1THESALON 1:10 - Lai (Hakha) Common Language Bible 2006

¹⁰ Pathian taktak a simi Pathian nung biak awk le vancung in a ra laimi a Fapa hngah awkah siasal biaknak in Pathian leiah nan i mer kha an chim i cu a fapa Jesuh cu thihnak in a thawhtermi le a ra liomi Pathian thinhunnak in a kan chanhtu kha a si.

Laibaibal Thiang (BSI)

¹⁰ A Fapa, thihnâk in a thawhter i a ra laimi thinhunnâk chungin a kan khamhtu Jesuh vanin a rat lai nâk hngahhlang ngaiin nan cuanhning hna cu anmah hrim hrim nih an chim lênmi a si.

1THESALON 1:10 Referans Kwoze

1THESALON 5:9

Pathian nih a thinhunnak in awkah khan a kan thim lo, sihmanhsehlaw kan Bawipa Jesuh Khrih thawngin khamhnak hmuh awkah a kan thim;

MATTHAI 3:7

Johan nih, Farasi mi hna le Sadusi mi hna kha, tipil in awkah a sin i an rat kha a hmuh tikah a thawh hna i, “Rul hna, Pathian thinhunnak a ra liomi chung cun nan luat kho lai, tiah aho nih dah aan chimh hna?

LAMKALTU 2:24

Sihmanhsehlaw Pathian nih amah cu mithi hna sin khan a thawhter ṭhan, thihnak nih amah cu a tlaih peng khawhnak ding zeihmanh a um lo.

1 PETER 3:18

zeicahtiah Khrih hrimhrim zong kha nanmah caah a thi i sualnak ruangah khan voi khat ah za lakin a thi; nannih cu Pathian sin i kalpi awk caah khan, miṭha cu miṭhalo mi hna ruangah a thi. Pum cun thihnak a huat, sihmanhsehlaw thlarau cun a nung i

1 PETER 1:3

Kan Bawipa Jesuh Khrih i a Pathian le a Pa cu lawm ko u sih. Zeicahtiah a zaangfahnak a nganmi ruangah kannih cu Jesuh Khrih thihnak in a thawhternak khan, nunnak thar a kan pek. Cucaah kannih cu zumhnak nung in kan khat i

HEBRU 9:28

Cu bantuk ṭhiamṭhiam in mi tampi sualnak lakpiak awkah Khrih cu voi khat raithawinak ah pek a si. Cun a hung lang ṭhan lai i cu a hung langh ṭhan cu sualnak kongah si ti loin amah a hngakmi hna khamh awkah a si lai.

ROM 4:25

Amah cu kan sual ruangah thihnak phakter a si i Pathian he kan i remnak hnga dingah nunnak ah thawhter a si.

LUKA 3:7

Johan sinah khan mi cu a bubu in tipil in awkah khan an hung chuak lulhmalh. A rak thawh hna i, “Rul hna, Pathian thinhunnak a ra liomi sin cun nan luat kho lai tiah aho nih dah aan chimh hna?

1 PETER 1:21

Amah thawngin Pathian cu nan zumh i Pathian nih cun thihnak in a thawhter i sunparnak a pek; cucaah nan zumhnak le ruahchannak cu Pathian cungah aa bunhmi an si.

ROM 8:34

Cucaah annih cu aho tal nih sual an phaw kho hna lai maw? Khrih hmanh nih sual a phaw hna hnga lo; zeicahtiah an ca i a thimi kha Khrih Jesuh kha pei a si cu, cu nak hmanh cun, thihnak in thawhter a si i Pathian orhlei kamah a um i kan ca i a kan nawlpiaktu cu amah cu pei a si cu.

BIAPHUAN 1:18

Kei cu a nungmi kha ka si. Ka rak thi, sihmanhsehlaw zohhmanh, zungzal in zungzal tiang ka nung cang. Thihnak cung le mithikhua cungah nawl ka ngei.

LAMKALTU 1:11

“Galilee mi hna, zeicahdah van lei zoh in nan dir ko? Nan sinin van ah a kaimi Jesuh hi, van ah a kai nan hmuh bantukte hin a ra kir ṭhan lai,” tiah an ti hna.

2 PETER 3:14

Cucaah cun ka u le ka nau hna, cu Ni nan hngah lioah hin Pathian hmaiah a thiangmi le soi awk um lomi nan si nakhnga fak piin i zuam u law amah he cun rem tein um u.

1THESALON 2:16

Khamhnak a petu hna ding bia kha Jentail mi cu chim hna hlah u, an kan ti. Annih nih an sualnak cu an tamter chin luaimai i atu cu Pathian thinhunnak nih khan a tlakhnawh hna.

1 KORIN 1:7

thluachuahnak nan hmuh lomi pakhatte hmanh a um lo.

2 PETER 3:12

Pathian Ni nan hngah lioah hin cu bantuk cu nan si awk a si i cu Ni cu tuan deuh ah a phak khawh nakhnga fak piin nan i zuam awk a si. Cu Ni ah cun van vialte cu an kang dih lai i nika thlapa le arfi vialte hna cu, cu Ni linhnak thawng cun an ti dih lai.

