KOLOSE 3:3 - Laibaibal Thiang (BSI)

³ Zeitintiah nan thi cang i nan nunnâk cu Krih he Pathian ah thuh a si.

Lai (Hakha) Common Language Bible 2006

³ Zeicahtiah nan thi cang i nan nunnak cu Khrih he Pathian chungah aa thup.

KOLOSE 3:3 Referans Kwoze

GALATI 2:20

Krih sinah khenhchih in ka um nain ka nung; keimahtu ka si ti lo, Krih cu keimah ah a nung cang, atu thisa i ka nun hi, Pathian Fapa, aka daw i ka ai ah â pemi zumhnâk ah ka nung.

ROM 6:2

Sualpeng naisai hlah! Kannih sual i a thi cangmi hi zeitindah sualin kan nun khawh lai?

KOLOSE 2:20

Cucaah vawlei cawnpiaknâk hrampi cu Krih sinah nan thihtâk hnu ah, zeiruangahdah vawilei mi bangin nan nun ṭhân i vawilei sining tangah um ṭhân in-

JOHAN 5:24

“Biataktein biataktein, kan chim hna, ka bia a thei i aka thlahtu a zummi pauh cu zungzal nunnâk a ngei cang, biaceihnâk ah a phân lai lo, thihnâk in a chuak cang i nunnâk ah a lan cang.

ROM 8:2

Zeitintiah Krih Jesuh nunnâk Thlarau nawlbia nih sual le thihnâk nawlbia chungin a ka chuahter cang.

ROM 5:10

Zeitintiah ral kan si lio hmanhah a Fapa thihnâk thawngin Pathian he kan i remṭhân ahcun, atu kan i remṭhân hnu ah a nunnâk ruangah khamh kan si chin chin lai.

2 KORIN 5:14

Zeitintiah Krih dawtnâk nih hranhrâm lo in aka fial, hi ti hin kan ruah: Mi vialte aiawh in Mi pakhat a thih ahcun, mi vialte kha an thi.

JOHAN 5:21

Zeitintiah Pa nih mithi kha a thawhter i a nunter bantukin, Fapa zong nih a duhmi pauh a nunter tawn.

JOHAN 3:16

Zeitintiah Pathian nih vawlei hi a dawt tuk hringhran i a Fapa ngeihchun kha a pêk, Amah a zummi pauh cu lotlau loin zungzal nunnâk an ngei lai.

JOHAN 14:19

“A rauh hlan ah vawlei nih anka hmu ti lai lo, asinain nannih nih cun nan ka hmuh lai, ka nun ruangah nan nih zong nan nung ve lai.

1 PETER 3:4

lungthin chung muru ah minung nun â phummi, ruahnâk tluangtlam le nunnemnâk kha, thilthuam ṭha le rawkkho lo cu a si, cucu Pathian hmuhnâk ah a sunglawimi cu a si.

MATTHAI 11:25

Cu cân ah Jesuh nih, “Maw, ka Pa, lei le van Bawipa, Nangmah nih mifim le mithiam hna lakah hi bia hi na thuh i ngakchia sem sin tu ah na phuan caah lawmhnâk bia kan chimh.

KOLOSE 3:4

Kan nunnâk Krih a langh tikah nannih zong Amah sinah sunglawi ngaiin nanlang ve lai.

HEBRU 7:25

Cucaah Amah lan in Pathian sinah a rami hna cu a dongh tiangin a khamh khawh hna, zeicatiah an ca i nawlpiak dingin zungzal i a nun peng caah.

KOLOSE 2:3

Amah ah fimnâk le hngalhnâk ro vialte kha thuh a si.

JOHAN 5:40

Asinain nunnâk ngei dingin ka sin rat nan duh lo.

JOHAN 4:14

asinain an sin i ka pêkmi ti a dingmi pauh cu an ti a hal ti lai lo. An sin i ka pêkmi ti cu anmah ah ti hna a um lai i zungzal nunnâk tiangin a luanglan lai,” tiah a ti.

BIAPHUAN 2:17

Thlarau nih kawhhran hna sin i a chimmi hi hna a ngeimi nih thei ko seh. A teitu hna cu thuhmi mana cheukhat ei awk ka pêk hna lai. Cun min thar â ṭialnâk lungvar, a cotu dah tilo ahohmanh nih an hngalh lomi kha ka pêk lai,” tiah a ti.

1JOHAN 3:2

Ka dawt le hna atu ah Pathian fa le kan si i zeidah kan si telai ti tu cu langhter a si rih lo, asinain Amah a langh tikah, Amah bang kan si lai ti kha kan hngalh, zeitintiah Amah cu a sining tein kan hmuh lai.

FILIPI 4:7

cun Pathian daihnâk, theihthiamnâk vialte a lonhtu nih khan nan lungthin le nan ruahnâk kha Krih Jesuh ah a kilven lai.

1 KORIN 15:45

Cun hiti hin ṭial a si, “Minung hmasa bik Adam cu a nungmi a si,” Adam hmadung deuh cu nunnâk petu thlarau a rak si.

1 KORIN 2:14

Vawlei mi nih cun Pathian Thlarau thil kha an cohlang duh lo, zeitintiah a nih caah cun hruhbia an si, thlarau leiin hngalh fian a si caah an hngal kho hrimhrim lo.

ROM 5:21

cuticun sualnâk nih thihnâk in a uk bangin, zângfahnâk nih dinnâk in kan Bawipa Jesuh Krih thawngin zungzal nunnâk tiangin a uk khawh.

KOLOSE 1:5

Zeicatiah vanah nan ca i chiahmi ruahchannâk ruangah a si, cucu thawngṭha biatak kong nan rak theih cangmi kha a si,

2 KORIN 5:7

Zeitintiah hmuh khawhmi si loin, zumhnâk in kan kal.

ROM 6:11

Cubangin nannih zong sualah a thi cangmi ah i ruat u law, kan Bawipa Jesuh thawngin Pathian ah a nungmi ah i ruat u.

EFESA 3:9

Jesuh Krih thawngin zeizong vialte sertu Pathian nih zungzal in a rak thuhmi i hawikawmhnâk biathli cu mi vialte sinah phuang dingin hi zângfahnâk hi pêk ka si.

1 PETER 4:2

cubantuk mi hna cu an nun chung vialte taksa duhnâk in an nung ti lo i Pathian duhning in an nung cang.