1THESALON 3:5 - Lai (Hakha) Common Language Bible 2006

⁵ Cucaah Timote cu nan sinah ka hun thlah. Um sawhsawh cu ka ing kho ti lo i nan zumhnak zeidah a lawh hnga ti hngalh duh ah amah cu ka ratter. Khuachia nih an tukforh hna zong a si kho ko i kan rian ṭuanmi kha pakpalawng ah a cang dih sual lai ti zong ka phang.

Laibaibal Thiang (BSI)

⁵ Hiruangah zumhnâk i nan kong hngal loin kan um khawh lo tikah a nih cu kan rak thlahnâk kha a si, culoahcun tukforhtu nih an tei sual hna lai i nan sin i kan ṭuanmi hi pakpalawng ah a cang sual lai.

1THESALON 3:5 Referans Kwoze

MATTHAI 4:3

Khuachia cu a sinah a ra i, “Nangmah cu Pathian Fapa na si ahcun, hi lung hi changreu ah canter hna ngat,” tiah a ti.

2 KORIN 2:11

cuti ka ngaihthiam cu Satan nih khan kan tei sual hlah seh ti ka duh caah a si, zeicahtiah Satan thil tining cu fiang tein kan hngalh ko.

FILIPI 2:16

an lakah arfi bangin ceu u. Cu ti nan si ahcun Khrih Ni ah nanmah ruangah ka hmai a hngal ngaingai lai i ka ṭuanmi vialte le kaa zuammi vialte kha pakpalawng an si lo ti kha a lang lai.

EFESA 4:14

Midang a palhter tawntu hlenthiammi hna cawnpiaknak tilet le thlichia bantuk a simi nih a kenkip ah a choihmi ngakchia bantuk hna si ti loin,

ISAIAH 49:4

Kei nih ka thawh i, “Ṭuan cu ka ṭuan ko, sihmanhsehlaw ka ṭuanmi cu san a tlai lo. Ka thazang cu a dih umnak in ka hman, sihmanhsehlaw zeihmanh ka tlamtlinh lo,” ka ti. Asinain Pathian nih thil cu a ṭhatter ko lai tiah ka zumh i ka ṭuan man kha a ka pek ko lai.

GALATI 4:11

Nan ca i har lengmang in ka ṭuanmi vialte kha pakpalawng ah nan canter sual lai ti ka phang ko.

GALATI 2:2

Zeicahdah ka kal ti ahcun Pathian nih na kal awk a si tiah ka sinah a phuan caah a si. Hruaitu pawl he kanmah lawng kan i tonnak ah Jentail mi sin i thawngṭha bia ka chimnak kong kha ka chimh hna. Kan hnulei i ka rak tuahmi rian kha siseh, atu i ka tuahmi rian hi siseh, pakpalawng siter kha ka duh lo.

1 KORIN 7:5

Kan caan cu thlacamnak ah hman kan duh tiin pakhat le pakhat kha i reem hlah u; nan pahnih in caan khatkhat chung kha cuticun kan um lai tiah hnatlaknak nan ngeih hmasa ṭung lo ahcun; cu hmanh ah nan i sum khawh lo sual i Satan tukforhnak chungah nan tlak nakhnga lo, nu le va sinak kha thawk ṭhan ko u.

1THESALON 3:6

Sihmanhsehlaw Timote cu naite ah khan nan sinin a ra phan i nan zumhnak kong le dawtnak nan ngeihmi kong thawngṭha kha a rak phorh. Kanmah kha ṭha lei in nan kan ruah zungzalnak le hmuh kan in duh tluk hna in nannih zong nih hmuh nan kan duh venak kha a kan chimh.

1THESALON 2:1

U le nau hna, kan in tlawn hna kha pakpalawng a si lo ti cu nanmah hrimhrim nih nan hngalh.

LAMKALTU 15:36

Cu hnu caan tlawmpal ah khin Paul nih Barnabas cu a thawh i, “Va kal ṭhan u si law Bawipa kong kan chimnak khua paoh ah khan kan unau hna kha va tlawng ṭhan hna u si law zeitindah an um ti kha va zoh hna u sih,” tiah a ti.

2 KORIN 6:1

Hi rian ah hin Pathian he a ṭuan ṭimi kan si caah hitihin kan in nawl hna: Pathian vel cu nan hmuh cang i cu vel cu pakpalawng ah canter hram hlah u.

FILIPI 2:19

Nan thawngpang nih lungṭhatnak a ka pek lai ti ruahchannak ka ngeih caah Timote kha nan sinah tuan i ratter kha a si kho lai tiah Bawi Jesuh cu ka zumh ko.

DANIEL 6:19

Khua a hung dei tikah, a ceu cangkate khin, a tho i ther le phang lengmang in thonginn ah cun a va kal.