1JOHAN 4:14 - Laibaibal Thiang (BSI)

¹⁴ Pa nih Fapa cu vawlei khamhtu bangin a thlah tiah kan hmuh i kan hngalhter fawn.

Lai (Hakha) Common Language Bible 2006

¹⁴ Pa nih a Fapa kha vawlei khamhtu ah a run thlah, ti a hmutu le midang a chimtu hna cu kanmah hi kan si.

1JOHAN 4:14 Referans Kwoze

1JOHAN 4:10

Dawtnâk cu hihi a si, Pathian kan dawt hi si loin, Amah nih a kan dawt i kan sualnâk hna ngaihthiamnâk ah a Fapa a run thlahmi hi a si.

JOHAN 4:42

Cuticun minu sinah, “Atu cu na bia thawngin a zummi kan si ti lo, zeitintiah kanmah hrimhrim nih a bia kan theih i hihi Krih vawlei Khamhtu a si hrim hrim ko tiah kan hngalh,” tiah an ti.

JOHAN 1:14

Bia cu titsa ah â cang i kan sinah khua a sa, a sunparnâk kan hmuh. Pa Fa ngeihchun sunparnâk bantukin, zângfahnâk le biatak in a khat.

JOHAN 1:29

A thaizingah Johan nih Jesuh asin i a rat kha a hmuh i, “Zohhmanh u! Pathian Tuufa, vawlei sualnâk a kalpitu khi!

1JOHAN 5:9

Minung hngalhpinâk hmanh kan cohlan ahcun, Pathian hngalhpinâk cu a lianngan deuh. Pathian hngalhpinâk cu, a Fapa kong a hngalhtermi hi a si.

1 PETER 5:12

Silvanas, zumh a tlâkmi unau i ka ngeihmi kut ah hin nanmah thazâng pêknâk bia, atu i nan dirnâk hi Pathian zângfahnâk dik a si ti kha hngalhternâk câ tawi tein ka rak kuat.

JOHAN 12:47

Mi zei pauh nih ka chimmi bia theiin, zumlo hmanhsehlaw, keimah nih thiamlo ka coter lo, zeitintiah vawlei thiamlo coter dingah si loin vawlei khamh dingah a rami ka si.

JOHAN 5:39

Cathiang cu nan dothlat lên ko, zeicatiah cuka ah zungzal nunnâk kan hmuh hmanh maw, tiah nan ruah, hi hna hi ka kong hngalhtertu an si.

JOHAN 3:34

Zeitintiah Pathian thlahmi nih cun Pathian bia kha a chim tawn, zeitintiah Pathian nih tah ciammam in Thlarau a pe lo.

LAMKALTU 18:5

Sailas le Timote cu Mesidonia ram in an rak phâk hnuah Paul cu Thlarau nih a namchih ruangah, Judah mi hna sinah Jesuh cu Krih a si tiah a chim tawn.

JOHAN 10:36

Pa nih a thleidanmi le vawlei i a thlahmi nih, ‘Pathian Fapa ka si,’ ka ti rungah, (Pathian) cawhdehtu nanka ti kho lai maw?

JOHAN 3:32

A hmuh le a hngalhmi kha a hngalhter tawn, asinain ahohmanh nih a hngalhtermi an zum lo.

JOHAN 3:11

Biataktein, biataktein kan chimh, kan hngalhmi kha kan chim i, kan hmuhmi kha kan hngalhter, cun kan hngalhtermi nan cohlang duh lo.