HEBRU 10:31 - Laibaibal Thiang (BSI)

³¹ A nungmi Pathian kut i tluk cu ṭih a nung tak takmi a si.

Lai (Hakha) Common Language Bible 2006

³¹ Pathian nung kut chung i tlak cu thil ṭihnung ngaingai a si!

HEBRU 10:31 Referans Kwoze

MATTHAI 10:28

Taksa a that kho nain thlarau a that kho lotu cu ṭih hlah u. Hremhmun i thlarau le taksa he a thla khotu khi ṭih deuh u.

LUKA 12:5

Sihmanhsehlaw ahodah nan ṭih awk a si kha kan hmuhsak hna lai. Thah nan si hnu i hell ah an thla khotu cu va ṭih u, asi, kan chimh hna, Amah cu ṭih u.

HEBRU 12:29

Zeitintiah kan Pathian hi kânghtu mei a si.

SALM 76:7

Nangmah cu ṭih na nung ko, na thin a hun ahcun nahmai ah ahodah a dir kho lai?

SALM 90:11

Na thinhun ṭhawnnâk hi ahonihdah an hngalh? zeitintiah na thinhun fahning cu nangmah ṭihzah na phutning tluk in a fâkmi a si.

MATTHAI 16:16

Simon Peter nih, “Krih Pathian nung Fapa na si,” tiah a ti.

HEBRU 10:27

a phân laimi biaceihnâk ṭihnung, A ral hna khangtu ding thinhunnâk mei lawng an hngahmi cu a si.

SALM 50:22

Nannih Pathian a philhtu hna, hihi ruat tuah u, culoahcun kan thlehbauh dih hna sual lai. Khamhtu na ngei lai lo.

LUKA 21:11

Hmun dang dangah li fakpi in â hnin lai i hmun tampi ah mangṭâm a tlung lai, zawtnâk a phunphun a chuak lai i van in hmelchunhnâk lianngan le ṭih a nungmi an lang thluah mah lai.

LAMKALTU 13:11

Atu ah Bawipa kut na sinah a phân taktak lai, na mit a caw lai i khuaceu na hmu rih lai lo,” tiah a ti. Cuticun muihnâk le minmei nih a khuhcolh i kut tlaitu kawl ah â dap len ko.

2 KORIN 5:11

Cucaah Bawipa ṭih a nunning hngal in, mi kha tei kan timh tawn. Pathian nih fiang tein a kan hngalh i nannih zong nih nan chiaṭha hngalhnâk in fiang tein nankan hngalh ko lai tiah kan zumh.

HEBRU 3:12

Unau hna, i ralring u, culoahcun Pathian nung kaltâk duhnâk tiangin nanmah lakah mi zeimaw chungah zumhlonâk lungthin sual a um sual lai.