1THESALON 3:1 - Lai (Hakha) Common Language Bible 2006

¹ A donghnak ah cun kan celh ti lo i kanmah lawngin Athens khua ah khan um ko u si law

Laibaibal Thiang (BSI)

¹ Cucaah cubangin kan tuar khawh lo hnuah keimah lawngin Âthên khua ah umning law a ṭha lai tiah kan ruah,

1THESALON 3:1 Referans Kwoze

LAMKALTU 17:15

Paul a kalpitu hna kha a sinah cun Athens khua tiangin an va kal. Cun Berea khua ah cun an kir ṭhan i Paul nih khan Silas le Timote cu a ran khawh chungin ka sinah ra hna seh, tiah bia a cah hna.

1THESALON 3:5

Cucaah Timote cu nan sinah ka hun thlah. Um sawhsawh cu ka ing kho ti lo i nan zumhnak zeidah a lawh hnga ti hngalh duh ah amah cu ka ratter. Khuachia nih an tukforh hna zong a si kho ko i kan rian ṭuanmi kha pakpalawng ah a cang dih sual lai ti zong ka phang.

1THESALON 2:17

U le nau hna, kan lung cun kan i ṭhen lo nain, kan pum in tlawmpal kan hun i ṭhen tikah hin kan in ngai ngaingai hna i nanmah hmuh ṭhan kha kan duh hringhran.

2 KORIN 2:13

Sihmanhsehlaw kan nau Titas kha ka hmuh lo caah ka lungre a thei ngaingai. Cucaah cu ka mi cu, dam tein rung um u, tiah ka titak hna i Masidonia ram ah khan ka lan.

JEREMIAH 20:9

Bawipa kong cu ka lung chungah ka riahter ti lai lo i A min zongin bia ka chim ti lai lo, ka ti ah, A bia cu ka lung chungah hin mei bantukin a alh i ka ruh chungah hin mei linh bantukin aa khumh. Ka chung i tlaih peng kha ka celh ti lo i chuak loin ka tlai kho hrim ti lo.

JEREMIAH 44:22

a in khawh ti lo tiangin a lung chungah cun an kai luaimai. Nan tuahnak cu an ṭhalo tuk hringhran i nan tuahmi thil cu fih an nung tuk hringhran. Nan ram cu ṭiaotakmi hmun pakpalawng ah a cang i nihin i a si ko rih bantuk hin tuksapur le nihsawh awk, ahohmanh um lonak hmun a si ko rih.

LAMKALTU 17:16

Paul cu Athens khua i Silas le Timote a rak hngah lio hna ah khan cu khua cu siasal in a khah kha a hmuh i a awlok a chong.