HEBRU 11:26 - Laibaibal Thiang (BSI)

²⁶ Krih ruang i minchiatnâk cu Ezip ram i rumnâk nâkin chawva sunglawi deuh ah a ruah i a hmuh hngami laksawng kha a conh peng caah.

Lai (Hakha) Common Language Bible 2006

²⁶ Messiah ruang i nihsawhnak in cu Izipt ram chawhlawn vialte nakin a sung deuh ah a rel i cucu zeicahdah a si tiah, hmailei hmuh laimi laksawng kha a rak i ruah chih caah a si.

HEBRU 11:26 Referans Kwoze

HEBRU 11:6

Zumhnâk lo in Amah lawmhmi si khawh a si hrimhrim lo; Pathian sinah a rami nih, Amah cu a um ti kha a zumh hrimhrim lai i biatak chuah in a kawltu sinah laksawng petu a si ti kha a zumh awk a si.

HEBRU 10:35

Cucaah a liannganmi ṭuanman a ngeimi, nan zumhfehnâk kha hlawnh hrimhrim hlah u.

BIAPHUAN 3:18

Cucaah na rum taktak nâkhnga ka sinah meiin thian termi sui rak caw dingin ruahnâk kan cheuh, taklawng i na ummi ningzah phentu dingah puangrâng le, na mit nih khua a hmuh nâkhnga mitfah sî zong ka sinah rak caw.

1 PETER 4:14

Krih min ruang i sik nan sin ahcun nan van a ṭha, zeitintiah sunparnâk Thlarau, Pathian Thlarau kha nan cungah a um. Anmah leiah Amah cu thangchiat a sinain nanmah leiah Amah cu thangṭhat a si.

HEBRU 2:2

Zeitintiah vanmi hna hmangin chimmi bia hmanh fehter a rak si i bia a ngai lomi le nawl a buarmi hna cu fel tein lehrulh an si ahcun,

2 KORIN 6:10

ngaihchia bangin, i lawmpeng ṭungin, sifak mi bangin, mitampi rumter ṭungin, zeihmanh ngei lo bangin, zeizong vialte ngei ṭungin kan um tawn.

LUKA 14:14

Cuhna nih chamnâk ding an ngeih lo caah thluachuah nahmuh lai, miding mi hna thawhṭhân ni ah cham na si te lai,” tiah a ti.

MATTHAI 5:12

I lawm u law, i nuam tak tak ko u, zeitintiah vanah a nganmi nan ṭuanman a um, zeitintiah nanmah hlan i profet hna zong cubantukin an rak serhsat cang hna.

EFESA 3:8

mithiang vialte hna lakah a hme bik nâkin a hme deuhmi ka si nain, a dongh kho lomi Krih rumnâk hi Gentel mi hna sinah ka chim nâkhnga,

2 KORIN 12:10

Cucaah Krih ruangah derthawmnâk le, thangchiatnâk, chamhbaunâk le, serhsatnâk le, vansannâk hnaah kâ lawm tawn. Zeitintiah ka derthawm tikah ka ṭhawng tawn.

SALM 37:16

Misuaksual rumnâk cha cun midingmi tlawmte ngeih a ṭha deuh.

1 PETER 1:11

Krih nih a teminnâk ding le, cuhnu ah sunparnâk ahmuh lai ding hna cu, zeibantuk set dah a si lai i zeitik cân set ahdah a si lai tiah an rak kawl lio ah an chung i Krih Thlarau nih a hlan kan in a rak hngalhter cang hna.

HEBRU 13:13

Cucaah Amah an zomh taihnâk cu phor in, haulenglei ah a sinah kal u sih.

HEBRU 10:33

cân khat khat cu minung hna conh awkah zomhtaih le harnâk chungah nan um, cân dangah cubantuk i tuahmi hna tuarpinâk ah nan um,

FILIPI 3:7

Asinain ka ca i miaknâk a simi hna cu Krih ruangah sunghnâk ah ka ruah dih.

EFESA 1:18

nan lungthin mit dei terin, Amah kawhnâkah ruahchannâk le, mithiang hna ro coding a sunlawi ning le a rumning kha nan hngalhfian khawh lai,

LAMKALTU 5:41

Cuticun biaceihtu hna sinin an kal i a Min ruangah mualphonâk tuar awktlâk i ruah an si caah an i lawm ngaingai.

MATTHAI 10:41

Profet cohlângtu cu Profet cohlân man a hmuh lai i miding cohlângtu cu miding cohlân man a hmuh lai.

MATTHAI 6:1

Thil nan ṭhenhmi kha minung mithmuh lawngah ṭhen lo dingin i ralring u; culoahcun van i nan Pa sinin ṭuanman nan hmu lai lo.

PHUNGTHLÛKBIA 23:18

Zeitintiah donghnâk ni a phân te lai i na ruahchanmi cu pakpalawng a si lai lo.

PHUNGTHLÛKBIA 11:18

Misuaksual nih hlennâk man a co tawn, asinain dinnâk ci a tuhtu nih a ṭuanman taktak a hmuh lai.

SALM 69:20

Anka congoihnâk nih ka lung a kuaiter i ka lung a fâk, aka zângfahtu ka kawl i an um fawn lo; aka hnemtu ka kawl i ka hmu fawn lo.

SALM 69:7

Nangmah ruangah thangchiat ka ton i ningzahnâk in ka hmai a khuh dih.

BIAPHUAN 2:9

“Na tuahmi le na harnâk le na sifahning (a sinain na rum) kha ka hngalh; Judah mi tak si loin Judah mi ka si â timi hna nih an in thangchiat mi zong kha ka hngalh, asinain annih cu Satan sinagog an si,

LUKA 14:33

Cubantukin nanmah lak i mizei hmanh hi, a ngeihmi vialte a kaltâk lomi cu ka zultu a si kho lai lo.