HEBRU 9:15 - Laibaibal Thiang (BSI)

¹⁵ Hiruangah hin Amah cu biakam thar lamkaltu a si i biakam hmasa tang i nawlbuarnâk kha tlanh dingin a rak thi, cucaah kawhmi hna nih zungzal roconâk biakam cu an co khawh lai.

Lai (Hakha) Common Language Bible 2006

¹⁵ Pathian kawhmi hna nih Pathian kamhmi zungzal thluachuahnak kha an hmuh khawh nakhnga, biakamnak thar cu Khrih nih khan a ser. Sihmanhsehlaw cu biakamnak cu thihnak a um hnu lawngah a si kho i cu thihnak nih aa tinhmi cu biakamnak hmasa tang i a rak ummi hna nih cu biakamnak tang i an um lio i an rak tuahmi palhnak chung khan luatter kha a si.

HEBRU 9:15 Referans Kwoze

ROM 8:30

Cu hlei ah a khaukhihmi hna cu a kawh hna i a kawhmi hna cu thiam a coter hna, thiam a cotermi hna cu a thangṭhat hna.

ROM 8:28

Cun Pathian a dawtu amah nih a duhning i a kawhmi hna caah zeizong vialte hi a ṭha leiah a tuahpiak hna, ti kha kan hngalh.

HEBRU 9:12

meheh le caw thisen he si loin, Amah Thisen theng kha â put i zungzal tlanhnâk kha hmu in voikhat ah zungzal ca zalak in Hmun Thiang Bik ah a rak lut.

HEBRU 10:36

Zeitintiah Pathian duhnâk nan tuah hnu i a kamhmi nan co khawh nâkhnga inkhawhnâk nan herh.

1TIMOTE 2:5

Zeitintiah Pathian pakhat lawng a um i Pathian le minung karlak ah lamkaltu pakhat lawnglawng a um,

HEBRU 12:24

Jesuh biakam thar lamkaltu, thisen theh, Abel thisen nâk in bia ṭha deuh chimtu hna sinah a phânmi nan si.

HEBRU 7:22

cutluk tam in Jesuh cu a ṭha chin chinmi biakamnâk fehtertu a rak si.

1 PETER 3:18

Zeitintiah Krih cu kan sualnâk ruangah voikhat a thi, cuticun miding nih miding lo caah a tuar, cucu Pathian sinah a kan hruai khawhnâk ding a rak si, taksa in thihter a sinain Thlarau in nunter a si,

HEBRU 13:20

A liannganmi Tuukhal, kan Bawipa Jesuh thihnâk in thawhtertu, daihnâk Pathian nih a thisen i zungzal biakam thawngin,

ROM 5:6

Zeitintiah ṭhawnnâk ngei loin kan um ko lioah, cu cân theng te ah Krih cu Pathian-zeirellotu kan caah a thi.

HEBRU 9:28

cubantukin Krih zong mi tampi sualnâk phor dingin voikhat pêkchanh in a rak um cang. Hngahhlang ngaiin Amah hngaktu hna caah, sual tel loin, khamhnâk caah a voi hnihnâk ah a ra ṭhân lai.

HEBRU 6:13

Zeitintiah Pathian nih Abraham sinah bia a rak kamh lio ah khan, Amah nâk ngan deuhmi chalh in chiat a serh khawh lo caah, Amah le Amah chalh in,

HEBRU 3:1

Cucaah, a thiangmi unau, vanlei kawhnâk a comi hna, kan zumhnâk i lamkaltu le Tlângbawi Nganbik Krih Jesuh kha ruat tuah u.

HEBRU 2:14

Zeicatiah ngakchia hna hi taksa le thisen cotu an si caah Amah zong nih an sining kha â hrawm ve, cucu thih ṭhawnnâk ngeitu Satan kha a thihnâk thawngin a hrawh khawh nâkhnga le,

BIAPHUAN 5:9

Hlathar an sa i, “Nangmah cu cazual kha la in, a chinchiahnâk kha phoihawk ah nâ tlak. Zeitintiah thah in na um cang i phunkip, holhkip, mikip le hrin kip chungin Pathian caah na thisen in na tlanh cang hna.

HEBRU 8:13

“Biakam thar,” tiah a chim caah, a hmasa kha a hmang ti lo. Atu i hman ti lomi le a hlun tuk cangmi cu lohtlau â thawk cang.

TITAS 3:7

cuticun zungzal nunnâk ruahchannâk ningin rocotu kan si khawh nâkhnga a zângfahnâk i thiamcoter kan si.

TITAS 1:2

Cân hramthawk hlan in a rak kamh cangmi zungzal nunnâk ruahchannâk kha lih a chim kho lomi Pathian nih a cân hmân teah,

2TIMOTE 2:10

Cucaah Krih Jesuh khamhnâk cu zungzal i lianngannâk he an hmuh ve nâkhnga thimmi hna ruangah thil vialte ka tuar tawn.

