HEBRU 12:10 - Laibaibal Thiang (BSI)

¹⁰ Zeitintiah annih nih cântawi te chung ṭha an ti ningin an kan chimhhrin tawn, Anih nih cun kan ṭhatnâk dingin le a thiannâk kan i hrawm khawh nâkhnga a kan chimhhrin tawn.

Lai (Hakha) Common Language Bible 2006

¹⁰ Minung kan pale nih cun anmah nih ahmaan ti i an hmuhning in an kan chimhhrin i caan tawite ca lawng a si tawn; sihmanhsehlaw Pathian nih a kan chimhhrin cu kanmah ca ṭha dingah le a thiannak kha kan i hrawm khawh ve nakhnga caah a si.

HEBRU 12:10 Referans Kwoze

2 PETER 1:4

cu nih cun a ngan tak takmi le a sunglawimi biakam kan sinah a kan pêk cang, cu thawngin Pathian nunning i hrawm kho ve dingin horduh cuainâk ruang i a rawkmi vawlei hi nan hrial khawh lai.

TITAS 2:14

Amah nih nawlbuarnâk vialte chungin a kan tlanh khawh nâkhnga, Amah caah thiantermi, a hlei khun in Amah mi si in, rianṭha ṭuan i â zuammi kan si khawh nâkhnga Amah hrimhrim kha kan caah â pe.

KOLOSE 1:22

Ahmai ah thiang te le dotla le sawiawk um loin an umter khawh hna nâkhnga a thihnâk thisa le pum ah-

EFESA 4:24

minung thar, dinnâk le thiannâk taktak Pathian duhning i sermi in i thuam u.

SALM 17:15

Kei nih cun, dinnâk he na hmai ka hmuh lai, nangmah bangin kâ hlauh tikah ka di a riam te lai.

1 PETER 2:9

Asinain nannih cu thimmi miphun, siangpahrang tlângbawi, miphun thiang, a hleiin Amah mi nan si; cucu a mak ngaimi a ceunâk i lut dingah muihnâk chungin an kotu hna Amah cu nan phuan khawh nâkhnga;

1 PETER 2:5

nannih zong a nungmi lung bangin, Jesuh Krih thawngin, Pathian cohlan awktlâk in thlarau lei raithawinâk kha pe in, a thiangmi tlângbawi, Pathian umnâk ding i sakmi nan si.

SALM 119:75

Maw BAWIPA, dik ngaiin bia na ceih, harnâk naka tuartermi zong kha, zumhtlâk in na tuahmi a si kha ka hngalh.

HEBRU 12:14

Mi vialte he i remnâk le thiannâk kha dawi u, cu thiannâk loin ahohmanh nih Bawipa an hmu lai lo.