HEBRU 9:14 - Laibaibal Thiang (BSI)

¹⁴ Krih thisen, zungzal Thlarau thawngin Pathian sinah dotla in pekchanh mi nih, Pathian nung rianṭuan dingin, an chiaṭha hngalhnâk kha a thimi tuahsernâk chungin zeitlukindah a thianter chin chin lai!

Lai (Hakha) Common Language Bible 2006

¹⁴ Cu hmanh nih cu bantukin a tuah khawh ahcun, Khrih thisen nih cun, zeitluk in dah a tuah khawh chinchin lai! Zungzal hmunmi Thlarau in a tlingmi raithawinak bantukin Pathian sinah amah le amah cu aa pe. Kannih nih Pathian nung kha kan biak khawh nakhnga santlai lomi rian kan tuah tawnmi kan chiaṭha thleidannak chung i a cammi kha a thi in a kan thianhpiak lai.

HEBRU 9:14 Referans Kwoze

HEBRU 10:22

lung taktak le zumhnâk i hngalhfiannâk ngeiin, kan lungthin i a thûrmi chiaṭha hngalhnâk hna kha thian terin kan taksa zong a thiangmi ti ah i kholh in Amah cu naih u sih.

1 PETER 1:19

asinain sawi le mawhchiat awk um lomi tuufa thisen bantuk a sunglawimi Krih thisen in tlanhmi nan si kha nan hngalh.

1JOHAN 1:7

Asinain Amah cu ceunâk ah a um bantukin, ceunâk ah kan um ahcun, pakhat le pakhat hawikawmhnâk kan ngei i a Fapa Jesuh Krih thisen in kan sualnâk vialte a kan thenh piak tawn.

HEBRU 9:12

meheh le caw thisen he si loin, Amah Thisen theng kha â put i zungzal tlanhnâk kha hmu in voikhat ah zungzal ca zalak in Hmun Thiang Bik ah a rak lut.

1 PETER 2:24

Sualnâk leiah kan thih i dinnâk lei ah kan nun khawh nâkhnga, a taksa hrimhrim in thing cungah kan sualnâk kha a phorh i an tuknâk hma in nan dam cang.

1 PETER 3:18

Zeitintiah Krih cu kan sualnâk ruangah voikhat a thi, cuticun miding nih miding lo caah a tuar, cucu Pathian sinah a kan hruai khawhnâk ding a rak si, taksa in thihter a sinain Thlarau in nunter a si,

HEBRU 7:27

Amah nih cu tlângbawi nganbik hna bantukin ni chiarte, Amah sualnâk caah raithawinâk pêk tain, cuhnu ah mizapi sualnâk ca i raithawinâk pêk ta kha a herh ve lo, zeicatiah Amah le Amah â pêk ah khan a lîm dih cang.

1 PETER 4:2

cubantuk mi hna cu an nun chung vialte taksa duhnâk in an nung ti lo i Pathian duhning in an nung cang.

HEBRU 1:3

Amah hi a sunparnâk ceu cu a si i Mi a sinâk kokek taktak langhtertu a si, a bia ṭhawnnâk nih zeizong vialte hi a tlaih i kan sualnâk kha Amah hrimhrim nih a thianter hnu ah Cungnung bik orhlei kamah a ṭhu.

TITAS 2:14

Amah nih nawlbuarnâk vialte chungin a kan tlanh khawh nâkhnga, Amah caah thiantermi, a hlei khun in Amah mi si in, rianṭha ṭuan i â zuammi kan si khawh nâkhnga Amah hrimhrim kha kan caah â pe.

BIAPHUAN 1:5

Jesuh Krih zumhtlâk biahngaltu, thihnâk in a tho hmasa bik le lei cung siangpahrang hna cungah biaceihtu a simi sinin zângfahnâk le daihnâk um ko seh. A kan dawt i a thisen in kan sualnâk kha a kan ṭawl piak,

HEBRU 6:1

Cucaah, Krih kong zumhnâk hramthawknâk hna kha kal takin tlamtlinnâk leiah hmai nawr u sih, a thimi tuahsernâk, i ngaihchihnâk, Pathian lei zumhnâk,

ROM 6:13

Cun nan taksa ṭengnge hna kha dinlonâk hriamnam caah sual tuahnâk dingah pe siang ti hlah u, thihnâk in a tho ṭhanmi bangin Pathian sinah i pe ulaw, nan pum ṭengnge zong cu dinnâk hriamnam caah Pathian sinah pêk siang deuh u.

