1 KORIN 1:9 - Lai (Hakha) Common Language Bible 2006

⁹ A Fapa Jesuh Khrih kan Bawipa he hawikomhnak ngeih awkah an kotu hna Pathian cu zumhawktlak a si ko.

Laibaibal Thiang (BSI)

⁹ Pathian, a Fapa Jesuh Krih kan Bawipa he i hawikomhnâk i an luhtertu kha zumh awk tlâk a si.

1 KORIN 1:9 Referans Kwoze

2 THESALON 3:3

Bawipa cu zumh awk tlak a si ko. An ṭhawnter hna lai i Miṭhalo Pa sin khan him tein an umter ko hna lai.

HEBRU 10:23

Bia a kan kamhtu Pathian cu zumh awk tlak a si bantukin kan i ruahchanmi cu fek tein i tlaih peng ko u sih.

DEUTERONOMI 7:9

Cucaah Bawipa nan Pathian cu Pathian a si kha hngal tuah u; amah cu zumhawktlak Pathian, amah a daw i a nawlbia a zulmi hna sinah chan thong khat tiangin bia a kam i a fekmi dawtnak a ngei i,

1JOHAN 1:3

Kannih nih kan hmuhmi le kan theihmi cu nannih zong kha kan in chimh hna, zeicahtiah Pa le a Fapa Jesuh Khrih he hawikomhnak kan ngeihmi chungah khan nan i tel khawh ve nakhnga kan duh.

1 KORIN 10:13

Tukforhnak nan cung i a tlungmi hi midang zong nih an in cio tawnmi an si ko. Pathian nih a biakamnak cu a zulh ko lai i nan in khawh leng tiangin tukforhnak cu nan cungah a tlunter lai lo. Tukforhnak nan in tikah in khawhnak thazang an pek hna lai i chuah khawhnak lam zong an serpiak hna lai.

ISAIAH 49:7

Miphun kip nih fak piin an serhsat i an huat i, uktu hna sal a simi cu, Israel Pathian thiang le khamhtu nih, “Na luat kha siangpahrang nih an in hmuh lai i nangmah upatnak pek awkah an tho lai; bawi zong nih an in hmuh lai i nangmah upatnak pek awkah niam ngaiin an kun lai,” a ti. Bawipa, Israel Pathian thiang nih a sal cu a thim cang i a biakamnak cu a zulh caah, hi thil cu a tling lai.

ROM 8:28

Pathian nih hin, amah a dawmi hna caah le amah nih aa tinhmi ningin a kawhmi hna caah cun, zeizong vialte hi a ṭha lei ah a serpiak ko hna ti kha kan hngalh.

DEUTERONOMI 32:4

“Lungpi bantukin an hupphengtu a si, A lam vialte cu a dik i a hmaan. Zumhawktlak le hlen hmang lo Pathian a si, Amah cu a ding i a dik.

BIAPHUAN 19:11

Cun van kha aa hung i rang rang pakhat ka hmuh. A cung i aa citmi cu a min ah Zumhawktlak le Ahmaanmi ti a si; bia a ceih tik le ral a doh tikah dinnak in a ceih i a doh.

1JOHAN 1:7

Sihmanhsehlaw ceunak chung i a um bantukin kannih zong ceunak chung i kan um ahcun pakhat le pakhat hawikomhnak kan ngei i a Fapa Jesuh thi nih khan kan sualnak vialte in a kan thianh.

SALM 100:5

Bawipa cu a ṭha; a fekmi a dawtnak cu zungzal in a hmun, zumhawktlak a sinak cu chan vialte tiangin a hmun.

2 KORIN 1:18

Pathian cu zumh awk tlak a si bantukin nan sin i ka biakam cu “E, e,” le “Ai, ai,” aa cawhmi a si lo.

1 PETER 5:10

Sihmanhsehlaw caan tlawmpal nan in hnuah cun, velngeihnak in a khatmi Pathian, Khrih he nan i pehtlaihnak thawngin zungzal a hmunmi a sunparnak i hrawm dingin aan kotu hna nih cun tlinnak an pek hna lai i fehnak le thazang le a fekmi hram bunhnak an pek hna lai.

1JOHAN 4:13

Kannih cu Pathian chungah kan um i Pathian cu kan chungah a um ti fiang tein kan hngalhnak cu Thlarau a kan pekmi ah hin a si.

HEBRU 11:11

Abraham kha a tar tuk cang i Sarah kha fa ngei kho lo a si nain, Abraham cu hringtu pa ah a sertu cu zumhnak a si. Pathian nih khan a biakamnak cu a tuah ṭheo lai, ti kha a zumh.

ROM 9:24

Cucu Hosea cauk chung i rak chimmi kha a si. Zeitindah a ti tiah: “Ka mi a rak si lomi kha, ‘Ka mi,’ ka ti hna lai. Ka rak dawt lomi miphun kha, ‘Ka dawtmi,’ ka ti hna lai.

ROM 8:30

Cucaah a thleidanmi hna cu Pathian nih a kawh hna i a kawhmi hna cu Amah he khan a remter hna; cun amah he a remtermi hna cu a sunparnak zong kha a hrawmh hna.

ISAIAH 25:1

Bawipa, nangmah cu ka Pathian na na si, Kan upat lai i na min kha ka thangṭhat lai. Khuaruahharmi thil kha na tuah hna; hlan lio piin na rak i timhmi thil kha zumh awk tlak tein na tlinter hna.

