FILIPI 4:11 - Laibaibal Thiang (BSI)

¹¹ Ka chamhbaunâk kong lawng ka chim lo, kei cu zeitipauh in um hmanh ninglaw lungtlin ka thiam cang.

Lai (Hakha) Common Language Bible 2006

¹¹ Cun cu pinah, an ka hramkau lo, ti ruahnak ka ngeih caah hihi ka chimmi a si fawn lo, zeicahtiah ka ngeihmi paoh ah lungsi tein um ding kha ka thiam cang.

FILIPI 4:11 Referans Kwoze

FILIPI 3:8

Asi taktak ko, a liannganmi ka Bawipa Jesuh Krih hngalhnâk ruangah thil vialte hi sungh cikcek ah ka ruah dih, asi zeizong vialte hi ka sung cikcek ko. Krih kha ka miakmi a si khawh ahcun thildang vialte cu hmunthûr ah ka rel hna.

2 KORIN 9:8

Cun rian ṭha kha tampi in nan ṭuan khawh nâkhnga le, zeizong vialte tling tein nan ngeih khawh nâkhnga, Pathian nih a zângfahnâk cu nan cungah tam piin an pêk hna lai.

2 KORIN 6:10

ngaihchia bangin, i lawmpeng ṭungin, sifak mi bangin, mitampi rumter ṭungin, zeihmanh ngei lo bangin, zeizong vialte ngei ṭungin kan um tawn.

2 KORIN 8:9

Zeitintiah kan Bawipa Jesuh Krih zângfahnâk cu nan hngalh, Amah cu rum hmanhsehlaw, a sifahnâk thawngin nannih nan rum nâkhnga, a si a fak.

HEBRU 10:34

zeitintiah ka cikcin ruangah nanka zângfah i nan thil an lâk zongah lunglawm tein nan in khawh, vanah a ṭha chinmi chawva zungzal a uhmi nan ngeih kha nan hngalh.

2 KORIN 11:27

zânghlei cawi i thabat tuk le buhrinâk ah voitampi, mitkuh vuailonâk ah, rawlṭam tihalnâk ah, voitampi rawlulhnâk ah, taklawng i khuasik temtuarnâk ah,

LUKA 3:14

Cubantuk ṭhiamṭhiam in ralkap zong nih, “Kannih ta zeidah kan tuah lai?” tiah an hal. Anih nih, “Ahohmanh va tlerh hna hlah u law, lih in va nam hna hlah u. Nan hlawh ah nan lung tling seh,” tiah a ti hna.