MARKA 8:12 - Laibaibal Thiang (BSI)

¹² Asinain anih cu a thlarau in a hrum ai i “Zeiruangahdah tuchan mi hna nih hmelchunhnâk thil lawng an kawl? Biataktein kan chimh hna, tuchan mi hna sinah hin hmelchunhnâk pêk an si hrimhrim lai lo,” tiah a ti.

Lai (Hakha) Common Language Bible 2006

¹² Jesuh cu fak piin a hrum i, “Zeicahdah tu chan mi nih hin khuaruahharnak tuah nan ka fial? Ka tuah lai lo, cu bantuk hmelchunhnak cu tu chan mi hi kan pe hrimhrim hna lai lo,” tiah a ti.

MARKA 8:12 Referans Kwoze

MARKA 7:34

Van lei a zoh i thaw a lâk hnuah a sinah, “Ephatha” tiah a ti, cucu “Rak i ong cang” tinâk a si.

MATTHAI 16:4

Tuchan misual le ṭangdang a kaimi hna nih hmelchunhnâk lawng nan ngiat. Jonah hmelchunhnâk dah ti lo, hmelchunhnâk dang zeihmanh pêk a si lai lo,” tiah a ti hna. Cun a chuahtâk hna i lo diam a kal.

LUKA 19:41

An phâk lai te ah khuapi cu a hei cuan i a ṭah.

MARKA 9:19

Anih nih, “Maw, ṭhangthar zumhnâk a ngei lomi hna, zeicandah nan sinah ka um lai? Zeicandah kan in khawh hna lai? Ka sinah ratpi tuah u,” tiah a ti.

MARKA 6:6

An zumh lo ruangah a khuaruah a har ngai. Cuticun cawnpiak pah in khuate kha a tlawng.

MARKA 3:5

Thinhung ngaiin a zoh hna, an lung a khawntuk ruang i lung fak ngaingai in, cu pa sinah cun, “Na kut thlir,” tiah a ti. A hun thlir tikah a kut cu khatte lei bantuk in a dam.

MATTHAI 12:38

Cuhnuah nawlbiacawnpiaktu le Farasih hna nih a sinah, “Cawnpiaktu, na sinin hmelchunhnâk hmuh kan duh ko,” tiah an ti.

MARKA 8:13

A kaltâk hna i tilawng ah â cit ṭhân i va ralah a kal.