1TIMOTE 1:19 - Lai (Hakha) Common Language Bible 2006

¹⁹ Mi a cheu cu an chiaṭha thleidannak kha zeirello in an um tawn caah an zumhnak kha an rawhter tawn.

Laibaibal Thiang (BSI)

¹⁹ Zumhnâk le chiaṭha hngalhnâk thiang kha i tlaih peng, ceukhat nih cucu an namnul i tilawng a kuaimi bangin an zumhnâk kha a kuai tawn.

1TIMOTE 1:19 Referans Kwoze

1TIMOTE 3:9

Phuanmi zumhnak biatak cu chiaṭha thleidannak thiang in fek tein aa tlaihmi an si lai.

BIAPHUAN 3:10

Lungsau in um tuah, tiah kan timi kha na zulh caah, vawleicung mi vialte hneksaknak ding caah vawlei cung dihlak ah a tlung laimi harnak caan kha tong loin kan luatter lai.

1TIMOTE 6:9

Sihmanhsehlaw rum a duhmi hna cu tukforhnak chungah khan an tla i ṭih a nungmi le ṭhat lonak a chuahter khotu duhnak nih khan rap foih in a foih hna i cu nih cun rawhralnak ah khan a kalpi hna.

TITAS 1:9

Cawnpiaknak ahmaanmi aa tlaih pengmi a si lai, cuticun a bia a ngaitu pawl kha cawnpiaknak ṭha in an lung a thawhter khawh hna lai i cawnpiaknak ṭha a altu pawl kha an palhnak a langhter khawh lai.

BIAPHUAN 3:8

Na tuahmi kha ka hngalh; na thazang a tlawm nain kan cawnpiakmi na zulh le ka cungah zumh awk tlak na si kha ka hngalh. Innka pakhat kaan hunpiak i ahohmanh nih an khar kho lai lo.

HEBRU 3:14

Zeicahtiah a hramthawk tein ralṭha ngaiin kan rak zumhmi kha fek tein a dongh tiang kan i tlaih ahcun, kan dihlak in Khrih hawi kan si dih zungzal lai.

2TIMOTE 4:4

Biatak kha an kaltak lai i minung tuanbia tu kha ngaih an duh deuh lai.

1JOHAN 2:19

Hi hna hi kan bu chungmi ngaingai an rak si bal lo, cucaah an kan chuahtaknak cu a si; kan bu chung mi ngaingai kha rak si hna seh law cu, kan sinah hin an um peng ko hnga. Annih cu pakhat hmanh kan bu chung mi ngaingai an rak si lo ti kha a fian nakhnga annih nih khan an kan chuahtak.

1TIMOTE 6:21

Mi a cheu nih cu fimnak cu kan ngei an ti i zumhnak kha an nganh diam! Pathian vel cu nan dihlak cungah um ko seh.

1TIMOTE 1:5

Hi bantukin bia kan cah tikah kaa tinhmi cu, a thiangmi lungthin le a thiangmi chiaṭha thleidannak le zumhnak taktak a simi chungin a chuakmi dawtnak kha a si.

GALATI 5:4

Nawlbia zulhnak thawngin Pathian he remnak hmuh aa zuammi cu Khrih sinin nanmah le nanmah nan i ṭhen ko. Nannih cu Pathian vel leng i a ummi nan si ko.

1 KORIN 11:19

(Aho hi dah ahmaan ti hngalhnak caah a si ahcun, i ṭhen zong cu a ṭha ve sawk.)

BIAPHUAN 3:3

Cucaah cun zeidah an in cawnpiakmi kha a si ti le zeitindah na rak theih ti kha philh hlah, cucu zul law na sualnak kha mertak hna. Naa hlauh lo ahcun mifir bantukin kaan rathnawh lai i ka rat caan kha a hngalh hmanh na hngal lai lo.

MATTHAI 6:27

Nan lungre a theih le nan awlok a chon thawngin nan nunnak tlawmte tal a sauter kho deuh mi aho tal nan um maw?

1TIMOTE 6:12

Zumhnak tlik zuamnak ah hin na tha ngeihmi dihlak in i zuam law zungzal nunnak kha co i zuam. Tehte tampi hmaiah na zumhnak na rak phuan ah khan Pathian nih an kawhnak cu hi nunnak hmuh awk caah hin a rak si.

2TIMOTE 2:18

Biatak lam khan an pial i, “Thawhṭhannak cu atu ah hin a si diam cang,” tiin Khrihfa mi a cheu kha an lung an tuai hna.