1JOHAN 3:5

Amah cu kan sualnâk latu dingah langhter a si cang ti kha nan hngalh, Amah ah sual a um lo.

ROM 6:22

Asinain sualnâk in zalonter nan si hnu i Pathian sal nan si ah hin, thiannâk theitlai chuah khawhnâk nan ngei, a donghnâk i zungzal nunnâk he.

HEBRU 10:2

Cutin sihlahsehlaw, a biatu hna voikhatah thianter an si lai i sual hngalhnâk an ngeih ti lo ahcun pekchanhnâk cu an ngol diam cang lai lo maw?

EFESA 5:2

Krih nih a kan dawt i Pathian sinah raithawinâk le rimhmui pekchanhmi ah kan ca i â pêk bangin dawt nâkin nung u.

EFESA 2:5

nawlbuar ruang i a thimi kan si lio ah, Krih sinah a kan nunter (zângfahnâk in khamh nan si),

2 KORIN 5:21

Zeitintiah Amah ah Pathian dinnâk kan si khawh nâkhnga sualnâk zeihmanh a hngal lomi kha Pathian nih kanmah ruangah sualah a ser.

ROM 11:12

Cubangin an tluknâk hmanh vawlei rumnâk a si i an sunghnâk hmanh Gentel caah rumnâk a si ahcun an tlamtlinnâk nih cun a rumter chinchin hna lai.

LUKA 1:74

`ihlo tein a rian kan ṭuan khawh nâkhnga, kan ral hna chungin khamhnâk ding bia a si.

1 PETER 2:22

Amah cu sualnâk zeihmanh a tuah lo i Akâ ah hlennâk bia an hmu bal lo,

1TIMOTE 1:17

Zungzal Siangpahrang, a thi kho lomi, hmuh khawh lomi, amah lawng a fimmi Pathian sinah zungzal in zungzal tiang upatnâk le sunparnâk um ko seh. Amen.

GALATI 2:19

Zeitintiah Pathian lei i ka nun khawh nâkhnga kei cu nawlbia in nawlbia ah ka thi cang.

2 KORIN 6:16

Pathian ṭempal le milem nih zeidah remnâk an ngeih? Nannih cu Pathian nung ṭempal nan si. Pathian nih hitihin a chim, “An sinah ka um lai i an lakah khua ka sa lai. An Pathian ka si lai i annih cu kami le an si lai.”

ROM 11:24

Zeitintiah nang Olive deu tanmi hmanh Olive kungah peh na si ahcun, cu olive taktak nge hna cu olive kungpi ah peh an si chinchin ko lai.

ROM 1:20

Vawlei ser kain Amah i hmuhkhawh lomi thil kha fiang te i hmuhkhawh in a um i zungzal a ṭhawnnâk le Pathian a sinâk zong sermi thil ah langhter an si, cucaah i silhnalh khawhnâk an ngei lo,

JOHAN 3:34

Zeitintiah Pathian thlahmi nih cun Pathian bia kha a chim tawn, zeitintiah Pathian nih tah ciammam in Thlarau a pe lo.

LUKA 4:18

BAWIPA Thlarau cu ka cungah a um, zeicatiah sifakmi hna sin i Thawngṭha chim dingin chiti a ka thuh; lungkuaimi hna damter awkah aka thlah i saltangmi hna luatter ding le, mitcawmi hna khua hmuhter ding le, lamhchihmi hna luatnâk ding

MATTHAI 20:28

Mi fapa hmanh hi rianṭuanpiakmi si awk ah a rat ṭung lo, rianṭuan ding le mitampi tlanhnâk caah a nunnâk pêk awkah pei a rat cu, tiah a ti.

HEBRU 11:21

Zumhnâk in Jakob nih a thih laiah Josef fale cu thluachuah a pêk hna i a ṭhiangṭhunh zim hngatchan in Pathian a biak.

HEBRU 9:9

Cu thil cu atu cân hmuhsaknâk a si; an thilpêk le raithawinâk hna nih a pechantu hna chiaṭha hngalhnâk zong an ṭuanmi nih a ṭhatter kho lo,

LAMKALTU 14:15

Pu le hna zeiruangahdah hi thil hi tuah nan timh. Minung sawh sawh, nanmah bantuk sining ngeimi kan si. Hibantuk santlailo thil hna hi mertâk u. Kannih nih lei le van, rili le a chung i a ummi thil vialte Sertu Pathian lei ah nan i mer khawh nâkhnga kan in chimh hna.

