HEBRU 13:20 - Laibaibal Thiang (BSI)

²⁰ A liannganmi Tuukhal, kan Bawipa Jesuh thihnâk in thawhtertu, daihnâk Pathian nih a thisen i zungzal biakam thawngin,

Lai (Hakha) Common Language Bible 2006

²⁰ Pathian nih kan Bawipa Jesuh cu thihnak in a thawhter i Jesuh cu a thihnak thawng khan Tuukhal Ngan le zungzal biakamnak a fehtertu a si.

HEBRU 13:20 Referans Kwoze

JOHAN 10:11

Tuukhal ṭha ka si. Tuukhal ṭha nih a tuu caah a nunnâk a pêk tawn.

HEBRU 10:22

lung taktak le zumhnâk i hngalhfiannâk ngeiin, kan lungthin i a thûrmi chiaṭha hngalhnâk hna kha thian terin kan taksa zong a thiangmi ti ah i kholh in Amah cu naih u sih.

SALM 23:1

BAWIPA cu ka tuukhal a si; chambau in ka um lai lo.

ROM 15:33

Daihnâk Pathian nih nan dihlak in umpi ko hna seh. Amen.

2 THESALON 3:16

Daihnâk Bawipa Amah hrimhrim nih a lam kipah daihnâk in pe zungzal ko hna seh. Bawipa cu nan dihlak cungah um ko seh.

JOHAN 10:14

Tuukhal ṭha ka si; ka tuu ka hngalh hna i ka tuu zong nih anka hngalh.

LAMKALTU 2:24

kha Pa kha Pathian nih a thawhter i a fakmi thihnâk in a chuahter, zeicatiah thihnâk nih a tlaihpeng khawh nâkhnga lo a thawhter ṭhân.

1 PETER 2:25

Zeitintiah tuu bangin nan rak tlau, asinain atu cu nan thlarau kilvengtu le zohkhenhtu Tuukhal sinah nan kir cang.

LAMKALTU 3:15

Nunnâk Bawi kha nan thah, asinain Pathian nih Amah cu a thawhter, cucu hngalhpitu kan si.

1 PETER 1:21

Thihnâk in a thawh tertu le sunparnâk petu Pathian cu nan zumh i nan zumhnâk le ruahchannâk cu Pathian ah a um.

1THESALON 1:10

A Fapa, thihnâk in a thawhter i a ra laimi thinhunnâk chungin a kan khamhtu Jesuh vanin a rat lai nâk hngahhlang ngaiin nan cuanhning hna cu anmah hrim hrim nih an chim lênmi a si.

KOLOSE 2:12

Baptisma ah a sinah vui nan si, cuka ṭhiamṭhiam ah thihnâk in Amah thawh tertu Pathian rianṭuan zumhnâk thawngin Amah sinah thawhter nan si.

1 PETER 5:4

cun tuukhal hna Bawibik kha a langh tikah sunparnâk luchin a ziamkho lomi nan hmuh lai.

HEBRU 10:29

Pathian Fapa a lamh chih i amah thiantertu biakam thisen a sawhsawh in a ruat i zângfahnâk Thlarau a cawhdehtu cu zeitluk a fakmi hremnâk dah tuar awktlâk ah nan ruah?

HEBRU 9:20

“Hihi biakam thisen Pathian nih nan zulh awkah a pêkmi hna a si,” tiah a timi kha a si.

1THESALON 5:23

Atu ah daihnâk Pathian nih a dih um nâkin in thianter hna seh, nan thlarau le nan nunnâk le nan pum cu kan Bawipa Jesuh Krih a rat tikah sawiawk um loin himter si ko seh.

FILIPI 4:9

Nan cawnmi, nan pommi, nan theihmi le keimah i nan hmuhmi zong kha, khabantuk kha tuah u, cuticun daihnâk Pathian nih an umpi hna lai.

