1THESALON 1:8 - Lai (Hakha) Common Language Bible 2006

⁸ Zeicahtiah nanmah sinin a chuakmi thawngpang Bawipa kong kha Masidonia le Grik ram leng a phan i Pathian nan zumhnak thawng nih khan khuazakip a cul. Cucaah kan khualtlawnnak kong cu kanmah nih chim a herh ti lo,

Laibaibal Thiang (BSI)

⁸ Zeitintiah Bawipa bia cu nan sinin a thang i Masidonia le Akai ram lawngah si loin ramkip ah a thang dih. Pathian nan zumhning hi a thang ngai ngai i kan chim len hmanh a herh lo.

1THESALON 1:8 Referans Kwoze

ROM 1:8

A hmasa bik ah, nan dihlak ruangah ka Pathian cu Jesuh Khrih thawngin ka lawmh; zeicahtiah vawlei khuazakip ah nan zumhnak thawng hi an rak theih dih cang.

BIAPHUAN 14:6

Vawlei cung mi vialte, phun kip, ram kip, holh kip le mi kip sin i thanh awk a simi, zungzal Thawngṭha aa phorh i vanlai i a zuangmi vancungmi pakhat kha ka hmuh.

3 JOHAN 1:12

A mi kip nih Demetrius cu an thangṭhat i biatak hrimhrim zong nih a thangṭhat. Cun kannih zong nih kan thangṭhat ve i kan chimmi cu biatak a si ti kha na hngalh.

2 THESALON 1:4

Cucaah Pathian Khrihfabu hna sinah nanmah kong cu kan i porhlaw i hremnak le temhnak nan inmi vialte chungah fel tein nan um i nan zumhnak a dorh lo caah kan in thangṭhat hna.

ISAIAH 52:7

Daihnak thawng ṭha i phorh in tlang cungin a rami lamkaltu ke cu zeitluk in dah aa dawh! Teinak kong kha amah nih cun a run thanh i Zion cu a thawh i, “Na Pathian cu siangpahrang a si,” a ti.

2 THESALON 3:1

U le nau hna, a donghnak ah, Bawipa bia cu nan lakah a rak karhter bantuk khan, khulrang in a karh chin lengmang i sunparnak kha a hmuh nakhnga, thla kan campiak u.

BIAPHUAN 22:17

Thlarau le va ngei laimi ngaknu nih khan, “Ra u,” an ti. Hi bia a theimi paoh nih khan, “Ra u,” ti ve hna seh. Ti a halmi paoh cu ra u, nunnak ti hi a duhmi paoh nih man loin i lak u.

ROM 16:19

Thawngṭha kong i zumhawktlak nan si kha a mi kip nih an theih i cucaah cun nan kongah hin ka lung aa lawm. Ṭhatnak leiah cun mifim si u ti kan duh hna, sihmanhsehlaw chiatnak leiah cun ngakchia cuampual si ko u ti kan duh hna.

ISAIAH 2:3

mi tampi nih an i thawh lai i, “Bawipa tlang ah cun hung kal u sih, Israel Pathian biakinn ahcun hung kal u sih. Tuah hna seh ti a kan duhmi tuah kha kan thiam lai i a kan thimpiakmi lam kha kan zulh lai,” an ti lai. Bawipa cawnpiaknak cu Jerusalem in a ra i a mi hna sinah Zion in bia a chim.

EXODUS 18:9

Jethro nih an cung i Bawipa a ṭhatnak vialte le Izipt mi hna sinin a khamh hnanak kong a theih tikah a lung aa lawm ngaingai.

2 KORIN 3:4

Hi bia kan chim ngamnak cu Pathian cu hngatchan tlak a si ti kha Khrih thawngin kan hngalh caah a si.

1 KORIN 14:36

Pathian bia cu nanmah in dahra a hram aa thawk? Cu bia nih a phakmi hna cu nanmah lawng dahra nan si?

ISAIAH 66:19

dan a tattu hna cu keimah ka si kha an hngalh lai. Sihmanhsehlaw a cheu cu ka zuah hna lai i ka minthannak a thei rih lomi hna le ka lianhngannak le ṭhawnnak a hmu rih lomi miphun le ram hla pipi ah khan ka thlah hna lai: Spain ram le Libia ram le Lidia ram, (Lidia ram cu thal kah thiammi umnak ram a si), Tubal ram le Grik ram ah ka kuat hna lai. Hi miphun hna hi ka lianhngannak kha an chimh hna lai.

LAMKALTU 18:12

Sihmanhsehlaw Gallio cu Rom cozah nih Grik ram uktu bawi ah an ser tikah Judah mi kha an i pum i Paul kha an tlaih i biaceihnak zung ah an chuahpi.

ROM 15:26

Cucu zeidah a si tiah, Masidonia ram le Grik ram i a ummi Khrihfabu hna nih Jerusalem khua i a ummi Pathian mi hna lak i sifakmi hna bawmhnak ah anmah lungtho tein an thawhmi thawhlawm a um.

2 KORIN 2:14

Sihmanhsehlaw Pathian cu lawm ko u sih. Zeicahtiah Khrih teinak puai i a kal nuahmahmi mibu chungah khan kannih cu Khrih he kan i pehtlaihnak thawngin Pathian nih thongtla bantukin a kan hruai zungzal. Khrih kong hngalhnak cu khuazakip ah zihmui bantukin karhter awkah Pathian nih kannih cu a kan hman.

KOLOSE 3:16

Khrih bia cu nan chungah tam piin a fimnak he khan um seh. Fimnak in pakhat le pakhat i chim u law i cawnpiak u. Thangṭhatnak hla, Pathian biaknak hla le hla thiang kha sa hna u; Pathian kha lawmhnak in hla in thangṭhat u.

1TIMOTE 2:8

Pa paohpaoh nih hmun kip ah thlacam hna seh ti ka duh, Pathian sinah i pe in thinhunnak zeihmanh um lo le bia alnak zeihmanh um loin Pathian sinah cun an kut hler hna seh.

2TIMOTE 2:9

Thawngṭha ka chim ruangah temhinnak ka huah i misual bantukin thir cikcin in an ka khih. Sihmanhsehlaw Pathian bia cu thir cikcin in hren khawh a si lo.