HEBRU 13:15 - Laibaibal Thiang (BSI)

¹⁵ Cucaah Amah thawngin thangṭhat raithawinâk hi Pathian sinah pechân lengmang u sih, cucu hmurkâ in a min kan ṭanhnâk theipar a si.

Lai (Hakha) Common Language Bible 2006

¹⁵ Cucaah Pathian cu thangṭhat zungzal ko u sih. Cu thangṭhatnak cu Jesuh min kan kaa in kan phuan kha a si i cucu Jesuh thawngin Pathian sinah kan pekchanhmi kan raithawinak a si.

HEBRU 13:15 Referans Kwoze

SALM 50:14

Pathian sinah lawmhnâk biachim thawinâk cu pe law, Cungnung Bik sin i na biakam cu tlinter.

ROM 12:1

Cucaah ule nau hna, Pathian zângfahnâk ruangah hin raithawinâk nung le thiang, Pathian cohlan awktlâk si dingin nan pum cu pe dingin kan nawl hna, cucu ruahawk a tlâkmi nan rian cu a si.

1 PETER 2:5

nannih zong a nungmi lung bangin, Jesuh Krih thawngin, Pathian cohlan awktlâk in thlarau lei raithawinâk kha pe in, a thiangmi tlângbawi, Pathian umnâk ding i sakmi nan si.

SALM 50:23

Mizei pauh lomhnâk biachim raithawinâk a tuahtu nih anka thangṭhat, dik ngai in an nunning a hmangtu sinah Pathian khamhnâk ka hmuh sak lai.”

MATTHAI 11:25

Cu cân ah Jesuh nih, “Maw, ka Pa, lei le van Bawipa, Nangmah nih mifim le mithiam hna lakah hi bia hi na thuh i ngakchia sem sin tu ah na phuan caah lawmhnâk bia kan chimh.

1 PETER 4:11

Jesuh Krih thawngin Pathian cu zeizong vialte ah thangṭhat i a um khawh nâkhnga, mi zei pauh nih phung a chim ahcun Pathian chimning tein chim seh, mizei pauh nih rian a ṭuan ahcun Pathian nih ti khawhnâk a pêk ning tein ṭuan seh, sunparnâk le biaceihnâk cu zungzal in zungzal tiang Amah ta a si. Amen.

EFESA 2:18

Amah thawngin Pa sinah Thlarau pakhat in luhkhawhnâk kan ngei.

SALM 118:19

Dinnâk inkhar cu ka hunpiak law, cuka ah ka lut lai i BAWIPA cu ka thangṭhat lai.

SALM 18:49

Cucaah maw BAWIPA, Gentel mi hna lakah na sinah lomhnâk bia ka chim lai i na min thangṭhat in hla ka sa lai.

HEBRU 7:25

Cucaah Amah lan in Pathian sinah a rami hna cu a dongh tiangin a khamh khawh hna, zeicatiah an ca i nawlpiak dingin zungzal i a nun peng caah.

KOLOSE 1:12

cuticun ceunâk chungah mithiang hna co hngami ro hrawm awktlâk i a kan cantertu Pa sinah lawmhnâk bia kan chim.

ROM 6:19

Nan thisa zângdernâk ruangah minung phungin ka chim lai. Zeitintiah nan pum ṭengnge hna cu thurhnawmhnâk le nawlbuar nâkin nawlbuar chinnâk sal ah nan rak pêk cang bantukin, atu ah cun nanpum ṭengnge hna kha thianhlimnâk phâkpi dingin dinnâk sal ah pe ve cang u.

JOHAN 10:9

Kei cu innkâ ka si. keimah i a lutmi pauh cu khamh in a um lai. A lut in a chuak lai i eiawk a hmuh lai.

JOHAN 14:6

Jesuh nih, “Keimah hi lam le, biatak le, nunnâk ka si. Keimah in dah ti lo cun ahohmanh Pa sin ah an phân bal lo.

LUKA 10:21

Cu cân ah Jesuh cu Thlarau ah â lawm tuk i, “Ka Pa, lei le van Bawipa, na cungah kâ lawm. Nang nih mifim le mithiam hna sinah hi thil hi na thuh i ngakchia sem sintu ah na phuan. Asi, Ka Pa, cubantuk thil cu na mithmuh ah a ṭha.

SALM 119:108

Maw BAWIPA, lungtho tein ka hmurkâ chuak raithawinâk hi ka cohlân piak ko, tiah thla ka cam, na biaceihnâk kha ka cawnpiak.

HEBRU 12:28

Cucaah hninhkhawh lomi ram a cotu kan si caah, zângfahnâk ngei u sih, cuthil ruangah Pathian ṭihzah buin Amah cohlan awktlâk in a rian kan ṭuan khawh lai.