HEBRU 12:2 - Laibaibal Thiang (BSI)

² Jesuh kan zumhnâk hrampi le tlintertu lei khi zoh in tli u sih, Anih nih cun a hmai lei i chiahmi lawmhnâk ruangah ningzahnâk zeirel loin vailamtahnâk kha tuar in Pathian ṭhutdanh orhlei kamah a ṭhu.

Lai (Hakha) Common Language Bible 2006

² Jesuh kha fek tein i zoh chih u sih, amah cungah cun kan zumhnak cu a hramthawk in a dongh tiang a um. Hmailei lunglawmhnak aa ruahchanmi ruangah khan vailam cung i thih ningzahnak cu zeihmanh ah a rel lo i atu cu Pathian bawiṭhutdan orhlei kamah khan a hung ṭhu cang.

HEBRU 12:2 Referans Kwoze

1 PETER 3:18

Zeitintiah Krih cu kan sualnâk ruangah voikhat a thi, cuticun miding nih miding lo caah a tuar, cucu Pathian sinah a kan hruai khawhnâk ding a rak si, taksa in thihter a sinain Thlarau in nunter a si,

HEBRU 1:3

Amah hi a sunparnâk ceu cu a si i Mi a sinâk kokek taktak langhtertu a si, a bia ṭhawnnâk nih zeizong vialte hi a tlaih i kan sualnâk kha Amah hrimhrim nih a thianter hnu ah Cungnung bik orhlei kamah a ṭhu.

EFESA 5:2

Krih nih a kan dawt i Pathian sinah raithawinâk le rimhmui pekchanhmi ah kan ca i â pêk bangin dawt nâkin nung u.

FILIPI 1:6

Nanmah i rianṭha a thawktu nih Jesuh Krih ni tiangin a tlinter ko lai ti kha ka zumh.

HEBRU 9:28

cubantukin Krih zong mi tampi sualnâk phor dingin voikhat pêkchanh in a rak um cang. Hngahhlang ngaiin Amah hngaktu hna caah, sual tel loin, khamhnâk caah a voi hnihnâk ah a ra ṭhân lai.

JOHAN 6:40

Cun hihi aka thlahtu duhning a si, Fapa a hmu i a zummi pauh nih zungzal nunnâk ngeiseh law, cun ni dongh ni ah keimah nih ka thawhter lai,” tiah a ti.

1 PETER 3:22

Amah cu vanah a kai i Pathian orhlei ah um in; van mi hna le, nawlngeihnâk le, ṭhawnâk hna cu Amah tangah chiahdih an si.

LAMKALTU 5:31

Amah kha Pathian nih Bawi le Khamhtu si dingin a orhlei kutah a thangṭhat, cucu Israel mi caah ngaihchihnâk le sual ngaihthiamnâk caah a si.

LUKA 24:26

Krih nih cuthil hna cu tuar in a sunparnâk ah a lut ding a si lo maw? tiah a ti hna.

JUDAS 1:21

Pathian dawtnâk ah i kilveng ulaw, zungzal nunnâk tiangin kan Bawipa Jesuh Krih velngeihnâk kha zoh u.

HEBRU 8:1

Cubangin hihi kan chimmi hna tlângkomhtu cu a si; cubantuk Tlângbawi Ngan bik, van cungah Cungnung bik ṭhutnâk orhlei kam i a ṭhumi,

2TIMOTE 4:8

Ahnubik ah dinnâk luchin cu ka caah chiah a si, cucu biaceihtu fel, Bawipa nih cu Ni ah aka pêk lai, kasin lawngah a si lai lo, Â langhnâk â ngaihmi vialte sin zongah a pêk lai.

FILIPI 3:20

Zeitintiah kannih cu vancung rammi kan si, van in a ra dingmi, khamhtu Jesuh Krih cu hngahhlang ngaiin kan cuan ko.

MARKA 14:36

“Abba, ka Pa, zeizong vialte hi na caah a si kho ko. Hi hrai hi ka sinin la ko, asinain keimah duhnâk si loin, nangmah duhnâk bang siseh,” tiah a ti.

BIAPHUAN 2:8

“Cun Smirna kawhhran vacungmi sinah hitihin ṭial, Hmaisa bik le Hmahnung bik, a thi cang i a nung ṭhânmi nih hi bia hi a chim.

HEBRU 13:13

Cucaah Amah an zomh taihnâk cu phor in, haulenglei ah a sinah kal u sih.

HEBRU 5:9

Tlamtlinter a si hnu ah, a nawl ngaitu vialte caah zungzal khamhnâk hrampi ah a cang.

JOHAN 13:3

Jesuh nih a kutah Pa nih thil vialte a pêk cangnâk le, Pathian sinin a rat bangin Pathian sinah a kir ṭhân lai ti kha a hngalh,

LUKA 17:5

Lamkaltu hna nih Bawipa sinah, “Kan zumhnâk karhter” tiah an ti.

MARKA 9:24

Cu cângkâ apa nih, “Bawipa, ka zumh ko, ka zumh lonâk ah ka bawm ko,” tiah mitthli he a ṭap.

HEBRU 12:3

Zeitintiah nan nunnâk kha thaba le zângder i a um sualnâk hnga lo, cubantuk i misual hna nih an ralchanhnâk le a temtuarnâk hna cu ruat tuah u.

EFESA 2:16

cun i ralnâk kha thah piakin pahnih hna cu vailamtahnâk thawngin Pathian ah taksa pumkhat ah can terin i remṭhânnâk kha a tuah khawh lai.

LAMKALTU 5:41

Cuticun biaceihtu hna sinin an kal i a Min ruangah mualphonâk tuar awktlâk i ruah an si caah an i lawm ngaingai.

