BIAPHUAN 3:3 - Laibaibal Thiang (BSI)

³ Cucaah na theihmi le na ngeih cangmi kha philh hna hlah, fek tein i tlaih law, i ngaihchih. Cucaah nâ ralrin lo ahcun, mifir bangin ka ra lai, zei cân ahdah kan rat hnawh lai kha na hngal lo.

Lai (Hakha) Common Language Bible 2006

³ Cucaah cun zeidah an in cawnpiakmi kha a si ti le zeitindah na rak theih ti kha philh hlah, cucu zul law na sualnak kha mertak hna. Naa hlauh lo ahcun mifir bantukin kaan rathnawh lai i ka rat caan kha a hngalh hmanh na hngal lai lo.

BIAPHUAN 3:3 Referans Kwoze

BIAPHUAN 2:5

Cucaah na tlûktâkmi kha hngal in i ngaihchih law na tuah hmasa bik kha tuah ṭhân, nâ ngaihchih lo ahcun hmakhat teah na sinah ka ra lai i na meiin vannâk kha a umnâk hmun in ka ṭhial lai;

2 PETER 3:10

Asinain Bawipa ni cu zan i mifir bangin a ra lai, cuni ah van khi fak piin an awn lai i an tlau lai, thil hram hna cu mei nih lo lakin a emh hna lai, vawlei le a chung i a ummi rian vialte hi a kâng dih lai.

1THESALON 5:2

Zeitintiah Bawipa ni cu zanah mifir bangin a rak phân lai tiah nanmah lila nih tling tein nan hngalh ko.

BIAPHUAN 16:15

Ngaihmanh, mifir bangin ka ra lai, timhcia le ralring tein a ummi cu mithluachuak a si, culoahcun taklawng in a um le a mualpho kha an hmuh sual lai.

MATTHAI 25:13

Cucaah, Mi Fapa ratnâk a ni le a suimilam cân nan hngalh lo caah, ralring tein um u, tiah a ti hna.

HEBRU 2:1

Cucaah kan theihmi thil hna kha biapi ngaiah kan ruah awk a si, culoahcun tlau lakin kan tawlh sual lai.

1TIMOTE 6:20

Aw Timote! nakut i chiahmi cu ṭha tein kilveng, Pathian-ṭihzahlonâk bia chim le ralchanhmi biafang hngalhnâk tiah silo ngaiin min an bunhmi kha hrial i zuam.

MARKA 13:36

Culoahcun nan i hngilh cân ah a ra sual lai i an poh sual hna lai.

MARKA 13:33

Thlacam in i ralring u, zeicatiah a cân kha nan hngal lo.

BIAPHUAN 3:19

Ka dawtmi cu ka sîk hna i ka chimhhrin tawn hna. Cucaah i zuam law i ngaihchih;

2 PETER 3:1

Dawtmi hna, atu hi nansinah ca kan kuatmi hna voihnihnâk a si. (nan ruahnâk thiang ṭhangh ter kha ka timh veve mi cu a si).

BIAPHUAN 3:11

Ngaihmanh, ka ra zau lai! Na bawiluchin kha ahohmanhnih an in chuh nâkhnga lo, na ngeihcia kha fek tein i tlaih.

BIAPHUAN 2:25

Asinain nan ngeihcia kha fek tein ka rat hlantiang i tlaih u;

2 PETER 1:13

Asi, hi thlâm chung i ka um chung pauh cu nan lung lawmhter lengmang hi a ṭha tiah ka ruah.

2TIMOTE 1:13

Krih Jesuh i a ummi zumhnâk le dawtnâk in, a ngandammi cawnpiaknâk ka sin in na theihmi kha fek tein i tlaih.

BIAPHUAN 3:2

I ralring law, an thih cuahmah lio ah a tangrihmi hna kha ṭhawnter hna. Na tuahmi kha Pathian hmaiah a tlingmi ka hmu hna lo.

BIAPHUAN 22:7

“Ngaihmanh, Kara zau lai! Hi cauk chung i chimchungbia hna zultu cu mithluachuak a si.”