HEBRU 6:19 - Laibaibal Thiang (BSI)

¹⁹ Hi ruahchannâk hi kan nunnâk caah thir cangai bantukin kan ngei, zumhawk a tlâk i a fekmi a si i puanzar phên i hmunthiang ah khan a lut;

Lai (Hakha) Common Language Bible 2006

¹⁹ Hi ruahchannak hi kan nunnak caah a fekmi le a ṭhawngmi thir cangai bantuk a si. Vancung biakinn puanzar kha lonh in chungchin hmunthiang ah khan kan ruahchannak cu a lut.

HEBRU 6:19 Referans Kwoze

SALM 43:5

Maw ka nunnâk, zeiruangahdah na ngaih a chiat? zeiruangahdah ka chungah hin na buai? Pathian i ruahchan; Amah cu ka thangṭhat lai, aka bawmtu le damtertu ka Pathian a si.

HEBRU 9:7

Asinain a changtu ah tlângbawi nganbik kha amah lawngin kumkhat voikhat thisen put in a lut tawn, cucu amah ca le, mizapi nih hngal loin an tuahmi sualnâk ca i raithawinâk kha a pêkchanh tawn.

HEBRU 9:3

Cun puanzar pahnihnâk phên, biakthlâm ah ‘Hmun thiang Bik’ tiah timi a um,

MATTHAI 27:51

Cuticun zohhmanh, ṭempal puangzar kha a cung leiin a tanglei tiang a tlekdih, li â hnin i lungpi kha an kuai,

KOLOSE 3:1

Krih sinah thawhter nan si ahcun cunglei Pathian orhlei ah a ṭhumi Krih umnâk i a ummi thil hna khi kawl u.

SALM 42:11

Maw ka nunnâk zei ruangah na ngaih a chiat? zeiruangahdah ka chungah hin na buai ko? Pathian i ruahchan; zeitintiah Amah cu ka thangṭhat ko rih lai, aka bawmtu le dam tertu Pathian a si.

2TIMOTE 2:19

Asinain a fekmi Pathian lungphun cu a dirpeng ko, hi hmelchunhnâk hi a ngei: “Bawipa nih Ami le cu a hngalh” ti le, “Bawipa min a hlammi pauh nih sual kaltâk seh ti hi.”

LAMKALTU 27:29

Cuticun tikam lung tamnâk ah choih lai an phân caah tilawng hnulei ah thir cangai an thlak. I ngaih ngai in khua dei lai cu an hngak.

ROM 4:16

Cucaah biakamnâk nih mi vialte a khumh khawh nâkhnga nawlbia ngeitu hna lawng si loin, kan dihlak zumhnâk pa Abraham bantuk i zumhnâk ngeitu zong a khumhchih khawh nâkhnga zumhnâk thawngin zângfahnâk i pêk a si.

LAMKALTU 27:40

Thir cangai hrennâk kha an phoih i Rili ah an chiah ta. Cu tikah tilawng kalternâk hri zong an phoihchih i hmailei puanzar cu thlitu hranh dingin an santer i these umnâk kha an panh.

HEBRU 4:16

Cucaah bomh kan herh cân ah vel le zângfahnâk kan co khawh nâkhnga zângfahnâk ṭhutdanh cu ralṭha in panh u sih.

EFESA 2:6

cun hmunkhat ah an kan thawhter i van hmunah Krih Jesuh he hmunkhat ah a kan ṭhutter,

SALM 42:5

Maw ka nunnâk, zeicahdah na kun ko rih? zeiruangahdah ka chungah na buai? Pathian i ruahchan, zeitintiah a hmaiceu bomhnâk thawngin amah cu ka thangṭhat ko rih lai..

1 KORIN 15:58

Cucaah, ka dawtmi ule nau hna, fek tein, hninh khawh loin um ulaw, Bawipa rian biatak tein ṭuan zungzal ko u, Bawipa ah nan ṭuanman cu pakpalawng a si lailo ti kha hngal ko u.

SALM 39:7

Bawipa, zeidah atu ka hngahmi hi a si? Nangmah hi ka ruahchannâk cu na si.

LAMKALTU 23:6

Paul nih a cheu Sadusih an si i a cheu Farasih an si ti kha a hngalh tikah biaceihnâk ah a au i, “U le nau hna Farasih ka si i Farasih fapa zong ka si. Mithi thawhṭhannâk kong ruahchan ruangah nihin ah chalh in ka um,” tiah a ti.

ROM 4:18

Ruahchan ding a um lo lio zongah, i ruahchan ngaiin a zumh, cucu miphun tampi pa ah a can khawhnâk zong a si. “Khizat khin na tefa hna cu an um te lai tiah” chimh a si bantuk khan.

ROM 5:4

cun inkhawhnâk nih ziaza, ziaza nih ruahchannâk a chuahter.

1 KORIN 13:13

Cun zumhnâk, ruahchannâk, dawtnâk, hi pathum hna hi a hmun lai; asinain hi hna lakah a nganbik cu dawtnâk a si.

KOLOSE 1:27

Gentel mi hna lakah hi a sung lawimi le a rummi biathli hi Pathian nih an sinah langhter a duhmi cu a si, cucu nan chungah a ummi Krih, nan i ruahchanmi sunparnâk kha a si;

1 PETER 1:3

Kan Bawipa Jesuh Krih Pathian le Pa cu thangṭhat in um ko seh, Amah nih a tammi a vêl thawngin thihnâk in Jesuh Krih a thawhṭhânnâk thawngin ruahchannâk nung hmu dingin a kan hrin ṭhân,