JOHAN 10:28

An sinah zungzal nunnâk ka pêk i an tlau hrimhrim lai lo. Ka kut chungin ahohmanh nih an ka chut kho lai lo.

MATTHAI 19:29

Ka min ruangah inn, unau, farnu, nu le pa, fale hna le loram a kaltâkmi cu a letza in an hmu ṭhân lai i zungzal nunnâk zong an ngei lai.

1JOHAN 2:25

Hi bia hi Amah hrimhrim nih a kan kamhmi kha a si, zungzal nunnâk hi.

1 PETER 5:10

Zângfahnâk vialte Pathian, zungzal a sunparnâk co dingin an kotu hna Krih Jesuh nih, cân tawite nan tuar hnu ah, tlam tlinter le fehter in, ṭhawnter le fek tein in dirter ko hna seh.

JEIM 1:12

Tukforhnâk lungsau in a tuartu cu mi vanṭha a si, zeitintiah hngalhpiak a si tikah nunnâk luchin, Bawipa nih Amah dawtu hna ca i a timhpiakmi kha a co lai.

HEBRU 11:13

Cuhna cu an dihlak in zumhnâk ngei in an thi i biakammi thil tu cu an co manh lo, asinain lamhla pi in an rak hmuh chung cang, lungdai tein an rak i lawmhpi i vawlei ah hin khual le ramdangmi bantuk an si kha an rak hngalhter cang.

2 THESALON 2:14

Cu thil caah Bawipa Jesuh Krih lianngannâk cove dingin kan thawngṭha bia hmangin Amah nih an kawh hna.

ROM 6:23

Zeitintiah sualman cu thihnâk a si, asinain Pathian thilpêk cu kan Bawipa Jesuh Krih thawngin zungzal nunnâk a si.

HEBRU 9:16

Zeitintiah rovuihnâk câ a um nâkah, a thi cangmi rovuihtu zong a um hrimhrim a herh.

2 KORIN 3:6

Amah lila ah biakam thar rianṭuantu ah a kan tlinter, câ chung bia men i rianṭuantu si loin, Thlarau riantuantu ah a si deuh. Câ chung bia men nih cun mi a thah i Thlarau nih cun a nunter.

ROM 9:24

kannih zong hi a kawhmi kan si, Judah mi lawng si loin Gentel mi zong an si ve lo maw?

ROM 5:10

Zeitintiah ral kan si lio hmanhah a Fapa thihnâk thawngin Pathian he kan i remṭhân ahcun, atu kan i remṭhân hnu ah a nunnâk ruangah khamh kan si chin chin lai.

ROM 5:8

Asinain Pathian nih a dawtnâk cu kan sinah hitihin a langhter. Misual kan si ko rih lioah Krih cu kan caah a thi.

LUKA 18:18

Hotu pakhat nih a sinah, “Cawnpiaktu ṭha, zungzal nunnâk co awkah zeidah ka tuah lai,” tiah a hal.

MARKA 10:17

Lam i a kal lioah, mi pakhat a rak tli i khukbil in a sinah, “Cawnpiaktu ṭha, zungzal nunnâk ngeih awkah zeidah ka tuah lai?” tiah a hal.

MATTHAI 25:36

taklawng ka um ah puan nan ka aihter, ka zawt tikah, nan ka zohkhenh i thong ka tlâkah nan ka veh,’ tiah a ti lai.

MATTHAI 25:34

“Cuticun Siangpahrang nih a orh leimi hna sinah, ‘Ka Pa, thluachuahmi hna, ra u law, vawlei ser lio i nan ca i timhmi pennâk cu co u:

SALM 37:18

BAWIPA nih midik hna ni cân a hngalhpiak i an co hngami ro cu zungzal a nguhmi a si.

EFESA 1:7

A thisen thawngin Amah ah tlanhnâk le a rummi a zângfahnâk bangin sual ngaihthiamnâk kha kan co,

MATTHAI 22:3

ṭhitumhnâk rawl ei awkah a sawmmi hna va au dingin sinum kha a thlah hna; a sinain an ra duh lo.

LUKA 22:20

Cubangin zanriah ei dih ah, hrai zong kha a lâk i, “Hi hrai hi ka thisen i biakam thar, nan ca i a chuak hngami cu a si.

LAMKALTU 20:32

Atu ah hin ule nau hna, Pathian le a zângfahnâk bia ah kan chanh hna, cu nih cun an dirter khawh hna i mithiangmi hna sinah comi ro an ngeihter hna lai.

GALATI 3:20

Lamkaltu hi mi pakhat sinah lamkal an sibal lo. Pathian tu cu pakhat a si.

HEBRU 6:15

Cuticun lungsau ngaiin a ṭuan hnu ah, kamhmi kha a co.

HEBRU 10:34

zeitintiah ka cikcin ruangah nanka zângfah i nan thil an lâk zongah lunglawm tein nan in khawh, vanah a ṭha chinmi chawva zungzal a uhmi nan ngeih kha nan hngalh.