1TIMOTE 4:15 - Lai (Hakha) Common Language Bible 2006

¹⁵ Na ṭhannak kha mi vialte nih an hmuh nakhnga cu thil cu teimak tein tuah lengmang ko hna.

Laibaibal Thiang (BSI)

¹⁵ Cuhna cu biatak tein ruat hna law, hmai na nawrning mi vialte nih an hmuh nâkhnga cu thil ah a dih um nâkin i hmang.

1TIMOTE 4:15 Referans Kwoze

MATTHAI 5:16

Cu bantukin nannih nan ceunak zong cu mi hmaiah a ceu awk a si, cuticun thil ṭha nan tuahmi kha an hmuh lai i vancung khua i a ummi nan Pa kha an thangṭhat lai.

SALM 143:5

A liam ciami ni kha ka hun thei ṭhan hna; nangmah nih na tuahmi thil vialte kha ka hun ruat ṭhan hna i na tuahmi thil vialte kha ka hun hngal ṭhan hna.

SALM 104:34

Pathian nih lunglawmhnak a ka pek zat in, ka thangṭhatnak hla nih amah cu a lunglawmhter ve seh.

LAMKALTU 6:4

Kannih tu cu thlacam le Pathian Bia chimnak ah khan kan caan cu a dihlak in kan hmang ko lai,” tiah an ti.

TITAS 2:14

Kannih cu ṭhat lonak chungin chanh awkah le amah ta a simi mithiang si awkah le ṭhatnak tuah a duhmi siter awkah, kan caah a nunnak kha a pek.

SALM 119:97

Zeitluk in dah na phunglam cu ka duh, chun nitlak cu lawng cu ka ruat ko.

JOSHUA 1:8

Hi phungbia cauk nih hin na kaa kha chuahtak hlah seh; sihmanhsehlaw a chungah aa ṭialmi vialte ningin tuah awkah ralring tein na um nakhnga, chunzan in mah cucu na ruat lai; zeitintiah khi tikah na lam kha na tluanter lai i khi tikah khua awng na tong lai.

1TIMOTE 4:6

Kan u le kan nau pawl kha, hi cawnpiaknak hi na chimh hna ahcun nangmah cu Khrih Jesuh sal ṭha na si lai, thlarau lei i naa cawmnak ah zumhnak bia le na zulhmi cawnpiaknak ahmaan taktakmi kha, va hmang hna.

SALM 119:148

Zan khuadei mit cungtang chin loin ka um, cucu na cawnpiakmi ka ruahnak ah a si.

SALM 119:99

Na cawnpiaknak kha ka ruah hna caah, ka sayate vialte nakin ka hngal deuh.

SALM 119:48

Na nawlbia cu ka upat hna i ka duh hna; na cawnpiaknak cu ka ruat camcin hna lai.

SALM 119:15

Na kan hmuhsakmi thil kha ṭha tein ka ngiat hna i na kan cawnpiakmi thil kha ka dothlat hna.

2 KORIN 8:5

An tuahmi cu ka rak i ruah ngam lengpi a si, A hmasa bik ah anmah kha Pathian sinah an i pe, cun Pathian hnatlaknak in kan sin zongah an i pe.

SALM 105:5

A sal Abraham tefa hna, Pathian nih a liannganmi khuaruahhar a tuahmi le biakhiahnak a tuahmi kha philh hna hlah u, a thimmi Jakob tefa hna, philh hlah u.

SALM 49:3

Ahmaanmi khua ka ruat lai i a fimmi bia ka chim lai.

SALM 19:14

Ka kaa chung bia hna le ka lung chung ruahnak hna cu, nangmah cohlan awk tlak si ko hna seh, maw Bawipa, ka lungpi le ka tlantu.

1 KORIN 16:15

Stefanas le a innchungkhar kha nan hngalh hna; anmah cu Grik ram chungah Khrihfa a cang hmasa bik an si i Pathian mi hna ca rianṭuan awkah aa pemi an si. Ka u le ka nau hna,

SALM 119:23

Uktu bawi hna nih khan, keimah hrawhnak khua cu khang ṭi lengmang hna hmanh seh law, kei na sal cu na nawlbia tu kha ka ruat camcin ko lai.

SALM 77:12

Na tuah ciami thil vialte kha ka ruat ṭhan hna lai i ka lung chungin ka tuaktan hna lai.

SALM 63:6

Ihkhun cung i ka ih tikah nangmah cu kan thei, zan khuadei nangmah kha kan ruat,

SALM 1:2

An i lawmhnak cu Bawipa nawlbia tu ah khan a si i cu nawlbia cu chunzan in an ruat.

2 KORIN 4:14

Bawipa Jesuh nunnak ah a thawhtertu Pathian nih khan kannih zong Jesuh sinah cun a kan thawhter lai i nanmah he a hmaika ah cun a kan luhpi lai, ti kha kan hngalh.

1TIMOTE 4:14

Profet hna nih bia an chim i upa hna nih na cung i an kut an chuan tikah na hmuhmi thlarau laksawng kha hlothlau hlah.

1TIMOTE 4:16

Nangmah kha ṭha tein i ralring law na cawnpiaknak zong kha i ralring fawn. Cun nangmah naa khamh hleiah na bia a theimi kha na khamh khawh hna nakhnga hi thil hi ngol loin tuah lengmang ko hna.

NAMBAR 8:26

sihmanhsehlaw tonnak thlam chung rian, a zohkhenhnak rian ah khan, an unau hna cu ṭuan an bawmh hna lai, asinain rian tu cu an ṭuan ti lai lo. Mah bantuk hin Levi mi hna an rian thiahnak ah cun na tuah lai,” tiah a ti.