LAMKALTU 10:38

Nazaret Jesuh, kha bantukin Pathian nih Thiang Thlarau le thiltikhawhnâk in sathau a thuh ning le thilṭha tuah in khual a tlawng i khuachia serhsatmi vialte a damter hnanâk kong kha, zeitintiah a sinah Pathian a um.

HEBRU 9:7

Asinain a changtu ah tlângbawi nganbik kha amah lawngin kumkhat voikhat thisen put in a lut tawn, cucu amah ca le, mizapi nih hngal loin an tuahmi sualnâk ca i raithawinâk kha a pêkchanh tawn.

1TIMOTE 3:15

ka rauh deuh sual zongah Pathian chungkhar hna chungah khuasakning nan hngalh khawh nâkhnga ka ṭialmi a si. Pathian chungkhar hna cu Pathian nung kawhhran, biatak hrambunhnâk le suttung a si.

1THESALON 1:9

Zeitintiah nan sin kan rat lio i nan kan cohlan ning le, milem kaltâk in Pathian leiah nan i mer ning, Pathian nung le a dikmi rian ṭuan dingin nan i pek ning,

LAMKALTU 1:2

Thiang Thlarau thawngin lamkaltu i a thimmi hna sinah nawl a pêk hna hnu ah, van i lâk a si ni tiangin,

LUKA 12:28

Cuticun ramkung, ni hin ah a nung i a thaizingah mei i khangh ding a simi hmanh Pathian nih cutlukin a thuamh ahcun, maw nannih, zumhnâk a tlawmmi hna, zeitlukindah an thuamh chin chin hna lai?

LUKA 12:24

Langak hna hi ruat hna hmanh u, buh an tuh lo i an zûn fawn lo, rawl chiahnâk buk le zêm zong an ngei lo. Asinain Pathian nih a cawm hna. Nannih cu va nâkin nan sunglawi deuh lo maw?

MATTHAI 12:28

Asinain Kei nih Pathian Thlarau thawngin khuachia kha ka ṭhawl ahcun Pathian pennâk nan sinah a phân cang, tinâk a si.

MATTHAI 7:11

Nanmah misual hmanh nih nan fale thilṭha pêk nan hngalh ahcun; van i nan Pa nih cun a haltu sinah thilṭha cu a pe chinchin hnga lo maw?

ROM 1:4

thianhlimnâk Thlarau phungah thihnâk i a thawhṭhannâk nih Pathian Fapa a si zia thiltikhawhnâk in a phuan.

SALM 51:2

Ka sualpalhnâk hna hi thiang tein ka ṭawl piak hna law, ka sualnâk chungin ka thenh ko sawh.

MATTHAI 16:16

Simon Peter nih, “Krih Pathian nung Fapa na si,” tiah a ti.

LAMKALTU 15:9

Kannih le annih thleidang loin zumhnâk in an lungthin a thianter hna.

1 KORIN 15:45

Cun hiti hin ṭial a si, “Minung hmasa bik Adam cu a nungmi a si,” Adam hmadung deuh cu nunnâk petu thlarau a rak si.

HEBRU 3:12

Unau hna, i ralring u, culoahcun Pathian nung kaltâk duhnâk tiangin nanmah lakah mi zeimaw chungah zumhlonâk lungthin sual a um sual lai.

HEBRU 7:16

amah cu thisa phung i nawlpêkmi bantuk si loin, nun dongh ngeilo ṭhawnnâk bantukin a ra.

HEBRU 9:26

Cutin sihlahsehlaw, vawlei ser hramthawk khan voitampi a rak temtuar cang hnga. Asinain hi cân dongh ah hin, sualnâk hlawnh dingin a ra i Amah hrimhrim kha sual raithawinâk ah â pe.

HEBRU 10:10

Cu duhnâk in Jesuh Krih taksa voikhat ah zungzal ca pêkchanhnâk thawngin thianter kan si cang.

HEBRU 10:12

Asinain Anih nih cun zungzal caah sual thawinâk voikhat lawng a tuah hnu ah Pathian orhlei kam ah a ṭhu;

HEBRU 13:12

Cubangin Jesuh zong nih, Amah thisen hrimhrim in mi a thianter khawh nâkhnga, hau lengah ah a rak tuar.