HEBRU 12:14 - Laibaibal Thiang (BSI)

¹⁴ Mi vialte he i remnâk le thiannâk kha dawi u, cu thiannâk loin ahohmanh nih Bawipa an hmu lai lo.

Lai (Hakha) Common Language Bible 2006

¹⁴ Midang he rem i zuam u law nunnak thiang in nun i zuam u, zeicahtiah nunnak thiang ngeih loin ahohmanh nih Pathian cu an hmu kho lai lo.

HEBRU 12:14 Referans Kwoze

2 KORIN 7:1

Cucaah ka dawtmi hna, cubantuk biakam cu kan ngeih caah taksa le thlarau thûrtertu vialte chungin i thianter usih law, Pathian ṭih bu tein thianhlimnâk hi tlinter u sih.

1THESALON 4:7

Zeitintiah Pathian nih thûrhnawm dingin a kan ko lo, thianghlim te i um dingin a kan kawh.

1 PETER 3:11

Sual kaltâk in thil ṭha tuah seh, daihnâk kawl law dawi thluahmah,

ROM 12:18

A si khawh ahcun nanmah lei kam tal in mi vialte he rualrem tein um u.

ROM 14:19

Cucaah daihnâk a sertu thil hna le midang thazâng petu a simi thil kha dawi hna u sih.

PHUNGTHLÛKBIA 16:7

BAWIPA lomhnâk i mi a nun tikah, a ral he hmanh a remter hna.

1THESALON 3:13

cuticun kan Bawipa Jesuh Krih cu a mithiang vialte hna he a rat tikah, kan Pathian le kan Pa hmaiah nan lungthin kha sawi awk umlo le thianghlim tein an fehter khawh hna lai.

ROM 6:22

Asinain sualnâk in zalonter nan si hnu i Pathian sal nan si ah hin, thiannâk theitlai chuah khawhnâk nan ngei, a donghnâk i zungzal nunnâk he.

SALM 34:14

Sual kal takin ṭhatnâk tuah, daihnâk kawl law, cucu dawi.

3 JOHAN 1:11

Dawtmi, thil ṭha lo cu i zoh chunh hlah. A ṭhami lawnglawng rak i zoh chunh. Ṭhatnâk tuahtu cu Pathian ta an si i sualnâk a tuahtu nih Pathian a hmu bal lo.

EFESA 5:5

Zeitintiah nupa sualnâk tuahtu, mithûrhnawm, hakkaumi, hakkauh cu milem biak a si: cubantuk mi hna nih Krih le Pathian Pennâk ah co awk ro zeihmanh an ngei lo ti kha nan hngalh.

HEBRU 12:10

Zeitintiah annih nih cântawi te chung ṭha an ti ningin an kan chimhhrin tawn, Anih nih cun kan ṭhatnâk dingin le a thiannâk kan i hrawm khawh nâkhnga a kan chimhhrin tawn.

1TIMOTE 6:11

Nang Pathian-mi cu thil hna cu zâmtâk, cuticun dinnâk le Pathian duhnâk, zumhnâk le dawtnâk, inkhawhnâk le nunmennâk kha dawi hna.

PHUNGTHLÛKBIA 15:1

Lehnâk nêm nih thinhunnâk a daihter, asinain biahrang nih thinhunnâk a thawhter.

1 PETER 3:13

Cun ṭhatnâk zultu na si ahcun fahnâk an petu ahodah an si lai?

MARKA 9:50

Cite hi a ṭha, asinain cite nih a alnâk a loh ahcun zeinihdah a alter ṭhân lai? Cucaah nanmah ah cite ngei cio ulaw, daihnâk he lengṭi u.

SALM 120:6

Daihnâk a huatu hna sinah sau tuk ka rak um sual ai.

2 PETER 3:11

Cucaah thil vialte a loh dih lai caah, zeibantuk i thiang le Pathian ṭihzah i a um ding dah nan si?

1 KORIN 1:10

Ule nau hna, kan Bawipa Jesuh Krih min in kan nawl hna, nan lakah i ṭhennâk um lo in, nan chimmi i khat sehlaw, ruahnâk le biakhiahnâk ah lungnge te le tlamtling te in hmunkhat ah nan i pehtlaih khawh nâkhnga.

PHUNGTHLÛKBIA 17:14

Sikṭhiatnâk hi tizem chungin ti a zutmi bantuk a si, cucaah buaibuainâk a chuah hlan ah elhnialnâk kha donghter.

LUKA 1:75

Kan nun chung vialte a hmaiah thiang te le ding te i um dingin.

2TIMOTE 2:22

Mino duhnâk kha zâmtâk law lungthin thiangin Bawipa kotu hna sinah felnâk zumhnâk dawtnâk le daihnâk kha dawi hna.

1THESALON 5:15

Ahohmanh nih Ṭhatlonâk kha Ṭhatlonâk in lehrul hlah u, nanmah le mi vialte caah ṭhatnâk kha a dawi in dawi u.

SALM 133:1

Zohhmanh, unau rualrem tein khuasak ṭi hi a ṭha in a va nuam dah.

SALM 94:15

Asinain miding hna caah biaceihnâk a rak kir ṭhân lai i lungthin a dikmi vialte nih an zulh lai.

SALM 38:20

Ṭhatnâk sualnâk in a lehrultu ka ral hna nih, ṭhatnâk ka zulh ruangah anka ralchanh.

2 PETER 3:18

Kan Bawipa le khamhtu Jesuh Krih zângfahnâk le hngalhnâk ah khan ṭhang ko u. Atu le zungzal tiangin Amah sinah sunparnâk um ko seh. Amen.

FILIPI 3:12

Tlâm ka tling cang ka ti lo i co awk ka co dihcang zong ka ti lo. Asinain Krih nih aka tlaihchan hi ka tlai kho ve hnga maw tiin a dawiin ka dawi.

2 KORIN 6:17

Cucaah, an sinin rak chuak ulaw, a dang tein um u, tiah Bawipa nih a ti. A thûrmi tawng hlah ulaw kan lawmh hna lai.

1 KORIN 13:12

Zeitintiah atu ah cun thlalang ah fiang setsai loin kan hmuh, khi cân ah cun hmaitonh tein a si lai. Atu ah cun a cheuchum in ka hngalh, khi tikah cun hngalh ka si bantukin ka hngalh ve lai.

GALATI 3:21

Nawlbia nih Pathian biakam cu a ralchanh maw? Ralchanh naisai hlah. Nuntertu nawlbia hi pêk rak si cang sehlaw, dinnâk zong nawlbia thawngin a um tak tak awk a si.

HEBRU 9:28

cubantukin Krih zong mi tampi sualnâk phor dingin voikhat pêkchanh in a rak um cang. Hngahhlang ngaiin Amah hngaktu hna caah, sual tel loin, khamhnâk caah a voi hnihnâk ah a ra ṭhân lai.