1JOHAN 3:14 - Lai (Hakha) Common Language Bible 2006

¹⁴ Thihnak kha kan kaltak cang i nunnak chungah kan lut cang ti kan hngalhnak cu pakhat le pakhat kan i dawt hna caah hin a si. A unau a daw hna lomi paoh cu thihnak chungah a um ko rih.

Laibaibal Thiang (BSI)

¹⁴ Kan unau kan dawt hna ruangah, thihnâk in kan chuak i nunnâk ah kan lut cang ti kha kan hngalh. A unau a daw lotu cu thihnâk ah a hmun ko rih.

1JOHAN 3:14 Referans Kwoze

1JOHAN 5:2

Pathian fa kan dawt hna ti kan hngalhnak cu hihi a si: Pathian kha dawt i a nawl zulh kha a si.

JOHAN 13:35

Pakhat le pakhat nan zawn nan i ruah ahcun mi vialte nih, hi hna hi amah a zultu kha an si, tiah an in hngalh hna lai,” tiah a ti hna.

1THESALON 4:9

Zumhnak lei i nan unau hna dawtnak kongah caṭial a herh ti lo. Zeicahtiah nanmah hrimhrim kha Pathian nih pakhat le pakhat nan i dawt awk a si tiah an cawnpiak hna i

JOHAN 5:24

“Biatak kan chimh hna: ka bia a thei i a ka thlahtu kha a zummi paoh cu zungzal nunnak a ngei. Amah cu biaceihnak a ing lai lo, sihmanhsehlaw thihnak in nunnak ah a lan cang.

1 PETER 1:22

Biatak nih an fialmi hna nan zulhnak thawngin nanmah cu nan i thianh cang i zumhnak ah nan unau a simi hna cungah khan dawtnak taktak nan ngeih caah, pakhat le pakhat i daw tuah u.

MATTHAI 25:40

Cun Siangpahrang nih cun, ‘Hihi kan chimh hna: Ka unau pakhatkhat cungah, zeitluk hmanh in sifak le nauta si seh law, nan tuahmi thil paoh hi ka cung i nan tuah a si,’ tiah a leh hna lai.

HEBRU 13:1

Khrih chungah unau nan si bantukin pakhat le pakhat i daw zungzal u.

JOHAN 15:12

Kei ka nawlbia cu hihi a si. Keimah nih kan dawt hna bantukte hin pakhat le pakhat i daw u.

1JOHAN 4:12

Ahohmanh nih Pathian an hmu bal lo; sihmanhsehlaw pakhat le pakhat kan i dawt ahcun Pathian cu kan chungah a um i kan chungah a dawtnak cu a tling.

1JOHAN 3:23

Cun nawl a kan pekmi cu: A Fapa Jesuh Khrih min zumh le Khrih nih nawl a kan pek bantukin pakhat le pakhat i dawt hi a si.

1 PETER 3:8

A donghnak ah ka chim duhmi cu, ruahnak khat le lungthin khat in um u, u le nau bantukin i daw u law pakhat le pakhat i zaangfah u law toidor tein um u.

KOLOSE 1:4

Zeicahtiah Khrih Jesuh nan zumhnak le Pathian mi nan dawtnak hna kong kha kan rak theih.

EFESA 1:15

Bawipa Jesuh nan zumhnak le Pathian mi hna nan dawtnak ka rak theih thawkte khan,

1JOHAN 5:13

Pathian Fapa a zummi nih zungzal nunnak kan ngei ti kha nan i hngalh khawhnak hnga hi ca hi kan kuat hna.

JOHAN 15:17

Cucaah nawl kan pekmi hna cu hihi a si: pakhat le pakhat i daw u,” a ti.

1JOHAN 2:3

Pathian kha a nawl kan ngaih ahcun, amah kha kan hngalh tiah fiang tein kan hngalh.

2 PETER 1:7

Pathian ṭihzahnak ah khan unau bantukin i dawtnak i chap u law unau bantukin i dawtnak ah khan zawnruahnak i chap u.

EFESA 2:5

a nawl kan ngaih lo ruang i thlarau lei in kan thih ko lioah khan Khrih sinah cun a kan nunter. Khamh nan sinak cu Pathian vel thawngin a si.

2 KORIN 5:1

Kannih kan umnak thlam, vawlei cung kan pum hi, ṭheh a si tikah, vancung ah khin kan umnak ding caah Pathian nih inn a kan pek lai ti kha kan hngalh — cu inn cu amah Pathian nih a sakmi inn, zungzal hmun dingmi inn cu a si.

SALM 16:3

Bawipa mi, zumhawktlak a simi hna cu, zeitluk in dah an ṭhat! Anmah he um ṭi cu kaa lawmhnak ngan bik a si.

EFESA 2:1

Hlanah cun nawl nan ngaih lo ruang le nan sual ruangah thlarau lei in nan rak thi.

GALATI 5:22

Sihmanhsehlaw Thlarau nih a chuahtermi hna cu: dawtnak, lawmhnak, daihnak, lungsaunak, zaangfahnak, ṭhatnak, zumhawktlakmi sinak,

LUKA 15:32

Sihmanhsehlaw na nau cu a rak thi i pei atu cu a nun ṭhan cu, a rak tlau i pei atu cu hmuh ṭhan a si cu, cucaah kan thlathlauh i kan i lawmh awk a si hrim ko,’ tiah a leh,” tiah a ti.

LUKA 15:24

Zeicahtiah hi ka fapa hi a rak thi, sihmanhsehlaw atu cu a nung ṭhan; a rak tlau, sihmanhsehlaw atu cu ka hmuh ṭhan cang,’ a ti. Cun cuticun puai tuah hram cu an thawk.

PHUNGTHLÛKBIA 21:16

Hngalhthiamnak lam zul loin a pialmi cu thihnak nih a bawh ko.

LUKA 7:5

Kan miphun hi a kan dawt i amah hrimhrim nih pumhnak inn a kan sakpiak,” an ti.