MARKA 4:12 - Laibaibal Thiang (BSI)

¹² An hmuh ko nain a ruahawk an hngalh nâkhnga lo le hna in an theih ko nain a sullam an hngalh nâkhnga lo; culoahcun an i mer lai i an sualnâk ngaihthiam an si sual hnga,” tiah a ti.

Lai (Hakha) Common Language Bible 2006

¹² Cucaah Cathiang nih a chim bantukin, an zoh lengmang ko lai nain zeihmanh an hmu lai lo; an thei lengmang ko lai nain zeihmanh an hngal lai lo, zeicahtiah an hmuh i an hngalh sual ahcun Pathian lei ah an i mer sual lai i an sualnak kha a ngaihthiam sual ai hna hnga,” tiah a ti.

MARKA 4:12 Referans Kwoze

LUKA 8:10

Anih nih, “Nan nih caah cun Pathian pennâk biathli hi hngalhsian a si. Asinain midang sinah cun tahchunhnâk lawng in chim a si, an zoh ko nain an hmuh nâkhnga lo le an theih ko nain an hngalh khawh nâkhnga lo, tiah a ti.

2TIMOTE 2:25

toidornâk he anmah dohtu hna cu fianter hna seh, cuticun biatak an hngalh i an i ngaihchih tiang zongin Pathian nih a sian khawh ko,

HEBRU 6:6

an tluk ṭhân ahcun, ngaihchih dingin tharchuah khawh an si ti lo, zeicatiah Pathian Fapa kha an khenhchih ṭhân i mual an photer ṭhân caah a si.

LAMKALTU 3:19

Cucaah nan sualnâk hlohpiak a si khawh nâkhnga i ngaichih ulaw, Pathian sinah kir u, cuticun Bawipa sinin tharchuahnâk cân a phân kho lai,

MARKA 8:18

Mit nan ngei ko nain nan hmu kho lo maw? Hna nan ngei ko nain nan thei lo maw? Zeihmanh nan i cinken kho hrim lo maw?