FILIPI 1:27 - Laibaibal Thiang (BSI)

²⁷ Zeiasihmanhah, nan nunning le Krih thawngṭha cu i rem ko seh, cuticun nan sin i ka rat i kan hmuh hna ah siseh, nan sin i ka um lo ah siseh, thlarau pakhat i nan umnâk kong le ruahnâk pakhat i thawngṭha bia ah ṭhahnem nan ngaihning kha kan theih khawh lai,

Lai (Hakha) Common Language Bible 2006

²⁷ A biapimi cu hi tu hi a si: Khrih Thawngṭha nih si hna seh ti an duhmi hna kha nan nuncan a si awk a si. Cucaah kan hmuh khawh hna ah siseh, kan hmuh khawh hna lo ah siseh, tinhmi pakhat he fek tein nan dir i Thawngṭha zumhnak ah hmunkhat i ral a do ṭimi nan si kha theih ka duhmi cu a si.

FILIPI 1:27 Referans Kwoze

EFESA 4:1

Cucaah, kawh nan sinâk he â tlakmi nunning i nun awkah, kei, Bawipa i thong a tlami nih kan nawl hna;

1 KORIN 1:10

Ule nau hna, kan Bawipa Jesuh Krih min in kan nawl hna, nan lakah i ṭhennâk um lo in, nan chimmi i khat sehlaw, ruahnâk le biakhiahnâk ah lungnge te le tlamtling te in hmunkhat ah nan i pehtlaih khawh nâkhnga.

2 PETER 3:14

Cucaah dawtmi hna, cubantuk ruahchannâk cu nan ngeih caah, thûrhnawm lo le sawiawk um loin hngangam te i nan um lio an hmuh khawh hna nâkhnga, teihmâk chuah u.

KOLOSE 1:10

Bawipa lawmhter awktlâk in tling tein nan nun i thilṭha phunkip tuahnâk ah theitlai chuah in Pathian hngalhnâk i nan ṭhân khawh nâkhnga,

JUDAS 1:3

Dawtmi hna, kan co ṭimi khamhnâk kong nan sinah biatak tein ṭial ka timh nain mithiang hna sinah pêkchanh cangmi, hi zumhnâk kong hi felfai tein nan kilven khawhnâk lai, thazâng pêknâk biatu nan sinah ṭial a herh deuh tiah ka ruah.

1THESALON 4:1

Cuticun ule nau hna a donghnâk ah, Pathian lawmh terin nan nun khawh nâkhnga le kan sinin nan hmuhmi bantuk kha tam chinchin in nan ngeih nâkhnga Bawipa Jesuh ah tha pêk pah in kan nin nawl hna,

FILIPI 2:12

Cucaah ka dawt le hna, nawl nan ngaih tawn bangkhan, ka um lio lawngah si loin, atu ka um lo zongah ngai chin chinin ṭih le ther buin khamh nansinâk kha chuak lakin ṭuan ve u,

FILIPI 3:18

Zeitintiah mi tampi an kal i Krih vailam ralchanhtu an si tiah kan chimh cang hna kha, atu zongah ṭah buin kan chimh ṭhân hna.

2 KORIN 13:11

A donghnâk ah ule nau hna, dam tein. Tlamtling tein um u. Hnangam tein um u, ruahnâk pakhat ngei ulaw, daihnâk he nung u, cun dawtnâk le daihnâk Pathian nih an umpi hna lai.

LAMKALTU 4:32

Zumtu hna cu lungthin hmunkhat le thlarau hmunkhat in an um, an lakah pakhat hmanh nih an ngeihmi ka ta ti loin thil vialte an i hrawm.

SALM 133:1

Zohhmanh, unau rualrem tein khuasak ṭi hi a ṭha in a va nuam dah.

2 PETER 3:11

Cucaah thil vialte a loh dih lai caah, zeibantuk i thiang le Pathian ṭihzah i a um ding dah nan si?

1 KORIN 15:58

Cucaah, ka dawtmi ule nau hna, fek tein, hninh khawh loin um ulaw, Bawipa rian biatak tein ṭuan zungzal ko u, Bawipa ah nan ṭuanman cu pakpalawng a si lailo ti kha hngal ko u.

ROM 1:16

Krih thawngṭha cu ka zahpi lo, zeitintiah a zummi vialte caah khamhnâk dingah Pathian ṭhawnnâk a si; a hmasa in Judah mi caah a si i Grik mi ca zongah a si.

JEIM 3:18

Dinnâk theitlai cu daihnâk sertu hna nih daihnâk in an tuh tawn.

FILEMON 1:5

Bawipa Jesuh le mithiang vialte sinah na ngeihmi dawtnâk le zumhnâk kha thei in,

TITAS 2:10

kutkem ngei loin, zumhtlâk ansinâk tu langh terin, a lamkip in a kan Khamhtu Pathian cawnpiaknâk hi an dawhter khawh lai.