HEBRU 10:27

Kan ca i a tangmi cu biaceihnak le Pathian a dohmi hna a hrawktu ding mei ṭihnung lawng kha a si ko cang.

TITAS 2:13

A liannganmi kan Pathian le kan Khamhtu Khrih Jesuh sunparnak kha a langh tikah kan i ruahchanmi cu a tling lai, cu a tlin lai Ni cu ngangngan ngaiin kan hngak ko.

FILIPI 3:20

Sihmanhsehlaw kannih cu vancung ram mi kan si i kan Khamhtu Bawipa Jesuh Khrih vancung in a rat lai kha ngangngan ngaiin kan hngak ko.

GALATI 3:13

Sihmanhsehlaw Nawlbia nih a chuahpimi chiatsernak chung khan Khrih nih a kan tlanh cang, cu a kan tlanhnak cu kan ca i chiatserhmi i a cannak thawng khan a si i chiatserhmi a hung i can cu, Cathiang nih, “Thingkung cung i thlaimi paoh cu Pathian chiatserhmi an si,” a ti caah khan a si.

ROM 2:7

Micheu nih thil ṭha kha an tuah lengmang i sunparnak le upatnak le zungzal nunnak kha an kawl; cu hna cu Pathian nih zungzal nunnak kha a pek ko hna lai.

LAMKALTU 17:31

Zeicahtiah a thimmipa thawngin vawlei cung dihlak hi dinnak in biaceih awkah ni a khiah cang. Cucu a si ṭheo lai ti kha mi vialte sin i langhternak caah cu mipa cu thihnak in a thawhter,” tiah a ti.

LAMKALTU 4:10

nannih nan dihlak le Israel mi vialte dihlak nih nan hngalh awk cu, hi pa dam hirhiar tein nan hmaiah a dir khawhnak cu Nazareth khuami Jesuh Khrih, nannih nih nan thah i Pathian nih thihnak in a thawhter ṭhanmi a min ṭhawnnak thawngin a si.

LAMKALTU 3:21

Pathian nih a thiangmi a profet hna sinin hlan liopi ah a rak thanh cang bantukin, zei zong vialte a thar in ser caan a phak hlantiang vancung ah cun a um ko lai.

LAMKALTU 3:15

Cucaah nunnak lam ah mi a hruaitu cu nan thah. Sihmanhsehlaw amah cu Pathian nih mithi hna sinin a thawhter i cu a thawhternak tehte cu kanmah hi kan si.

MATTHAI 1:21

Fapa a hrin lai i a min ah Jesuh na sak lai — zeicahtiah a mi kha an sualnak chungin a khamh hna lai,” tiah a ti.

BIAPHUAN 1:7

Zohhmanh u, khuadawm sin khin a ra lio! Mi kip nih an hmuh lai, a rak chuntu hna zong nih khan an hmuh lai. Cun vawlei cung mi vialte cu a cung i an rak tuahmi kha i ngaichih in an ṭap lai. Cu ti hrimhrim cun a si lai! Amen.

1 PETER 2:21

Cu bantuk mi si awkah cun Pathian nih an kawh hna cu a si; zeicahtiah Khrih hrimhrim nih nan caah khan a in cang i ka keneh ka zul hna seh tiah i zohchun awk an chiahpiak cang hna.

2TIMOTE 4:1

Pathian hmai le, mi vialte a nungmi he a thimi he, bia a ceihtu ding Khrih Jesuh hmaiah, fak piin kan nawl; cun a rat lainak le a pennak in kan nawl fawn;

1THESALON 1:7

Cucaah Masidonia le Grik ram i a ummi Khrihfa hna caah nannih cu zohchun awk nan rak si.

KOLOSE 1:18

Khrih cu a pum a simi Khrihfabu lu kha a si; Khrih cu fater, thihnak in thawhter hmasa bikmi kha a si, thihnak in thawhter a si cu zeizong vialte ah hin pakhatnak a si zungzal nakhnga caah a si.

ROM 1:4

thlarau lei in le a thiannak kong in ti ahcun, ṭhawnnak nganpi in thihnak in thawhter a sinak nih khan Pathian Fapa a si kha a langhter.

LUKA 2:25

Jerusalem khua ah khan mipa pakhat, a min Simeon a simi a rak um. Amah cu miṭha le Pathian a ṭihmi kha a si i Israel khamhnak ding a rak hngakmi kha a si. Thiang Thlarau nih khan a umpi i

GENESIS 49:18

“Maw Bawipa na khamhnak cu ka hngak ko.

MATTHAI 16:27

Mi Fapa hi ka Pa sunparnak in tuan ah ka vancungmi hna he ka ra lai i mi vialte kha an rian ṭuan ning cio in laksawng ka pek hna lai.

MATTHAI 16:28

Hihi philh hlah u. Mi Fapa cu Siangpahrang bantukin ka rat nan ka hmuh hlan cu a thi lo dingmi hika ah hin nan um,” tiah a ti hna.

LAMKALTU 2:32

Pathian nih hi Jesuh hrimhrim hi mithi hna sin cun a thawhter i hi thil tehte a khangtu cu kanmah hi kan si.