JOHAN 17:21 - Laibaibal Thiang (BSI)

²¹ an dihlak in pumkhat an si khawh nâkhnga. Ka Pa, Nang keimah ah, kei Nangmah ah ka um bantukin an dih lak in Kanmah ah pumkhat i an um khawh nâkhnga, cun vawlei nih Nangmah nih naka thlah ti a zumh khawh nâkhnga.

Lai (Hakha) Common Language Bible 2006

²¹ An dihlak in pakhat an si nakhnga thla ka cam. Ka Pa, keimah cu nangmah chungah ka um i nangmah cu keimah chungah na um bantuk hin annih zong kan chungah um ve hna seh.

JOHAN 17:21 Referans Kwoze

1 KORIN 12:12

Zeitintiah taksa pumkhat ah nge tampi a um, a nge cu tampi asinain, taksa cu pakhat a si, cubangin Krih zong hi a si.

JOHAN 17:11

Atu cu vawlei ah ka um ti lai lo, annih cu vawlei i ummi an si. Na sinah kara lai. A thiangmi ka Pa, naka pêkmi hna hi na min in kilveng ko hna, kannih pumkhat kan si bantukin pumkhat an si khawh nâkhnga.

FILIPI 1:27

Zeiasihmanhah, nan nunning le Krih thawngṭha cu i rem ko seh, cuticun nan sin i ka rat i kan hmuh hna ah siseh, nan sin i ka um lo ah siseh, thlarau pakhat i nan umnâk kong le ruahnâk pakhat i thawngṭha bia ah ṭhahnem nan ngaihning kha kan theih khawh lai,

JOHAN 13:35

Pakhat le pakhat nan i dawt ahcun, mi vialte nih aka zultu nan si kha an hngalh lai,” tiah a ti.

LAMKALTU 4:32

Zumtu hna cu lungthin hmunkhat le thlarau hmunkhat in an um, an lakah pakhat hmanh nih an ngeihmi ka ta ti loin thil vialte an i hrawm.

JOHAN 17:8

Zeitintiah naka pêkmi bia kha an sinah ka pêk cang; cucu an i nunpi i na sinin a chuakmi ka si hi fiang tein an hngalh cang, Nangnih naka thlah ti zong an zumh cang.

JOHAN 10:38

Sihmanhsehlaw ṭuntu ka si ahcun, keimah nanka zumh lo hmanh ah, ṭuanmi tal hi zum u. Pa keimah ah a um, ti le, kei zong Pa ah ka um ti nan hngalh khawh nâkhnga” tiah a leh hna.

JOHAN 10:30

Kei le ka Pa cu pumkhat kan si.

GALATI 3:28

Cuka ah Judah siseh, Grik siseh um khawh a si lo. Cuka ah sal siseh, miluat siseh um khawh a si lo, pa le nu zong an um kho hlei lo. Krih Jesuh ah nan dik lakin pumkhat nan si.

1 KORIN 1:10

Ule nau hna, kan Bawipa Jesuh Krih min in kan nawl hna, nan lakah i ṭhennâk um lo in, nan chimmi i khat sehlaw, ruahnâk le biakhiahnâk ah lungnge te le tlamtling te in hmunkhat ah nan i pehtlaih khawh nâkhnga.

ROM 12:5

cubangin kannih zong, tampi kan sikonain, Krih ah taksa pumkhat kan si, pakhat cio in a nge kan si dih.

1JOHAN 5:7

Vanah hngalhpitu pathum an um, Pa, Bia, le Thiang Thlarau an si; hi pathum hna hi pumkhat an si.

LAMKALTU 2:46

Cuticun nichiarte lungrual tein ṭempal ah an um tawn i innkhat hnu innkhat ah changreu cheu in lungthin tluangtlam le lawmhnâk he rawl an eiṭi tawn.

JOHAN 17:25

Maw, a dingmi ka Pa, vawlei nih an hngal lo i keinih cun kan hngalh, hi hna zong nih naka thlah tihi an hngalh ve cang.

JOHAN 10:16

Cun hi tuukawm chung ta a si lomi, tuu dang zong ka ngei, annih zong ka ratpi hna lai, ka aw zong an theih lai i tuukhal pakhat le bukhat in an um lai.

JOHAN 17:3

Hihi zungzal nunnâk a si, nang Pathian taktak hngalh le, na thlahmi Jesuh Krih hngalh hi.

JOHAN 5:23

Mi vialte nih Pa an upat lai i Fapa zong an upat nâkhnga. Fapa a upat lomi pauh cu a thlahtu Pa upat lo a si.

JOHAN 3:17

Zeitintiah vawlei sualphawt awkah Pathian nih a Fapa vawleiah a thlah lo, vawlei hi Amah thawngin khamh a si khawh nâkhnga a thlahmi a si.

JOHAN 17:18

Vawlei ah naka thlah bantukin annih zong vawlei ah ka thlah hna.

JOHAN 11:42

Ka bia na ngaih zungzal ti ka theih ca zongah kâ lawm. Hika i a dirmi mizapi hna ruangah cucu ka chim, Naka thlah tiah an zumh khawh nâkhnga,” tiah a ti.

JOHAN 17:20

Anca lawng ah thla ka cam lo, an bia ruang i aka zum hngami hna ca zongah ka cam,

1 KORIN 6:17

Asinain Bawipa a pehtu cu amah he thlarau ah pumkhat an si.

1JOHAN 1:3

cu kan hmuh le kan theihmi cu nan sinah kan phuan, cucu nanmah he hawikomhnâk kan ngeihkhawh nâkhnga caah a si. Kanmah nan kan hawikomhnâk hi Pa le a Fapa Jesuh Krih he i hawikomhnâk a si.

MARKA 3:24

Bawi pennâk zong amah le amah â doh ahcun zeitindah a pennâk a hmunh khawh lai?

JOHAN 13:32

Amah in Pathian kha thangṭhat in a um ahcun, Pathian zong nih Amah hrimhrim in a thangṭhat lai, cun chikkhat te ah a thangṭhat lai.