HEBRU 9:26 - Laibaibal Thiang (BSI)

²⁶ Cutin sihlahsehlaw, vawlei ser hramthawk khan voitampi a rak temtuar cang hnga. Asinain hi cân dongh ah hin, sualnâk hlawnh dingin a ra i Amah hrimhrim kha sual raithawinâk ah â pe.

Lai (Hakha) Common Language Bible 2006

²⁶ cu ti tuah a herh a si ahcun, vawlei ser hramthawk in voi tam tuk a in cang hnga. Amah le amah raithawinak i aa hmannak thawngin sualnak kha a hloh khawh nakhnga chan vialte nih donghnak an phak dengmang caan ah hin voi khat ah za lak in a hung lang.

HEBRU 9:26 Referans Kwoze

1 PETER 1:20

Amah cu vawlei serhlan in khaukhih a si cang, asinain hi ni hmadung bik ah hin nanmah caah langhter a si.

HEBRU 9:12

meheh le caw thisen he si loin, Amah Thisen theng kha â put i zungzal tlanhnâk kha hmu in voikhat ah zungzal ca zalak in Hmun Thiang Bik ah a rak lut.

MATTHAI 25:34

“Cuticun Siangpahrang nih a orh leimi hna sinah, ‘Ka Pa, thluachuahmi hna, ra u law, vawlei ser lio i nan ca i timhmi pennâk cu co u:

1 PETER 3:18

Zeitintiah Krih cu kan sualnâk ruangah voikhat a thi, cuticun miding nih miding lo caah a tuar, cucu Pathian sinah a kan hruai khawhnâk ding a rak si, taksa in thihter a sinain Thlarau in nunter a si,

HEBRU 1:2

hi ni hmadung ah a Fapa in kan sinah bia a chim cang, Amah cu thil vialte rocotu ah a ruah i Amah hmangin vawlei hi ser a si.

HEBRU 10:4

Zeitintiah cawpa le meheh thisen nih sualnâk a lohter kho lo.

HEBRU 7:27

Amah nih cu tlângbawi nganbik hna bantukin ni chiarte, Amah sualnâk caah raithawinâk pêk tain, cuhnu ah mizapi sualnâk ca i raithawinâk pêk ta kha a herh ve lo, zeicatiah Amah le Amah â pêk ah khan a lîm dih cang.

1JOHAN 3:5

Amah cu kan sualnâk latu dingah langhter a si cang ti kha nan hngalh, Amah ah sual a um lo.

HEBRU 10:12

Asinain Anih nih cun zungzal caah sual thawinâk voikhat lawng a tuah hnu ah Pathian orhlei kam ah a ṭhu;

HEBRU 10:10

Cu duhnâk in Jesuh Krih taksa voikhat ah zungzal ca pêkchanhnâk thawngin thianter kan si cang.

HEBRU 9:14

Krih thisen, zungzal Thlarau thawngin Pathian sinah dotla in pekchanh mi nih, Pathian nung rianṭuan dingin, an chiaṭha hngalhnâk kha a thimi tuahsernâk chungin zeitlukindah a thianter chin chin lai!

1 PETER 2:24

Sualnâk leiah kan thih i dinnâk lei ah kan nun khawh nâkhnga, a taksa hrimhrim in thing cungah kan sualnâk kha a phorh i an tuknâk hma in nan dam cang.

BIAPHUAN 17:8

Na hmuhmi sahrang a rak um cang i a um ti lomi kha, taw a ngeilo khor in a rak chuak i lohtlaunâk i a kal hngami a si. Cun vawlei i a ummi vawlei serka in Nunnâk Cauk ah min ṭial lomi hna nih sahrang a rak um cang i a um ti lomi kha an hmuh tikah mak an ti lai.

HEBRU 4:3

Zeitintiah vawlei ser ka in rian kha lîm dih asinain thin hungin chiat kâ rak serh cang bang khan, ka dinhnâk ah an lut lai lo, tiah a rak chim cang. Cuticun kannih zumtu hna hi cu dinhnâk ah cun kan lut cang.

TITAS 2:14

Amah nih nawlbuarnâk vialte chungin a kan tlanh khawh nâkhnga, Amah caah thiantermi, a hlei khun in Amah mi si in, rianṭha ṭuan i â zuammi kan si khawh nâkhnga Amah hrimhrim kha kan caah â pe.

EFESA 5:2

Krih nih a kan dawt i Pathian sinah raithawinâk le rimhmui pekchanhmi ah kan ca i â pêk bangin dawt nâkin nung u.

EFESA 1:10

A remruatmi cân a tlin tikah, Amah ah zeizong vialte, vanah a ummi le vuleiah a ummi he Krih ah a pumh dih khawh nâkhnga.

1 KORIN 10:11

Cuthil hna cu i zohchunh awkah an cungah a tlungmi a si i cân hmadung phâk lainâk i a kan chimhringtu dingah an ṭialmi a si.

BIAPHUAN 13:8

Vulei cung i a ummi vialte, vawlei serka i thahmi Tuufa Nunnâk Cauk i minṭial lomi vialte nih amah cu an biak lai.

HEBRU 10:26

Zeitintiah biatak hngalhnâk kan co hnu i hrâmhrâm i kan sual lengmang ko ahcun sualnâk caah raithawinâk a um ti lai lo,

GALATI 4:1

Hitihin ka chim, ro cotu cu zeizong vialte cungah hotu sihmanhsehlaw, ngakchia a si chung pauh cu sal he an i thleidang lo,

JOHAN 17:24

Kapa, naka pêkmi hna hi ka umnâk i ka sinah umter ka duh hna, naka pêkmi sunparnâk kha an hmuh khawh nâkhnga. Vawlei umhlan hmanh in Nangmah nih naka dawt cang.

JOHAN 1:29

A thaizingah Johan nih Jesuh asin i a rat kha a hmuh i, “Zohhmanh u! Pathian Tuufa, vawlei sualnâk a kalpitu khi!

SALM 103:12

Nichuah le nitlak â hlat bangin, kan nawlbuarnâk kha kan sinin hlapi ah a kan chiahpiak tawn.

MATTHAI 13:39

Ralchanhtu, cideu a vorhtu cu khuachia a si, Rawlṭuan cu vawlei donghnâk ding kha a si; rawl ṭuntu cu vancungmi an si.

MATTHAI 13:40

Cucaah a deu kha an khawmh hna i mei ah an paih bantukin vawlei donghnâk ah cun a um te lai.

1 PETER 4:7

Thil vialte donghnâk a nai cang caah, thla nan cam khawh nâkhnga i bia takin i ralring u.

1JOHAN 3:8

Sualnâk tuahtu cu khuachia ta a si, zeitintiah a hramthawk in khuachia nih sualnâk a rak tuah cang. Pathian Fapa a langhchan cu khuachia rianṭuannâk a hrawh nâkhnga caah a si.