1TIMOTE 2:10 - Laibaibal Thiang (BSI)

¹⁰ Pathian a ṭanhtu nu hna nih a za tawkin thilṭha tuah in i ṭamh hna seh.

Lai (Hakha) Common Language Bible 2006

¹⁰ Biaknak a ṭanhmi nu nih an tuah tawn bantukin ziaza ṭha tu in i thuam hna seh.

1TIMOTE 2:10 Referans Kwoze

1 PETER 2:12

Gentel mi hna sinah upat awktlâk in nung u, cuticun minih thil ṭha lo tuahtu bangin nan thang an chiat zongah, thil ṭha nan tuahmi an hmuhnâk thawngin Pathian nih a veh hna ni ah an thangṭhat ve lai.

BIAPHUAN 2:19

“Na tuahmi ka hngalh, na dawtnâk le na rianṭuannâk le na zumhnâk le na inkhawhnâk kha ka hngalh, hmadung bik na ṭuanmi hna cu hmasa nâkin an ṭha deuh.

LAMKALTU 9:36

Joppa khua ah zultu pakhat a min Tabitha a um, cucu Dorkhas ti a si, a sullam cu sazuk tinâk a si. Cu nu cu ṭhatnâk tuah le misifak bomhnâk lei ah nun siang ngaimi a si.

PHUNGTHLÛKBIA 31:31

Akut in a ṭuanmi theitlai pe u law, kutkâ ah amah hrimhrim kha a tuahmi nih thangṭhat seh.

2 PETER 3:11

Cucaah thil vialte a loh dih lai caah, zeibantuk i thiang le Pathian ṭihzah i a um ding dah nan si?

TITAS 3:8

Hihi zumhawk a tlâkmi bia, nangmah zongnih na fehter lengmang awkah ka duh, Pathian a zum cangmi hna nih thilṭha tuah peng dingin ṭha tein ruat hna seh. Hi thil hna hi minung caah a ṭha i san a tlai.

EFESA 2:10

Thilṭha tuah dingah Krih Jesuh ah sermi kan si i Amah kutchuak kan si, cu thilṭha tuah cu kan umnâk dingah Pathian nih a rak timhlamh ciami a si.

TITAS 2:14

Amah nih nawlbuarnâk vialte chungin a kan tlanh khawh nâkhnga, Amah caah thiantermi, a hlei khun in Amah mi si in, rianṭha ṭuan i â zuammi kan si khawh nâkhnga Amah hrimhrim kha kan caah â pe.

LAMKALTU 9:39

Peter cu a tho i an sinah a kal. A phâk tikah in cungdot ah an kalpi i cuka i nuhmei vialte kha a pawngah dirin Dorkas an sin i a um lio i angki a sermi le puan a tahmi hna zoh pah in an ṭap.

PHUNGTHLÛKBIA 31:25

Ṭhawnnâk le upatnâk cu â thomhnâk a si, a ra laimi cân zongah â lawm vima ko lai.

1TIMOTE 2:9

cubantukin nu zong nih tluangtlam tein i ṭamh hna seh, luan tukin an sam phiar hna hlah seh, sui le lungvar le man fak tukmi hnipuan i hruk hna hlah seh.

1TIMOTE 2:11

Nu nih pumpeknâk he dai tein cawng hna seh.