1TIMOTE 4:7 - Laibaibal Thiang (BSI)

⁷ Asinain Pathian-zeirellonâk le pitar hna tuanbia kha hlaw hna law Pathian-ṭihzahtu si dingin cawlcang.

Lai (Hakha) Common Language Bible 2006

⁷ Pathian kong a si lomi tuanbia menmen kha cu hrial hna, kha hna kha cu nutar ca lawngah an i tlak. Pathian he aa tlakmi nunnak kha ngeih i zuam zungzal.

1TIMOTE 4:7 Referans Kwoze

1TIMOTE 1:4

pupa hna min le tuanbia sawh sawh ruah le khah kha ngol hna seh, cu nih cun Pathian lei zumhnâkah ṭhathnemnâk zeihmanh a ngei lo, elhnialnâk men a chuahter.

2TIMOTE 2:16

Pathian ṭihzahlo bia vaivuan a chim tawntu kha hrial hna, zeitintiah Pathian-zeirellonâk ah an zual chin chin lai.

TITAS 2:12

cu nih cun vawlei-lei duhnâk, Pathian-zeirellonâk hi hlawt in atu lio cân ah nunning thiam in felfai tele Pathian-ṭihzah in kan nun nâkhnga a kan cawnpiak.

TITAS 3:9

Asinain hruh thil i buaibainâk le pupa hna kong hlathlai le elhnialnâk le nawlbia kong i el-len kha hrial hna, cu hna cu ṭhathnemnâk le santlaihnâk an ngei lo.

HEBRU 5:14

Asinain rawlhâk cu puitling mi hna caah a si i an rak hman tawn cang bantukin a chia le a ṭha thleidang kho dingin an hngalhkhawhnâk kha hmang kho dingin cawlcanghter an si cang.

2TIMOTE 2:23

Cun hruhthil le elhnialnâk ah i tel hlah, buaibainâk lawng a chuahter kha hngal ko.

2TIMOTE 4:4

biatak in an hnâ an mer lai i ṭawnchawmmi tuanbia lei ah an pial lai.

1TIMOTE 6:11

Nang Pathian-mi cu thil hna cu zâmtâk, cuticun dinnâk le Pathian duhnâk, zumhnâk le dawtnâk, inkhawhnâk le nunmennâk kha dawi hna.

LAMKALTU 24:16

Cucaah chia le ṭha hngalhnâk thiang ngeih peng i Pathian le minung hmai i sawi awk um lomi si kâ tim peng.

1TIMOTE 6:20

Aw Timote! nakut i chiahmi cu ṭha tein kilveng, Pathian-ṭihzahlonâk bia chim le ralchanhmi biafang hngalhnâk tiah silo ngaiin min an bunhmi kha hrial i zuam.

TITAS 1:14

biatak mer takin Judah tuanbia le minung nawlpêkmi biapi ah a ruatmi hna bia kha zeiah rak rel hna hlah.

2TIMOTE 3:12

A si, Pathian-aṭanh i Krih Jesuh ah umpeng â timmi hna nih serhsatnâk kha an ton ko lai.

1TIMOTE 3:16

Pathianmisinâk biathli liannganning cu elkhawh a si lo. Pathian cu thisa ah â cang i Thlarau ah thiamcoter a si, vanmi nih an hmuh i Gentel mi hna sinah aupi le vawlei mi nih an zumh i sunparnâk ah kaipimi a si.

1TIMOTE 2:10

Pathian a ṭanhtu nu hna nih a za tawkin thilṭha tuah in i ṭamh hna seh.

1TIMOTE 1:9

hihi hngal hna seh, nawlbia hi miṭha caah ser a si lo, nawlbia zeiah a rel lomi, nawlbia ral chanh i a nungmi, Pathian-zeiaharellomi, misual, a thiang lomi, biaknâk zeiaharellomi, nu le pa thattu, lainawng,

1TIMOTE 4:8

Zeitintiah taksa zuam nâkin cawlcanghnâk zong hi san a tlai ve ko, asinain Pathian-ṭihzahtu sinâk i cawlcanghnâk nih cun atu nunchung le hmailei caah biakam a ngeih caah a lamkip in san a tlai.

1TIMOTE 6:3

Ahohmanh nih cawnpiaknâk dang a cawnpiak i a ngandammi bia, kan Bawipa Jesuh Krih bia hmanh pom lo in, Pathian upatnâk he â tlakmi bia hmanh a pom duh lo ahcun;

1TIMOTE 6:5

ruahnâk chia-kha le biatak pemh lo, a herh lo i bia el hmang le, biaknâk zong chawleh nâkah hman a ngamhmi an si. Cubantuk mi hna cu kawm hna hlah u.

2TIMOTE 3:5

Pathian duh ngaimi an i lawhter lai, asinain a ṭhawnnâk an zum lai lo. Cubantuk mi hna cu hrial hna.