JOHAN 12:32

Cun kei hi, vawlei in thlai ka si ahcun mi vialte keimah lei ah ka hnuh hna lai” tiah a ti.

SALM 138:8

BAWIPA nih ka ca i tuah a timhmi cu a tlinter lai. Maw BAWIPA, na vêl cu zungzal in a hmun. Na kutchuak thil hna hi kaltâk hna hlah.

1 PETER 1:11

Krih nih a teminnâk ding le, cuhnu ah sunparnâk ahmuh lai ding hna cu, zeibantuk set dah a si lai i zeitik cân set ahdah a si lai tiah an rak kawl lio ah an chung i Krih Thlarau nih a hlan kan in a rak hngalhter cang hna.

HEBRU 10:14

Zeitintiah voi khat raithawinâk nih thianter lengmangmi hna cu zungzal ca in a tlinter cang hna.

JOHAN 12:24

Biataktein, biataktein kan chimh hna, buhfang vawlei ah a tlak i a thih ta lo ahcun, amah lawngin a um peng, a thih ahcun thei tampi in a tlai tawn.

JOHAN 8:56

Nan pa Abraham cu ka ni hmu ding a si caah â lawm tawn, cun a hmuh taktak i â lawm taktak,” tiah a ti.

JOHAN 1:29

A thaizingah Johan nih Jesuh asin i a rat kha a hmuh i, “Zohhmanh u! Pathian Tuufa, vawlei sualnâk a kalpitu khi!

LUKA 23:11

Cuticun Herod le a ralkap hna nih Jesuh cu zomhtaih ngaiin, nichuak capo saihnâk ah an hman. Angki fual ṭha ngai aihter in Pailat sinah an kuat ṭhân.

MATTHAI 20:28

Mi fapa hmanh hi rianṭuanpiakmi si awk ah a rat ṭung lo, rianṭuan ding le mitampi tlanhnâk caah a nunnâk pêk awkah pei a rat cu, tiah a ti.

MATTHAI 16:21

Cu cân thawkin Jesuh nih Jerusalem khua i an kal lainâk le, tlangbawi upa hna le, nawlbia cawnpiaktu hna sinin thil tampi a temtuar lainâk ding le, thah i a um lainâk le, ni thum ni ah thawhter i a um te lainâk kong lamkaltu kha chimh hram a thawk hna.

BIAPHUAN 1:17

Ka hmuh tikah mithi bangin ake hramah ka tlu. Asinain a orhlei kut kha ka cungah a chiah i “ṭih hlah, keimah cu Hmasa bik le Hmahnung bik ka si,” tiah a ti.

BIAPHUAN 1:11

Cu aw nih “Kei cu Alpha le Omega, Hmaisa bik le Hmahnung bik ka si. Na hmuhmi cu cauk ah ṭial law, Asia ram i a ummi kawhhran pasarih; Efesa, Smirna, Pergamos, Thiatira, Sardis, Filadelfia le Laodisia sinah kuat hna,” tiah a ti.

HEBRU 7:19

zeitintiah nawlbia nih zeihmanh a tlinter kho lo; kap khat leiah, ruahchannâk ṭha deuh phâkter a si i cu nih cun Pathian kha a kan naihter.

HEBRU 1:13

Asinain vanmi ahosin bik ahdah hihi a chim bal? “Na ral hna na ke chiahnâk i ka canter hlan pauh cu ka orhlei ah ṭhu,” tiin.

LAMKALTU 2:36

Cucaah Jesuh nan khenhchihmi kha Pathian nih Bawi le Krih ah a canter ti hi Israel miphun vialte nih hngal ko seh,” tiah a ti.

MARKA 9:12

A leh hna i, “Elijah cu a rat hmasat awk a si, zeizong vialte a remh dih lai. Mi Fapa kongah thil tampi tuarin mi zawmhtaih in a um lai, tiah zeiruangahdah an rak ṭial hnga?

SALM 110:1

BAWIPAnd nih ka Bawipa sinah, “Na ral hna na ke lamhchan i ka ser hna hlan pauh cu, ka orhlei ah ṭhu,” tiah a ti.

BIAPHUAN 1:8

“Kei Alpha le Omega, Hramthawknâk le Donghnâk, a um liomi le a um cangmi le a um laimi Zeizongtuahkho ka si,” tiah Bawipa nih a ti.

HEBRU 11:36

Cheukhat nih mi nisawh le sikvelh an tuar, asi, thongchung ah hrengkhenh in an um.

HEBRU 10:33

cân khat khat cu minung hna conh awkah zomhtaih le harnâk chungah nan um, cân dangah cubantuk i tuahmi hna tuarpinâk ah nan um,

MARKA 16:19

Cubangin Bawipa nih an sinah bia a chim dih in vanah lâk in a um i Pathian orhlei kutah a ṭhu.

LAMKALTU 3:15

Nunnâk Bawi kha nan thah, asinain Pathian nih Amah cu a thawhter, cucu hngalhpitu kan si.

1 KORIN 1:18

Zeitintiah vailamtah biacah hi a tlau lio lengmang mi hna caah hruhbia men a si, asinain khamhlio lengmang mi hna kan nih caah cun Pathian ṭhawnnâk a si.

1 KORIN 1:23

kannih cu Krih khenhchihnâk kong kha kan chim, cucu Judah mi caah tluknâk, Grik mi caah hruh bia,

JEIM 2:1

Ka ule ka nau hna, kan Bawipa Jesuh Krih, Sunparnâk Bawipa cu thleidan ngeihbu i zumh phun a si lo.

MARKA 15:28

Cathiang nih, “Mi sual hna sinah relchih in a um,” a timi kha a tling.