu i nomhhnaihnâk tuah awkah an tho,” tiah ṭialmi bangin.

1 KORIN 10:7 Referans Kwoze

1 KORIN 6:9

Miṭha lomi nih cun Pathian Pennak cu an co lai lo ti kha fiang tein nan hngalh ko. Nanmah le nanmah kha i hleng len hlah u; misual mi le siasal a biami le vacung pa duhmi le nu nih nu he sualnak, pa nih pa he sualnak a tuahmi le,

1 KORIN 10:14

Cucaah ka dawtmi ka hawile hna, siasal kha bia hna hlah u.

DEUTERONOMI 9:12

Khi tikah Bawipa nih ka sinah, ‘Tho law, hika hin khulrang tein vung kal tuah, zeitintiah Izipt ram in na chuahpimi na mi hna nih thurhnawm ngaiin an i tuah cang; zulh awkah nawl ka pekmi hna lam khan khulrang tein an pial cang; annih caah thletmi siasal an i ser,’ tiah a ti.

1 KORIN 5:11

ka rak in chimh duhmi hna cu, Khrihfa ka si ve aa ti ṭung i sualnak a tuahmi, a hak a kaumi, siasal a biami, mi congoih a hmangmi, zu a rimi, mifir a simi, hi hna he hin nan i kom lai lo ka ti duhnak a si; cu bantuk mi hna he cun rawl hmanh hmunkhat ah ei ṭi hlah u.

1JOHAN 5:21

Ka fale hna, pathian deu kha va hrial hna u.

EXODUS 32:19

Moses cu riahhmun pawng kha a phak i cawfa le minung a lam len komi a hmuh hna tikah a thin a hung ngaingai. Aa putmi lungtlap kha a hlonh hna i tlang hram ah khan a den hna.

EXODUS 32:17

Joshua nih mi an au len thawng kha a theih i Moses cu, “Riahhmun ah raldohnak thawng ka theih,” tiah a chimh.

EXODUS 32:4

Tumbul cu a lak hna i a tit hna i a thlet i cawfa pakhat ah a ser. “Maw Israel mi hna hihi nan pathian cu a si, Izipt ram in an chuahtertu hna nan pathian cu a si,” a ti.

1 KORIN 8:7

Sihmanhsehlaw mi kip nih hi biatak hi hngalh a si lo. Mi a cheu cu siasal he an rak i ciahnak kha a sau tuk cang caah nihin ni tiang hrimhrim hin bawlnak sa an ei tikah cu sa cu siasal ta a si tiin an ruah; an chiaṭha thleidannak kha a der i sa nih cun a kan thurter tiin an ruah.

LAMKALTU 15:20

Cu nakin kan tuah awk deuh a si tiah ka ruahmi cu, ca kan kuat hna lai i siasal sinah pekchanh ciami sa cu thurhnawmh cangmi sa a si caah ei nan i sum lai, nu le pa sualnak khan an i sum lai, hngawngdih sa ei nan i sum lai, zei thi hmanh ei nan i sum lai, tiah kan ti hna lai.