JOHAN 4:15 - Laibaibal Thiang (BSI)

¹⁵ Minu nih, “Kapu, ka ti a hal ti nâkhnga lo le, tithan awkah hi ka i ka rat ti nâkhnga lo, cu ti cu ka pe,” tiah a ti.

Lai (Hakha) Common Language Bible 2006

¹⁵ Minu nih cun, “Bawipa, cu ti cu ka pe law ti hal in um ti hlah ning, hika zongah hin ti than ah ra ti hlah ning,” tiah a ti.

JOHAN 4:15 Referans Kwoze

JOHAN 6:34

Annih nih, “Cu changreu cu kan pe zungzal ko,” tiah an ti.

ROM 8:5

Zeitintiah thisa duhnâk i a nungmi hna nih thisa duhnâk lawng an ruah i Thlarau duhnâk i a nungmi nih Thlarau duhnâk kha an ruah tawn.

ROM 6:23

Zeitintiah sualman cu thihnâk a si, asinain Pathian thilpêk cu kan Bawipa Jesuh Krih thawngin zungzal nunnâk a si.

JOHAN 6:26

Jesuh nih, “Biataktein, biataktein kan chimh hna, hmelchunhnâk nan hmuh ruangah, nanka kawlmi a si lo, changreu khim tein nan ei ruangah a si.

SALM 4:6

“Ahodah ṭhatnâk a kan hmuhsak lai?” titu tampi an um. BAWPA kan cungah nahmai ceu langhter hrâm ko.

1JOHAN 5:20

Pathian Fapa cu a ra i a dikmi Amah kha kan hngalh khawhnâk dingah hngalhthiamnâk a kan pêk cang ti kha kan hngalh. Kannih cu a Fapa Jesuh Krih a dikmi Amah ah khan kan um. Hihi Pathian dik le zungzal nunnâk a si.

JEIM 4:3

Nan hal, nan hmu lo, zeicatiah a hal nan i palh, nanmah nomhhnaihnâk lawng ah hman nan duh.

1 KORIN 2:14

Vawlei mi nih cun Pathian Thlarau thil kha an cohlang duh lo, zeitintiah a nih caah cun hruhbia an si, thlarau leiin hngalh fian a si caah an hngal kho hrimhrim lo.

JOHAN 4:16

Jesuh nih, “Nava va au law, hika ah ra ṭhân,” tiah a ti.

JOHAN 6:35

Jesuh nih, “Keimah hi nunnâk changreu cu ka si. Ka sin i a rami pauh cu a rawl a ṭâm ti lai lo. A ka zummi pauh cu a ti a hâl ti lai lo.