MARKA 7:9 - Laibaibal Thiang (BSI)

⁹ An sinah, “Nan phung tlaih nan i zuam ruangah Pathian nawlpêk tu nan hlawt.

Lai (Hakha) Common Language Bible 2006

⁹ Cun Jesuh nih cun a thawh ṭhan hna i, “Nanmah cawnpiaknak tu kha fehter i Pathian nawlbia hlawt kha cu nan thiam ngai ko.

MARKA 7:9 Referans Kwoze

GALATI 2:21

Pathian zângfahnâk cu ka hlaw hrimhrim lo; nawlbia ruang i dinnâk a um ahcun, Krih cu pakpalawngin a thi a si hnga.

MARKA 7:13

Cucaah nan i chanhchinmi nan phung ruangah Pathian bia hi sullam ngei loah nan canter tawn. Cubantuk cu tampi nan tuah,” tiah a ti.

MARKA 7:3

Zeitintiah farasih le Judah mi vialte nih upa hna phunglam kha fek tein an i tlaih caah, ṭha tein kut an ṭawl hlanah rawl an ei bal lo.

SALM 119:126

Maw BAWIPA, hihi na caah cawlcangh cân a si, zeitintiah na nawlbia zeihmanhlo ah an canter.

2 THESALON 2:4

amah nih Pathian tiah min an bunhmi le biakmi vialte ralchanh in, an cungah â hlawrh lai, Pathian bangtukin Pathian ṭempal ah ṭhu in Pathian bangin â langhter lai.

ROM 3:31

Asiah, zumhnâk ruangah nawlbia cu zeihmanhlo ah kan canter maw? Canter naisai hlah! Nawlbia kha kan fehter leh lam.

MARKA 7:5

Farasih le nawlbiacawnpiaktu hna nih, “Zeiruangahdah na zultu hna nih upa hna phung buarin kut ṭawl loin rawl an ei?” tiah an hal.

2 KORIN 11:4

Zeitintiah kan in chimhmi hna si loin, Jesuh dang chim ah a rami hna kha nan rak cohlan hna, nan co bal lomi thlarau nan co i na cohlan bal lomi thawngṭha dang zong nan rak co hlan ko mu!

GALATI 1:14

Judah biaknâk ah ka ṭhirual le ka phunhawi hna ka chawhkanh hna i pupa hna phung ka ṭanhnâk ah a hleihluat in â zuammi ka si.