1TIMOTE 2:3 - Lai (Hakha) Common Language Bible 2006

^3-4 Mi vialte nih khamhnak hmu hna seh ti le biatak kha hngal hna seh ti a duhmi Pathian kan Khamhtu nih, hi thil ṭha hi a duhmi a si.

Laibaibal Thiang (BSI)

³ Zeitintiah hihi kan Khamhtu Pathian hmai ah a ṭha i cohlan awk a tlâkmi si,

1TIMOTE 2:3 Referans Kwoze

HEBRU 13:16

Pakhat le pakhat i bawmh le pakhat le pakhat cung i ṭhatnak tuah kha philh hlah u; hihi Pathian lung a tongmi raithawinak a si.

1TIMOTE 1:1

Kan Khamhtu Pathian le kan i ruahchanmi Khrih Jesuh nawl in lamkaltu a simi keimah Paul nih.

1 PETER 2:20

Palhnak nan tuahmi ruangah, nan in awk a simi tuknak nan huah ahcun, cucu thangṭhat awk tlak a si maw? Asinain ahmaanmi thil nan tuahmi ruangah, hremnak nan in ahcun Pathian nih thluachuahnak an pek hna lai.

ROM 14:18

Cu bantukin Khrih rian a ṭuanmi paoh cu Pathian nih a lawmh hna i minung nih an thangṭhat hna.

1 PETER 2:5

Nanmah zong kha, lung nung bantukin ra tuah u law, thlarau biakinn saknak caah cun i hmang tuah u. Cuka ah cun a thiangmi tlangbawi bantukin cohlan awk a tlakmi thlarau raithawinak kha Jesuh Khrih thawngin Pathian cu nan pekchanh lai.

1THESALON 4:1

A donghnak ah ka u le ka nau hna, zeitindah Pathian duhning in kan nun awk a si lai ti kha nannih nih kan sinin nan hmuh cang. Hitihin nan rak nun awk a si i atu hi Bawipa Jesuh min in tam chinchin in nan nun nakhnga kan in nawl hna.

KOLOSE 1:10

Cuticun Bawipa duhning in nan nung kho lai i amah duhnak kha nan tuah zungzal khawh lai. Thil ṭha tuahnak kip ah nan nunning cu zumh awk tlak a si lai i Pathian nan hngalhnak ah khan nan ṭhang lai.

LUKA 1:47

I lawm tuah, ka nunnak, Bawipa na khamhtu cungah;

FILIPI 1:11

Jesuh Khrih lawng nih a kan pek khawhmi ziaza ṭha taktak in nan nunnak cu a khat lai i cucu Pathian sunparnak le thangṭhatnak caah a si lai.

1TIMOTE 5:4

Sihmanhsehlaw nuhmei nih cun fa si hna seh, tu si hna seh a ngeih hna ahcun, cu hna nih zumh awk tlak tein an innchungkhar zohkhenh le an pa si hna seh, an pi an pu si hna seh, cawm ṭhan ve cu an rian pakhatnak ah an chiah awk a si i cucu biaknak lei in an rian Pathian nih tuah hna seh ti a duhmi cu a si.

FILIPI 4:18

Cucaah hi ca kan kuatmi hna hi, bawmhnak nan ka kuatmi vialte ka hmuh dih hna tinak ca a si — kaa zat leng tiangin nan ka kuat. Epafroditas nih nan laksawng cu a rak ka phorh i ka herhmi vialte cu ka ngei dih ko cang. Hi nan laksawng hi Pathian nih a duh i a cohlanmi raithawinak, rimhmui pekchanhmi bantuk an si.

ISAIAH 45:21

Ra u law biaceihnak hmun ah nan bia cu ra chim tuah u; tazacuaimi hna cu pakhat le pakhat lungthin i cheu tuah u. Thil a um ding kha aho nih dah a hlankan in a rak thanh chung i cuticun a um te lai tiah aho nih dah a rak chimchung? Cu ti a tuahtu cu Bawipa, a mi a khamhtu hna Pathian kha ka si lo maw? Pathian dang ahohmanh an um lo.

2TIMOTE 1:9

Pathian nih cun amah mi hrimhrim si awkah a kan khamh i a kan auh; cucu kanmah tuahmi ruangah si loin amah nih aa tinhmi le vel a kan ngeih ca ruang tu ah khan a si. Hi a vel cu caan hramthawk hlan in Jesuh Khrih in a kan pek cang,

1TIMOTE 4:10

Cu ruangah cun sifahnak kan in le fak piin rian kan ṭuan hi a si. Kannih nih kan i ruahchannak cu mi vialte khamhtu a si i a nungmi Pathian cungah khan kan bunh i cu a nungmi Pathian cu a zummi hna khamhtu kha a si khun.