ROM 8:11

Asinain thihnâk in Jesuh a thawhtertu Thlarau nan chungah a um ahcun, thihnâk in Krih a thawhtertu nih khan, nan chungah a ummi Thlarau thawngin a thi khomi nan pum cu a nunter lai.

LAMKALTU 5:30

Nannih nih Jesuh thingah thlai in nan thahmi kha kan pupa hna Pathian nih a thawhter.

MATTHAI 26:28

Zeitintiah hihi ka thisen i biakam thar, mi tampi sual ngaihthiamnâk ca i a chuak hngami cu a si.

EFESA 1:20

Krih ah khan zeitiset in dah a ṭuan i thihnâk in a thawhter i vancung ah a orhlei tiangah a ṭhutter ning le,

GALATI 1:1

Paul, Lamkaltu (minung hna thlahmi si loin, minung thawng zong si loin, Jesuh Krih le thihnâk in a thawhtertu, Pathian thawngin) le,

2 KORIN 13:11

A donghnâk ah ule nau hna, dam tein. Tlamtling tein um u. Hnangam tein um u, ruahnâk pakhat ngei ulaw, daihnâk he nung u, cun dawtnâk le daihnâk Pathian nih an umpi hna lai.

2 KORIN 4:14

Bawipa Jesuh thawhtertu nih kan nih zong Jesuh sinah thawhter kan si ve lai, nanmah he a kan pumh te lai ti kha kan hngalh.

1 KORIN 15:15

Asi, Pathian nih Krih a thawhter tiah kan hngalhpi caah, Pathian lei ah hngalhpitu deu kan si lai - mithi thawhter an si lo ahcun Krih zong thawhter a si lai lo.

1 KORIN 14:33

Zeitintiah Pathian cu buainâk Pathian a si lo, kawhhran mithiang vialte hna an i pawlkomh bantukin, daihnâk Pathian a si.

1 KORIN 6:14

Pathian nih Bawipa cu a thawhter i kan nih zong a ṭhawnnâk in a kan thawhter te lai.

LAMKALTU 17:31

Dinnâk in vawlei hi bia a ceih lainâk ni kha a khiah cang i biaceihtu ding zong a ruah cang. Cucu mi vialte nih an hngalhfian khawh nâkhnga thihnâk in a thawhter,” tiah a ti.

LAMKALTU 13:30

Asinain Pathian nih thihnâk in a thawhter.

LAMKALTU 2:32

Kha Jesuh kha Pathian nih a thawhter i kan dihlak hi cu kong hngalhpitu kan si.

LUKA 22:20

Cubangin zanriah ei dih ah, hrai zong kha a lâk i, “Hi hrai hi ka thisen i biakam thar, nan ca i a chuak hngami cu a si.

MARKA 14:24

Anih nih, “Hihi ka thisen i biakam thar, mi tampi ca i a chuak hngami cu a si.

ROM 16:20

Cun daihnâk Pathian nih Satan cu nan ke tangah a khuai zau lai. Kan Bawipa Jesuh Krih zângfahnâk cu nan sinah um ko seh. Amen.

ROM 1:4

thianhlimnâk Thlarau phungah thihnâk i a thawhṭhannâk nih Pathian Fapa a si zia thiltikhawhnâk in a phuan.

LAMKALTU 4:10

nan dihlak in thei u, Israel mi vialte zong nih thei seh, Nazaret Jesuh, nan khenhchihmi, Pathian nih thihnâk in a thawhtermi kha, Amah minin hi mipa hi nan hmaiah damin a dirnâk hi a si.

SALM 80:1

Maw Israel hna Tuukhal, tuurun bangin Josef le hna hruaitu, run kan ngai law, nang, cherub hna lak i a um i a ṭhumi run ceu tuah.

ROM 10:7

Ahodah tang leiah a ṭum lai? (cucu thih nâkin Krih kaipi ding tinâk a si) tiin, ruat hlah u.