1THESALON 1:7 - Lai (Hakha) Common Language Bible 2006

⁷ Cucaah Masidonia le Grik ram i a ummi Khrihfa hna caah nannih cu zohchun awk nan rak si.

Laibaibal Thiang (BSI)

⁷ cuticun Masidonia le Akai ram i zumtu vialte caah zohchunh awktlâk nan rak si.

1THESALON 1:7 Referans Kwoze

TITAS 2:7

Cun nangmah hrimhrim zong, thil ṭha tuahnak lei paohpaoh ah, an i zohchun awk tlak na si lai. Na cawnpiak hna tikah lungtak te le biatak tein cawnpiak hna.

1 PETER 5:3

Nanmah zohkhenh awkah chiahmi hna kha a uk in uk hna hlah u, sihmanhsehlaw an i zohchun ding tu si i zuam u, tiah kan nawl hna.

1TIMOTE 4:12

Na kum a no ruangah ahohmanh nih in zawmhtaih hna hlah seh, sihmanhsehlaw na biachim na holhrel ah siseh, na zia na za ah siseh, dawtnak, zumhnak le thiannak na ngeihmi ah siseh, zumtu hna caah tahchunh awk tlak va si tuah.

1THESALON 1:8

Zeicahtiah nanmah sinin a chuakmi thawngpang Bawipa kong kha Masidonia le Grik ram leng a phan i Pathian nan zumhnak thawng nih khan khuazakip a cul. Cucaah kan khualtlawnnak kong cu kanmah nih chim a herh ti lo,

LAMKALTU 16:12

Cuka cun ram chungah khan kan lut i Filipi khua kan phan, Filipi khua cu Masidonia ram chung i a um vemi peng peng khat a khualipi a si; cun Rom mi hna ram thar zong a si fawn. Cu khua ah cun ni thum li kan cam.

2 KORIN 1:1

Pathian duhnak in Khrih lamkaltu a simi keimah Paul le kan nau Timote nih, Korinth khua chung i a ummi Pathian Khrihfabu le Grik ram chung i a ummi Pathian mi vialte nan sinah ca kan in kuat hna.

LAMKALTU 1:13

Jerusalem khua chungah khan an lut i an rak umnak khaan chungah khan an va kal: Peter, Johan, Jeim le Andru, Filip le Thomas, Bartholomew le Matthai, Alfeas fapa Jeim, Phunṭanh Simon le Jeim fapa Judas an si.

1THESALON 4:10

Masidonia ram chung i a ummi nan unau hna cungah khan cu bantuk cun nan rak um. Cucaah cun u le nau hna, cu nak tam deuh in tuah rih awkah kan in nawl hna.

2 KORIN 9:2

Bawmh nan duh hna ti kha ka hngalh ko i cucaah cun Masidonia ram mi hna sin zongah cun nanmah kong cu ka vaa porhlaw. “Grik ram i a ummi kan unau pawl cu nikum khan bawmh an i timhnak cu a si cang,” tiah ka ti hna. Nan lungṭhawhnak nih khan a tam deuh cu an lung a canghter ve hna.

LAMKALTU 18:1

Cu hnuah cun Paul kha Athens khua khan a chuak i Korinth khua ah a kal.

LAMKALTU 18:12

Sihmanhsehlaw Gallio cu Rom cozah nih Grik ram uktu bawi ah an ser tikah Judah mi kha an i pum i Paul kha an tlaih i biaceihnak zung ah an chuahpi.

LAMKALTU 19:21

Hi bantukin thil a um hnuah Paul nih Masidonia ram le Grik ram kha ka tlawng lai i Jerusalem ah ka lan colh te lai, tiah a ruah. “Cun cuka ka phak hnuah Rom zong hmuh hrimhrim kaa zuam lai,” tiah a ti.

ROM 15:26

Cucu zeidah a si tiah, Masidonia ram le Grik ram i a ummi Khrihfabu hna nih Jerusalem khua i a ummi Pathian mi hna lak i sifakmi hna bawmhnak ah anmah lungtho tein an thawhmi thawhlawm a um.