HEBRU 9:11 - Laibaibal Thiang (BSI)

¹¹ Asinain Krih cu a um lai ding mi thilṭha caah Tlângbawi Nganbik bangin a ra, kut i sak a si lomi, hi sermi thil in sakmi zong a si lomi biakthlâm, a ngan deuhmi le tlam a tling deuhmi ah,

Lai (Hakha) Common Language Bible 2006

¹¹ Sihmanhsehlaw a um lai ding a rak simi, hika i a um cangmi thil ṭha hna Tlangbawi Ngan Khrih kha a ra cang. Rian a ṭuannak thlam cu a ngan deuh i a tling deuh; minung sermi a si lo, cu a sullam cu sermi vawlei cung thil i aa telmi a si lo tinak a si.

HEBRU 9:11 Referans Kwoze

2 KORIN 5:1

Zeitintiah hi lei i kan deu hi rawk hmanhsehlaw, Pathian sinin inn, kut i sak lomi, zungzal inn van i a ummi cu kan ngei ti kha kan hngalh.

HEBRU 10:1

Zeitintiah nawlbia cu a um laimi thilṭha hna muithlâm a si i cu thil hna muisam taktak cu a si lo. Cucaah kum fatin a phung bangin an pêk chanhmi raithawinâk nih a pe chantu hmanh tlam a tlinter kho hna lo.

MARKA 14:58

Hipa nih hin, “Hi ṭempal kut in sakmi hi ka ṭheh lai i nithum chungah a dang, kut in sak lomi ka dirh ṭhân lai, a timi kan theih,” tiah an ti.

1JOHAN 5:20

Pathian Fapa cu a ra i a dikmi Amah kha kan hngalh khawhnâk dingah hngalhthiamnâk a kan pêk cang ti kha kan hngalh. Kannih cu a Fapa Jesuh Krih a dikmi Amah ah khan kan um. Hihi Pathian dik le zungzal nunnâk a si.

HEBRU 2:17

Cucaah minung hna caah sualngaihthiamnâk tuahpiak dingin, Pathian lei ah Tlângbawi Nganbik, velngeimi le zumhtlâk a si khawh nâkhnga zeizong kipah a unau hna bang i a run i can kha a ca zongah a herhmi a si.

LAMKALTU 7:48

“Sihmanhsehlaw Cungnungbik cu kut i sakmi ṭempal ah khua a sa bal lo: Profet nih:

2 JOHAN 1:7

Zeitintiah hlengtu tampi, Jesuh Krih cu thisa in a ra tiah a pom lomi hna, vawlei ah hin an chuak cang. Cu hna cu hlengtu le Krih ralchanhtu cu an si.

HEBRU 3:1

Cucaah, a thiangmi unau, vanlei kawhnâk a comi hna, kan zumhnâk i lamkaltu le Tlângbawi Nganbik Krih Jesuh kha ruat tuah u.

JOHAN 4:25

Minu nih, “Mesiah, (Krih an timi cu) ara lai tiah ka hngalh, Amah a rat tikah thil vialte a ka chimh te ko lai,” tiah a ti.

JOHAN 1:14

Bia cu titsa ah â cang i kan sinah khua a sa, a sunparnâk kan hmuh. Pa Fa ngeihchun sunparnâk bantukin, zângfahnâk le biatak in a khat.

SALM 40:7

Cutikah, “Zohhmanh, zualmi Cathiang ah ka kong ṭial a si bangin, keimah ka ra;

HEBRU 7:1

Zeitintiah hi Melkhizedek, Salem siangpahrang, Pathian Cungnung Bik Tlângbawi, siangpahrang hna thattu Abraham a rak kir i a rak dongtu le thluachuah a rak petu,

HEBRU 4:15

Zeitintiah kan derthawmnâk a kan ruahpiak kho lotu Tlângbawi Ngan a ngeitu kan si lo, kanmah bangin a phun kipin tukforhnâk a rak tong nain, a sual lomi ngeitu kan si.

KOLOSE 2:11

Krih cuarpartannâk ah, pumsa sual duhnâk kha i phoih in, kut i cuarpartan si loin Amah ah cuarpartan nan si.

MATTHAI 11:3

A sinah, “A ra dingmi cu na si maw, midang dah kan hngah rih lai? tiah an hal.

MATTHAI 2:6

‘Nang, Bethlehem, Judia ram chungmi, Judia khuapi hna lakah na hmebik naisai lo; zeitintiah na chungin ka mi Israel hna kilvengtu ding Uktu kha a chuak lai,” tiah an ti.

2 KORIN 4:18

Hmuhkhawhmi thil lawng zoh loin, hmuhkhawh lomi khi kan zohmi cu a si. Zeitintiah hmuhkhawhmi hi cânkhat ca lawng a si i hmuhkhawh lomi cu zungzal ca a si.

HEBRU 12:27

Cubangin voikhat cu, timi nih hin, hninhkhawh lomi lawng an hmun lai, hninh cangmi hna cu, sermi thil dang bantukin lo lak i ṭhial an si dih lai, tinâk a si.

HEBRU 13:14

Zeitintiah hika ah hin a hmunmi khua kan ngei lo, a ra laimi khua khi kan kawlmi cu a si.