GALATI 2:20

cucaah a nungmi cu keimah kha ka si ti lo, ka chung i a ummi Khrih tu hi a si deuh. Atu i ka nunmi nunning hi, a ka daw i ka ca i a nunnak a pemi Pathian Fapa zumhnak thawngin ka nung.

HEBRU 3:14

Zeicahtiah a hramthawk tein ralṭha ngaiin kan rak zumhmi kha fek tein a dongh tiang kan i tlaih ahcun, kan dihlak in Khrih hawi kan si dih zungzal lai.

2 THESALON 2:14

Pathian nih an kawhnak hna cu kan in chimhmi hna Thawngṭha kha hmang in a si; cun an kawh hna cu kan Bawipa Jesuh sunparnak i hrawm ve awkah a si.

JOHAN 17:21

An dihlak in pakhat an si nakhnga thla ka cam. Ka Pa, keimah cu nangmah chungah ka um i nangmah cu keimah chungah na um bantuk hin annih zong kan chungah um ve hna seh.

ISAIAH 11:5

A mi cu dinnak in a uk hna lai i an caah zumh awk tlakmi a si lai.

TITAS 1:2

Pathian sal le Khrih Jesuh sal ka sinak a langhtertu cu zumhnak le hngalhnak le ruahchannak an si, zumhnak cu Pathian nih a thimmi hna chung i a hung thomi zumhnak, hngalhnak cu kan biaknak phung nih a kan cawnpiakmi biatak hngalhnak, ruahchannak cu zungzal nunnak i ruahchannak. Cu zungzal nunnak cu lih a chim kho lomi Pathian nih caan hramthawk hlan in a kan kamh cangmi nunnak kha a si i atu ah amah nih a caan a rem a timi caan ah a phuan cang. Cu bia a phuanmi rian cu keimah kha ṭuan awkah a ka fial i kan Khamhtu Pathian nawl in cu bia cu ka chim.

EFESA 3:6

Cu biathli cu hihi a si: Thawngṭha thawngin Jentail mi hna nih Judah mi hna sinah khan Pathian thluachuahnak an hmuh ve cang; annih cu pum khat chung nge kha an si cang i Khrih Jesuh in Pathian nih biakamnak a tuahmi ah khan tinvo an ngei ve cang.

HEBRU 6:18

Hi thil pahnih, biakamnak le chiatsernak hna hi thlen khawh a si lomi thil an si i hi hna kongah hin Pathian nih a lih a chim kho lo. Cucaah a sin i him tein a ummi kannih nih cun kan hmai i a kan chiahpiakmi ruahchannak kha ralṭha ngaingai in fek tein kan i tlaih.

HEBRU 3:1

Pathian nih a kawh vemi Khrihfa u le nau hna, kan i lakmi phung ca i Tlangbawi Ngan si awkah Pathian nih a thlahmi Jesuh kong kha ruat hmanh u.

HEBRU 2:17

Cucaah zeizong kip ah a unau hna bantuk kha a si awk hrim a si i cu bantukin a si cu, annih nih sual ngaihthiamnak an hmuh khawh nakhnga ding caah, zumh awk a tlakmi le zaangfah a thiammi an Tlangbawi Ngan a si nakhnga caah a si.

2TIMOTE 1:9

Pathian nih cun amah mi hrimhrim si awkah a kan khamh i a kan auh; cucu kanmah tuahmi ruangah si loin amah nih aa tinhmi le vel a kan ngeih ca ruang tu ah khan a si. Hi a vel cu caan hramthawk hlan in Jesuh Khrih in a kan pek cang,

MATTHAI 24:35

Van le vawlei cu an rawk lai; sihmanhsehlaw ka bia cu zeitikhmanh ah a rawk lai lo.

GALATI 1:15

Sihmanhsehlaw Pathian nih a ka zaangfah caah, ka chuah hlan khan a ka thim i amah rian ṭuantu dingah khan a ka auh. Cun Jentail mi hna sinah Thawngṭha cu ka chim nakhnga,

1 KORIN 10:16

Thluachuahnak hrai ca i Pathian kan lawmh tikah, hi hrai kan din tikah hin Khrih thi kha kan i hrawm a si lo maw? Cun changreu kan ei ṭimi hi tah: hi changreu kan ei ah hin Khrih pum kan i hrawm a si lo maw?

1 KORIN 1:30

Sihmanhsehlaw Pathian nih cun kannih cu Khrih Jesuh he a kan pehtlaihter cang i Pathian nih Khrih cu kannih fimnak caah a ser cang; amah thawng cun kannih cu Pathian he kan i rem i Pathian mithiang ah kan cang i a luatmi kan si.

ROM 11:17

Cinmi oliv kung a nge cheukhat cu tan an si i ramlak oliv kung a nge kha cinmi kung ah cun peh a si. Cu bantuk cu nannih Jentail mi hi nan si; atu cu oliv kung a hrampi kha nan i hrawm ve cang.

1THESALON 2:12

Thazang kan in pek hna, hnangamnak kan in pek hna, a Pennak le a sunparnak i hrawm dingah an autu hna Pathian duhning in nan nun khawhnak hnga kan in forh lengmang hna.

KOLOSE 1:24

Nan ca i temhinnak ka huahmi ah hin kaa lawm ko. Zeicahtiah ka pum in ka inmi temhinnak ah hin, Khrih nih a pum a simi khrihfabu ca i a inmi temhinnak a baumi kha ka tlinter.

2TIMOTE 2:13

Zumh awk tlak loin kan um hmanh ah, anih cu zumh awk tlak a si ko. Zeicahtiah amah le amah cu aa hleng kho lo.”