HEBRU 10:36 - Laibaibal Thiang (BSI)

³⁶ Zeitintiah Pathian duhnâk nan tuah hnu i a kamhmi nan co khawh nâkhnga inkhawhnâk nan herh.

Lai (Hakha) Common Language Bible 2006

³⁶ Pathian duhnak nan tuah khawh nakhnga le bia an kamhmi hna nan co khawh nakhnga lungsau thinfual in um u.

HEBRU 10:36 Referans Kwoze

HEBRU 12:1

Cuticun kannih zong, hi tlukin a liannganmi hngalhpitu bu nih minmei bangin ankan kulh caah kan thilrit hna le fawi tein a kan foih kho tu sualnâk kha hlonh hna u sih law, kan hmai i tlikzuamnâk a ummi ah inkhawhnâk he tli u sih,

SALM 37:7

BAWIPA ah i din law, Amah cu lungsau in hngak ko; an zulhmi lam i a neinung ngaimi hna ruangah le suahsualnâk ruahbu in a tluang ngaimi hna ruang zongah na ngaih i chiatter hlah.

1 KORIN 13:7

thil vialte a in i thil vialte a zumh, thil vialte â ruahchan i thil vialte a tuar tawn.

LUKA 21:19

Nan in khawhnâk nih nan nunnâk a khamh lai.

HEBRU 6:15

Cuticun lungsau ngaiin a ṭuan hnu ah, kamhmi kha a co.

ROM 2:7

Ṭhatnâk a tuah lengmang i sunparnâk le upatnâk le thihkhawhlonâk kawltu sinah zungzal nunnâk a pêk lai,

BIAPHUAN 14:12

Hika ah hin mithiang, Pathian nawlpêk le Jesuh zumhnâk â nunpitu hna caah inkhawhnâk a um.

1JOHAN 2:17

Vawlei hi a duhnâk he a lo cuahmah ko, Pathian duhnâk a tuahtu cu zungzal in a hmun lai.

GALATI 6:9

Cuticun thilṭha tuah neng hlah u sih. Kan i thlahdorh lo ahcun a cân te ah kan zûn te ko lai.

MATTHAI 10:22

Ka min ruangah mi vialte huat nan tong lai. Asinain a donghtiang a hmunmi cu khamh an si lai.

KOLOSE 1:11

lungsaunâk le inkhawhnâk le lomhnâk in nan um khawh nâkhnga a liannganmi a ṭhawnnâk nih thazâng pein an ṭhawnter hna lai,

ROM 8:25

Kan hmuh rih lomi khi kan i ruahchan ahcun lungsau ngaiin kan hngak tawn.

HEBRU 9:15

Hiruangah hin Amah cu biakam thar lamkaltu a si i biakam hmasa tang i nawlbuarnâk kha tlanh dingin a rak thi, cucaah kawhmi hna nih zungzal roconâk biakam cu an co khawh lai.

KOLOSE 3:24

Bawipa sin in nan ṭuanman nan co ding ro nan hmuh lai kha philh hlah u, zeitintiah Bawipa Krih riantu nan si.

HEBRU 13:21

A duhnâk tuah dingin rianṭha kipah tlam in tlinter hna seh, Jesuh Krih thawngin a mithmuh ah a lawmh tertu nih nanmah ah `uandih ko seh, Amah sinah zungzal in zungzal tiang sunparnâk kha um ko seh. Amen.

HEBRU 6:12

cuticun zumhnâk le lungsaunâk thawngin biakam a co cangmi hna zohchunh in nan tha thu hlah seh.

EFESA 6:6

mit rianṭuantu bantuk si loin, minung lawmhtertu men zong si loin Krih sinum taktak bantukin, Lungthin tak takin Pathian duhning tuah in,

ROM 12:2

Hi vawlei sining he i pehtlai hlah u, thilṭha le cohlan awktlâk, a tlingmi Pathian duhnâk cu nan hngalhkhawh nâkhnga nan ruahnâk kha tharchuah le thlen in um ko seh.

MATTHAI 24:13

Asinain a donghtiang a hmunmi nih khamhnâk a hmuh lai.

BIAPHUAN 13:10

Sal ah a hruaitu pauh cu sal ah an um lai; vainam in mi a thattu cu vainam in thah a si ve lai. Hika ah hin mithinghlim hna inkhawhnâk le zumhnâk a lang.

1 PETER 1:9

holh in chim khawh lomi le sunparnâk in a khatmi lawmhnâk in nan i lawm.

HEBRU 6:17

Cubantukin Pathian nih, roco dingin bia a kamhmi hna sinah a bia â lêt lai lo ti kha fianter chinchin nâkah chiatserh in a fehter ṭhân,

KOLOSE 4:12

Epafaras nanmah chungmi, Krih Jesuh ah ṭemmi sal nih nan kut an tlaih hna. Pathian duhning in lamkip i nan um i tlam nan tlin khawh nâkhnga, fak piin nan caah thla camtu a si.

LAMKALTU 13:22

Amah a hlawt hnuah David kha siangpahrang dingah a dirter ṭhan, amah kongah a chimmi cu, ‘Jessi fapa David, ka lungput ngeimi minung, ka duhnâk a zultu hngami kâ hmuh cang,’ tiah a ti.

JOHAN 7:17

Amah duhnâk tuah a duhmi pauh nih ka cawnpiakmi hi Pathian sin in maw a si, keimah ṭawnchawm dah a si a hngalh ko lai.

LUKA 8:15

Asinain lei ṭha i a tlami tu cu, lungthin fel le ṭha in bia cu an theih, an i cinken peng i tuar khawhnâk he thei tlai an chuah tawn.

MATTHAI 21:31

Cu hna pahnih lakah ahonihdah an pa duhnâk a tuah deuh hnga? tiah a ti. Annih nih, “A hmaisa deuh nih ta,” tiah an ti. Jesuh nih an sinah, “Biataktein kan chimh hna, ngun khuai khawltu hna le hlawhhlang hna nih vanbawi pennâk chungah an in luhkanh dih hna,” tiah a ti.

MATTHAI 12:50

Zeitintiah mizei pauh van i ka Pa duhnâk a tuahtu pauh cu ka unau pa, kafar le kanu an si,” tiah a ti.

MATTHAI 7:21

Bawipa, Bawipa, aka timi pauh nih, vanbawi pennâk ah a lut lai lo; van i ka Pa duhnâk a tuahtu lawnglawng an lut lai.

SALM 40:1

BAWIPA cu lungsau in ka hngah i keimah lei ah â mer i ka au aw a theih.

1THESALON 1:3

zumhnâk i rian nan ṭuanmi le, dawtnâk ruangah nan thabâtnâk, kan Bawipa Jesuh Krih i ruahchannâk ruangah kan Pathian le Pa hmaiah nan lungsaunâk kha philh lo tein,

LAMKALTU 13:36

Zeitintiah David cu, Pathian duhning in a cân lioah minung hna caah rian a ṭuan dih in â hngilh i a pu le hna sinah an vui i a thu diam cang,

MARKA 3:35

Zeitintiah Pathian duhnâk a tuahmi pauh cu, ka nau le, ka far le, ka nu le an si,” tiah a ti.

ROM 12:12

ruahchanhnâk ngeiin i lawm ulaw, harnâk lakah inkhawhnâkin, ṭhahnem ngaiin thla cam lengmang ko u.

HEBRU 11:39

Cuticun cu vialte hna nih zumhnâk thawngin thangṭhat an rak co i biakam mi tu cu an rak co rih lo.