2TIMOTE 4:7

Raldohnâk ṭha cu ka tei cang, tlik zuamnâk ah a donghtiang ka tli cang i zumhnâk kha kâ tlaih cang.

1TIMOTE 1:19

Zumhnâk le chiaṭha hngalhnâk thiang kha i tlaih peng, ceukhat nih cucu an namnul i tilawng a kuaimi bangin an zumhnâk kha a kuai tawn.

1TIMOTE 1:11

thangṭhattlâk Pathian thawngṭha sunparnâk kan sin i chiahmi ralchanhtu hna caah ser a si.

LAMKALTU 2:46

Cuticun nichiarte lungrual tein ṭempal ah an um tawn i innkhat hnu innkhat ah changreu cheu in lungthin tluangtlam le lawmhnâk he rawl an eiṭi tawn.

MATTHAI 12:25

Jesuh nih an ruahnâk kha a rak hngalh i an sinah, khuazei ram pauh mah le mah â dohmi an lotlau tawn. Khua le chungkhar zong â dohmi a dir kho bal lo.

PHUNGTHLÛKBIA 22:23

Zeitintiah BAWIPA nih an kong a ruah te lai, anmah a roktu hna kha a rok ve hna lai.

1THESALON 3:6

Asinain atu ah Timote nan sin in kan sinah a rak kir cang i hmuh kan in duh hna bantukin hmuh nan kan duh tuknâk kong le a ṭha leiin nan kan hngalh pengnâk le nan zumhnâk le dawtnâk kong thawngṭha kha a kan phorh -

KOLOSE 1:4

Pathian le kan Bawipa Jesuh Krih Pa sinah lomhnâk bia chimin nan caah thla kan cam tawn.

FILIPI 2:24

Cun keimah hrimhrim zong ka rat zau khawh nâkhnga Bawipa ah kâ hngat dih ko.

EFESA 1:15

Cucaah, kei zong nih Bawipa Jesuh nan zumhning le mithiang vialte nan dawtnâk ka theih hnu ah,

EFESA 1:13

Nannih zong biatak bia nan khamhnâk thawngṭha kha nan theih hnu ah Amah kha nan i bochan i zumh zong nan zumh hnu ah, kamhmi Thiang Thlarau in hmelchunh nan si.

GALATI 1:7

Cucu Thawngṭha a si lo; nanmah buai terin Krih Thawngṭha merh a timmi an si.

2 KORIN 9:13

hi rian nih hin, Krih thawngṭha zumhnâk nan pom ning le, anmah le mi vialte ca pêk lei i nan siannâk thawngin Pathian an thangṭhat tawn,

2 KORIN 4:4

Krih, Pathian muisam, a liannganmi thawngṭha ceunâk nih a ceuh khawh hna nâkhnga lo hi vawlei pathian nih zumlotu ruahnâk kha a cawtter.

ROM 15:29

Asinain nan sin i ka rat tikah Krih thawngṭha thluachuahnâk tlamtling he ka ra lai tiah ka hngalh.

ROM 15:16

cuticun Gentel mi hna thilpêk cu cohlan awktlâk, Thiang Thlarau i thiantermi a sikhawh nâkhnga, Gentel mi hna sinah Jesuh Krih ca i Pathian thawngṭha bia rianṭuantu ka si kho lai.

ROM 10:8

Asiah zeitindah a chim? “Bia nih an naih ko cang, na kâ le na lungthin zongah a um,” (cucu zumhnâk bia kan chimmi cu a si).

ROM 1:9

Zeitintiah thla ka camnâk ah ngol loin nan min ka chim tawn ti hi a Fapa thawngṭha, ka thlarau i a rian ka ṭuanpiakmi Pathian cu aka hngalhpitu a si.

ROM 1:5

Amah min thawngin zumhnâk cu miphun vialte zumhter dingah amah ah zângfahnâk le lamkaltu sinâk kan co,

LAMKALTU 24:24

Cun ni zeimawzat hnuah Felik cu a nupi Judah nu Drusilla he an ra. Paul cu a auhter hna i Krih Jesuh zumhnâk bia cu a ngai.

SALM 122:3

Jerusalem khualipi cu fek tein tomchih bangin dirhmi a si.

FILIPI 1:5

nan caah thlacamnâk le nawlnâk kha lunglawm tein ka tuah zungzal.

FILIPI 3:20

Zeitintiah kannih cu vancung rammi kan si, van in a ra dingmi, khamhtu Jesuh Krih cu hngahhlang ngaiin kan cuan ko.

FILIPI 4:1

Cucaah ka dawtmi le ka ngaihtuk hrinhranmi unau, kâ lawmhnâk le ka bawi luchin hna, dawtmi hna, cubantukin Bawipa ah fek tein dir u.