HEBRU 10:27 - Laibaibal Thiang (BSI)

²⁷ a phân laimi biaceihnâk ṭihnung, A ral hna khangtu ding thinhunnâk mei lawng an hngahmi cu a si.

Lai (Hakha) Common Language Bible 2006

²⁷ Kan ca i a tangmi cu biaceihnak le Pathian a dohmi hna a hrawktu ding mei ṭihnung lawng kha a si ko cang.

HEBRU 10:27 Referans Kwoze

HEBRU 2:3

hi tluk in a nganmi khamhnâk hi zei rel loin kan um ahcun, zeitindah kan luat khawh lai? Cucu a hramthawk ah Bawipa nih a rak chim i a theitu hna nih kan sinah an fehter.

BIAPHUAN 20:15

Nunnâk Cauk chung i min ṭial an hmuh lomi vialte cu mei tili ah cun hlawnh an si.

HEBRU 12:25

I ralring u Biachimtu hi nan rak hlawtsual lai. Zeitintiah vawlei i Biachimtu an duh lo ruangah hremnâk in an luat khawh lo ahcun van in Biachimtu zei i kan rel lo sual ahcun kan luat lo chin chin lai,

HEBRU 9:27

Minung caah voi khat thih cu ruah cia a si, cuhnu ah biaceihnâk a um lai,

MATTHAI 13:50

Meiphu chungah an hlawnh hna lai. Cukâ ah cun ṭah le ha cang rialnâk a um lai,” a ti hna.

MATTHAI 8:29

Hmakhatteah an au colh i, “Jesuh, Pathian Fapa, cân tlin hlanah dân a kan tattu dingah maw na rat?” tiah an ti.

JEIM 5:3

Nan sui le nan ngun vialte cirik nih an ei dih. Cirik ei timi cu thiamlo nan comi hngalhpitu a si, nan taksa zong meikangh bantukin a ei dih lai. Ni hmadung caah ro nan pumhmi a si.

HEBRU 12:29

Zeitintiah kan Pathian hi kânghtu mei a si.

MATTHAI 25:41

Cutikah, a kehlei mi hna sin zongah, ‘Chiatserh mi hna, zungzal mei, khuachia le a zultu hna ca i timhlamh miah ka kaltâk ko u;

MATTHAI 13:42

Meiphu chungah an hlawnh hna lai i cuka ah ṭah le hacang rialnâk a um lai.

MATTHAI 3:12

A kut in sisiap â put i hrih ah facang kha a zah lai, a fangṭha kha bukah a khumh hna lai, asinain a hi vialte cu a mit kho lomi mei ah khangh an si dih lai,” tiah a ti hna.

MATTHAI 3:10

Atu zongah thingkung hram kipah hreitlung an chiah cang. Theiṭha a tlai lomi pauh cu an hau lai i meiphu ah hlawnh a si lai.

SALM 21:9

Na thin a hun tikah annih cu titternâk meiphu bangin na canter hna lai. BAWIPA nih annih cu a thinhungnâk in a dolh hna lai i mei nih a kangh dih hna lai.

LUKA 23:30

Mi nih tlâng sinah, “Kan nenh u” an ti te lai i mual sinah, “Kan khuh u” an ti te lai.

LUKA 21:26

Van thiltikhawhnâk â hnin lai, vawlei i a phân zau hngami thil hna an ṭih tuk ruangah patling hna lungthin thaba in thi hnikin an um lai.

LUKA 19:27

Asinain hi a ka dohtu hna le, an bawi ca zongah a ka duh lotu hna hi ratpi hna ulaw, ka hmai ah that hna u,’ a ti hna,” tiah a ti.

LUKA 16:24

Cuticun a au i, “Ka pa, Abramham ka zângfah, Lazaruh kha fial law, ka lei daihter nâk dingah a kutdong par ti-ah ciah seh, zeitintiah hi mei alh ah hin ka temtuar tuk hringhran,” tiah a ti.

JOHAN 5:29

cun cu aw a theitu pauh cu an chuak lai i ṭhatnâk a tuahtu kha nunnâk co dingin an tho lai i Ṭhatlonâk a tuahtu kha thiamlo co in an tho lai.